Документ на казахском языке

Екі айдан астам еңбекке уақытша жарамсыздық мерзімі белгіленген аурулардың тізбесін бекіту туралы Қазақстан Республикасы Денсаулық сақтау және әлеуметтік даму министрінің 2015 жылғы 14 cәуірдегі № 222 бұйрығы. Қазақстан Республикасының Әділет министрлігінде 2015 жылы 14 мамырда № 11048 тіркелді

2007 жылғы 15 мамырдағы Қазақстан Республикасы Еңбек кодексінің 54-бабының 1-тармағының 17) тармақшасына сәйкес БҰЙЫРАМЫН:

1. Екі айдан астам еңбекке уақытша жарамсыздық мерзімі белгіленген аурулардың тізбесі бекітілсін.

2. Қазақстан Республикасы Денсаулық сақтау және әлеуметтік даму министрлігінің Медициналық көмекті ұйымдастыру департаменті:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Әділет министрлігінде мемлекеттік тіркегеннен кейін оның күнтізбелік он күннің ішінде мерзімдік баспа басылымдарында және «Әділет» Қазақстан Республикасының нормативтік құқықтық актілерінің құқықтық-ақпараттық жүйесінде ресми жариялауды;

3) осы бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсында жариялауды қамтамасыз етсін.

3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі А.В. Цойға жүктелсін.

4. Осы бұйрық алғашқы ресми жариялағаннан кейін күнтізбелік он күн өткен соң қолданысқа енгізіледі.

Қазақстан Республикасының Денсаулық сақтау және әлеуметтік даму министрі Т. Дүйсенова

Қазақстан Республикасы Денсаулық сақтау және әлеуметтік даму министрінің 2015 жылғы 14 сәуірдегі № 222 бұйрығымен бекітілген

Екі айдан астам еңбекке уақытша жарамсыздық мерзімі белгіленген аурулардың тізбесі

1. Ішектiң пенетрациясымен және iштен қан өтумен асқынған iш сүзегi мен паратифтер

2. Сальмонеллездiк септицемия

3. Ботулизм, асқынған нысаны

4. Амебиаз, асқынған нысаны

5. Бактериологиялық және гистологиялық расталған тыныс ағзаларының туберкулезi

6. Бактериологиялық және гистологиялық расталмаған тыныс алу ағзаларының туберкулезi

7. Басқа ағзалардың туберкулезi

8. Милиарлық туберкулез

9. Оба

10. Туляремия

11. Түйнеме, өкпелiк нысаны

12. Декомпенсация сатысындағы созылмалы өткiр және ауыр дәрежедегі өткiрге жуық бруцеллез

13. Асқынған нысандағы сап және мелиоидоз

14. Бүйректердi зақымдайтын лептоспироз

15. Алапес (Гасен ауруы)

16. Асқынған нысандағы листериоз

17. Дифтерия, уытты нысаны

18. Менингококкалық инфекция

19. Стрептококколық септицемия

20. Басқа септицемия

21. Миокардитпен асқынған бөртпе сүзегi

22. Өткiр полиемиелит

23. Орталық жүйке жүйесiнiң баяу вирустық инфекциялары

24. Құтыру

25. Маса вирустық энцефалит

26. Кене вирустық энцефалит

27. Басқа айдарларда жiктелмеген, басқа да вирустық энцефалиттер

28. Анықталмаған вирустық энцефалиттер

29. Вирустық менингит

30. Орталық нерв жүйесiнiң басқа айдарларда жiктелмеген, басқа да вирустық инфекциялары

31. Орталық нерв жүйесiнiң вирустық инфекциясы

32. Бүйрек синдромымен асқынған геморрагикалық безгек

33. Герпетикалық менингит

34. Герпетикалық энцефалит

35. Ауыр дәрежедегi А вирустық гепатитi

36. Ауыр дәрежедегi В вирустық гепатитi

37. Комамен анықталмаған вирустық гепатит

38. Адамның иммун тапшылығы вирусы (ВИЧ) туғызатын ауру