Документ на казахском языке

Этил спиртін өндірудің технологиялық желілерін спирт өлшейтін аппараттармен, алкоголь өнімін (шарап материалынан және сырадан басқа) өндіруді - уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтау жөніндегі талаптарды, сондай-ақ олардың жұмыс істеуін және этил спирті мен алкоголь өнімінің есепке алынуын жүзеге асыруды бақылау тәртібін бекіту туралы Қазақстан Республикасының Қаржы министрінің 2015 жылғы 19 қаңтардағы № 36 бұйрығы. Қазақстан Республикасының Әділет министрлігінде 2015 жылы 21 ақпанда № 10315 тірелді

«Этил спирті мен алкоголь өнімінің өндірілуін және айналымын мемлекеттік реттеу туралы» 1999 жылғы 16 шілдедегі Қазақстан Республикасы Заңының 4-бабы 2-тармағының 4) тармақшасына сәйкес БҰЙЫРАМЫН:

1. Қоса беріліп отырған Этил спиртін өндірудің технологиялық желілерін спирт өлшейтін аппараттармен, алкоголь өнімін (шарап материалынан және сырадан басқа) өндіруді - уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтау жөніндегі талаптарды, сондай-ақ олардың жұмыс істеуін және этил спирті мен алкоголь өнімінің есепке алынуын жүзеге асыруды бақылау қағидалары бекітілсін.

2. Қазақстан Республикасы Қаржы министрлігінің Мемлекеттік кірістер комитеті (Д.Е. Ерғожин) заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркелуін;

2) осы бұйрықтың мемлекеттік тіркеуден өткеннен кейін он күнтізбелік күн ішінде оны ресми жариялауға мерзімді баспа басылымдарына және «Әділет» ақпараттық-құқықтық жүйесіне жіберуді;

3) осы бұйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін.

3. Осы бұйрық оның бірінші ресми жарияланған күнінен кейін он күнтізбелік күн өткеннен кейін қолданысқа енгізіледі.

Қазақстан Республикасының Қаржы министрі Б. Сұлтанов

Қазақстан Республикасы Қаржы министрінің 2014 жылғы 19 қаңтардағы № 36 бұйрығымен бекітілген

Этил спиртін өндірудің технологиялық желілерін спирт өлшейтін аппараттармен, алкоголь өнімін (шарап материалынан және сырадан басқа) өндіруді — уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтау жөніндегі талаптарды, сондай-ақ олардың жұмыс істеуін және этил спирті мен алкоголь өнімінің есепке алынуын жүзеге асыруды бақылау тәртібі

1. Жалпы ережелер

1. Осы Этил спиртін өндірудің технологиялық желілерін спирт өлшейтін аппараттармен (бұдан әрі - аппараттар), алкоголь өнімін (шарап материалынан және сырадан басқа) өндіруді - уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтау жөніндегі талаптарды, сондай-ақ олардың жұмыс істеуін және этил спирті мен алкоголь өнімінің есепке алынуын жүзеге асыруды бақылау тәртібі (бұдан әрі - Қағидалар) «Этил спирті мен алкоголь өнімінің өндірілуін және айналымын мемлекеттік реттеу туралы» Қазақстан Республикасының 1999 жылғы 16 шілдедегі Заңының 4-бабы 2-тармағының 4) тармақшасына сәйкес этил спирті мен алкоголь өнімін өндіруге бақылауды жүзеге асыру мақсатында әзірленді.

2. Этил спиртін өндірудің технологиялық желілерін уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін спирт өлшейтін аппараттармен жарақтандыру талаптары, сондай-ақ олардың жұмыс істеуін және этил спиртінің есепке алынуын жүзеге асыруды бақылау талаптары

2. Спирт және этил спиртінің (бұдан әрі - спирт) бас фракциясының өндірісі үздіксіз өлшеуді және аппараттардың есептеуіштеріне мынадай деректерді беруді жүргізетін:

1) өндірілетін спирттің көлемі және спиртометрикалық механизм арқылы көлемдік көрсеткішті сусызға түрлендіру немесе олардың мәндерін алған ақпаратты индикаттауға шығару жолымен алынған сусыз спирттің мөлшері жөніндегі;

2) спиртометрикалық механизмді қолданбай спирттің бас фракциясының көлемі жөніндегі аппараттармен жарақтандырылады.

Спирттің өлшем бірлігі + 20С⁰ температура кезіндегі сусыз спирт декалитрі (бұдан әрі - дал) болып табылады.

3. Спирт пен спирттің бас фракциясын есепке алуға арналған аппараттар спирттің ұрлануын болдырмау мақсатында олардың қызмет көрсету және бақылау жүргізу мүмкіндігі ескеріле отырып, орналастырылады.

4. Аппарат боза айыратын (боза айдайтын) қондырғы тұрған үй-жайда немесе онымен аралас үй-жайда, аппаратқа барлық жақтан еркін бару қамтамасыз етіле отырып және көлемдік және сусыз есептеуіштердің көрсеткіштері анық көрінетіндей қарау шамынан кейін спирт желісінде орнатылады.

Аппарат спиртті бір сағат, ауысым, тәулік және одан жоғары мерзімде боза айыру және боза айдау барысына бақылау жасау үшін қызмет көрсетеді. Спирт өлшейтін аппараттардың дұрыс жұмыс істеуін қамтамасыз ету үшін спирт өндірістерінде спирттің температурасын тұрақтандыратын жүйе орнатылады. Сусыз спирт мөлшерін есепке алуда өлшегіш және өлшеу аппараты бойынша салыстырмалы +/- 0,5% жоғары қателікке жол берілмейді.

5. Аппарат мынадай талаптарға сай келеді:

1) спирттік, сулы спирттік ерітінді және құрамында қанты бар қоймалжың ортада жұмыстың тұрақтылығы;

2) жұмыстың температуралық режимі 0-ден +40 С дейін;

3) тексеру аралығы аппаратты жұмысқа қосу кезінен бастап кемінде 6 ай;

4) аппараттың құрамында спирті бар сұйыққа тікелей тиіп тұратын бөлігі тамақ өнеркәсібінде қолдануға рұқсат етілген материалдардан орындалады;

5) есеп жүргізуге арналған жады сыйымдылығы үдемелі қорытындымен;

6) жұмыста кідірістер болған жағдайда тоқтаған сәттен бастап уақытты тіркеп және көрсеткіштерді жаңартып, есептеуішті оқшаулай отырып, көрсеткіштерді сақтау;

7) рұқсатсыз араласуға жол берілмеуі (код, кілт, пломба, голографиялық жапсырма және басқа да тәсілдер);

8) іркілістерден және сыртқы әсерлерден қорғану;

9) электрмен жабдықтауда авариялық іркілістер болған жағдайда автономды жұмыс істеу ұзақтығы авариялық іркілістер басталған сәттен бастап 3 (үш) күннен кем емес;

10) жарылыс және өрт қауіпсіздігі;

11) уәкілетті органға спиртті өндіру көлемі туралы деректерді нақты уақыт режимінде автоматты түрде беруді қамтамасыз ету.

6. Аппаратқа техникалық паспорт, мемлекеттік және орыс тілдеріндегі нұсқаулық, аппараттың шығарылуы туралы құжат және жұмыс істеу схемасы қоса беріледі.

7. Этил спирті мен спирттің бас фракциясын бақылау есебіне арналған аппарат уәкілетті органның қызметкерінің қатысуымен пайдалануға енгізіледі, ол туралы еркін нысанда пайдалануға енгізу актісі жасалады.

8. Айыру колоннасынан спирт өлшейтін аппаратына дейін ернемектік жалғамаларды, тораптарға және күйге келтіру, оқшаулау, ақпаратты тіркеу және тастау элементтеріне және бақылау аспаптарының көрсеткіштеріне ықпал ететін басқа да құрылғыларға қол жеткізу мүмкін болатын барлық орындарды, сондай-ақ аппаратты уәкілетті орган қызметкері пломбалау жолымен пломбалайды, ол туралы пломба салынған орны және нөмірлері немесе пломбалар бедерлері көрсетіле отырып еркін нысанда пломбалау актісі жасалады.

9. Спиртті бақылау есебінің мақсаты боза айыру және спиртті айдау барысына бақылау жасау, сулы спирт ерітіндісінің өндірілетін көлемін және сусыз спиртке қайта есептеумен ондағы спиртті үздіксіз өлшеу және бақылау есебі болып табылады.

10. Спиртті өндіру кезінде оның бақылау есебі спиртті өндіруді жүзеге асыратын ұйымдарда (бұдан әрі - спиртті өндіруші ұйымдар) деректерді беру аппараттарымен және телекоммуникациялық құралдармен (бұдан әрі - беру құралдары) жарақтандыру және оларды пайдалану жолымен іске асырылады.

11. Өндірілетін спирттің мөлшерін өлшеу және есепке алу спиртті құю бөлімшесінен спирт сақтау қоймасына беру кезінде өлшегіштермен спиртті өлшеу нәтижелері бойынша жүргізіледі.

12. Сусыз спиртті мөлшерін өлшегішпен өлшеу нәтижелері бухгалтерлік есеп үшін бастапқы деректер болып табылады.

13. Сусыз спирттің мөлшерін өлшегіш (Vm) және аппарат (Vm) бойынша өлшеудің нәтижелерін салыстырумен осы шамалардың арасындағы далдарда және пайызда (кінәраттық) сандық айырмашылық айқындалады.

14. Кінәраттық есебі мына формулалар бойынша жүргізіледі:

мұндағы Сабс. - абсолюттік кінәраттық, дал;

Жүздік - салыстырмалы кінәраттық, %.

15. Сусыз спиртті есептеу кезіндегі абсолютті және салыстырмалы кінәраттық спиртті өндірістен спирт сақтау қоймасына әрбір беру кезінде айқындалады және осы Қағидаларға 1-қосымшаға сәйкес нысан бойынша спирт пен спирт өнімдерін өндіру және оларды спирт сақтау қоймасына беру туралы актінің (бұдан әрі - спирт өндіру туралы акті) 3-бөлімінде тіркеледі және спирт өндіруші ұйымның тиісті бөлімшесі бақылайды.

16. Боза айыратын қондырғылардың қуатына қарай осы Қағидаларға 2-қосымшаға сәйкес спиртті, спирттің бас фракциясын қабылдауды, есепке алуды және беруді қамтамасыз ететін жабдық, бір немесе бірнеше аппараттар пайдаланылады.

17. Бас фракцияның мөлшерін есепке алу спирттің көлемдік есептеуіші бойынша жүргізіледі.

18. Сивушты майды және стандартты емес спиртті (қойыртпақтарды) аппараттан өткізуге жол берілмейді.

19. Спирт және спирттің бас фракциясы спиртті және спирт өнімдерін қабылдау бөлімінде тоңазытқыш, ротаметр, қарау шамы және аппарат арқылы бөлінеді. Бұл ретте қарау шамы жарық жақсы түсетін орында, аппараттан бір метрден аспайтын қашықта орналастырылады.

20. Аппараттардың жұмысын қамтамасыз ету үшін спирттің температурасын тұрақтандыратын жүйе орнатылады.

21. Спирттің температурасын тұрақтандыруға спиртті тоңазытқыш арқылы боза айыру (боза айдау) қондырғысының жұмысы үшін қажет болатын бүкіл салқындатқыш суды қысым багіне беру есебінен қол жеткізіледі. Бұл ретте салқындатқыш судың спирт тоңазытқышына құбыр жолына тиек арматура орнатпай тікелей сорғыштан келіп түсуі қамтамасыз етіледі. Қысым багіне, бассейнге және басқа ыдыстарға тоңазытқыштан судың еркін шығуы қамтамасыз етіледі. Суды тоңазытқыштан конденсаторға, дефлегматор мен коллекторға жіберуге жол берілмейді.

22. Спирттің температурасын автоматты реттеу жүйесін қолдану кезінде көрсеткіш спирт құбырында тұйық гильзаға тоңазытқыштан шығатын ауызға орнатылады.

23. Аппаратқа түсетін спирттің температурасын реттеу жүйесіне қарамастан жылдың осы уақыты үшін барынша мүмкін болатын төмен тұрақты температурасы болуы тиіс.

24. Колоннада спирт іріктеу орнынан тоңазытқышқа, ротаметрге, қарау шамына, аппаратқа және аппараттан құю бөліміне дейін спирт түтікшелерін жүргізу ернемектік жалғамаларсыз және тірек арматурасыз жүзеге асырылады.

25. Ернемектік жалғамалар, сынамаларды іріктеуге арналған крандар, реттеуші және тірек арматура, колоннадағы ернемектік аспаптардың ернемектік жалғамалары мен арматура және спиртке қол жетімді басқа да жерлер металл-қаптамалармен бекем қорғалады және әрбір ашылғаннан кейін және жұмыстар жүргізілгеннен кейін уәкілетті органның қызметкері пломбалайды. Пломбалардың жұлынуына немесе зақым келінуіне жол берілмейді.

Пломба қою орындарының тізімдемесі үш данада жасалады, оның біреуі аппарат бөлімінде ілінеді, екіншісі спирт өндіруші ұйымның бухгалтериясында, үшіншісі уәкілетті органда сақталады.

26. Пломбылағыш тістеуіктер мен пломбалар уәкілетті органда сақталады және бұйрықтың негізінде уәкілетті органның қызметкерлеріне беріледі. Уәкілетті органда тістеуіктердің бедерлері, біржолғы пломбалардың нөмірлері, сериялары және түстері, тістеуіктерді және біржолғы пломбаларды алған мен қайтарған күн, бұйрықтың күні мен нөмірі көрсетіле отырып, тістеуіктердің немесе пломбалардың алынғаны және қайтарылғаны туралы жазбаны көздейтін еркін нысандағы журнал жүргізіледі.

27. Өндірілетін спиртті есепке алуға және аппараттардың дұрыс пайдаланылуын бақылауға байланысты жұмыстарды орындау үшін спирт өндіруші ұйым басшысының бұйрығымен құрамында бас инженер (комиссияның төрағасы), зертхана меңгерушісі, бас бухгалтер және спирт өндіруші ұйымның басқа қызметкерлері болатын тұрақты түрде қызмет ететін Спиртті есепке алу жөніндегі комиссия құрылады.

Аталған Комиссия өндірісті тоқтатқанға немесе кезекті жоспарлы юстировкалауға дейін 15 күн бұрын, сондай-ақ спирт өндіруші ұйымның іске қосылуы алдында уәкілетті органды спирт өндіруші ұйымға уәкілетті орган қызметкерінің жіберілуі туралы еркін нысандағы өтініш жолдайды. Комиссия бір жұмыс күнінен аспайтын мерзімде уәкілетті органды есептік көрсеткіштердің шектіден жоғары алшақтықтарының, аппараттың бұзылуының, салынған пломбалардың жұлынуының немесе зақымдалуының әрбір фактісі туралы хабарлайды.

28. Спирт өндіру көлемдері туралы деректерді нақты уақыт режимінде автоматтандырылған беруді қамтамасыз ету болмаған жағдайда уәкілетті орган кемінде үш жұмыс күнінен кешіктірмей аталған факті туралы өндіруші ұйымды жазбаша хабарлайды.

Деректерді беру құралдарының жұмысында іркілістер болған жағдайда спирт өндіруді жүзеге асыратын кәсіпорын деректерді беру құралдарымен қамтамасыз ететін ұйымнан тиісті жазбаша ақпаратты береді.

29. Беру құралдары мен аппараттарды жеткізуді, орнатуды, жөндеуді (ағымдағы және күрделі), оларға қосалқы бөлшектерді сатып алуды спирт өндіруші ұйымдар жүргізеді.

30. Сусыз спирттің мөлшерін есептеуде +/-0,5% аса ауытқушылық болған кезде аппараттар мерзімінен бұрын ашылып, аппаратқа юстировкалау және метрологиялық тексеру жасалынады.

31. Бір аппаратты екінші аппаратпен ауыстырған кезде алынған аппараттан есептеуіштердің соңғы көрсеткіштері жаңадан орнатылған аппаратқа көшіріледі.

32. Аппарат орнықты қалыпты қамтамасыз ете отырып және оның тербелісін болдырмайтындай етіп арнайы металл қаңқаға бекітілетін арнайы постаменттерге орнатылады.

33. Спирт тоңазытқышы мен аппараттың арасында қарау шамы орналасады. Қарау шамы спиртті іріктеп алудың барысын байқау үшін қызмет етеді. Қарау шамында орнатылған термометр мен спиртометр бойынша өндірілетін спирттің шоғырлануы мен температурасы айқындалады.

34. Спирт құбырының қарау шамынан спирт қабылдағышқа дейінгі еңістігі құю бөлімінде спирт барынша көп іріктелген кезде өтуін қамтамасыз етеді және 2-ден 10 ⁰ -қа дейін еңіс болады.

35. Аппаратты орнату техникалық сипаттамаға, пайдалану нұсқаулығына, тексеру әдістері мен құралдарына, аппарат паспорттына сәйкес жүргізіледі.

36. Бүкіл өндірілетін спирт және спирттің бас фракциясы өз бетімен ағып құю бөлімінің спирт қабылдағыштарына аппараттар арқылы келіп түседі.

37. Құю бөліміндегі әрбір аппарат үшін негізгі және қосымша спирт қабылдағыш орнатылады.

38. Негізгі спирт қабылдағыштардың көлемі боза айыратын (боза айдайтын) қондырғымен белгіленген екі тәуліктік қуат есебімен, ал қосымша спирт қабылдағыштардың көлемі - бір ауысымдық өндіру есебімен спирттің жиналуын қамтамасыз етеді.

39. Спирт қабылдағыштарға спирттің құйылуы жоғарғы құбыр желісі арқылы жүзеге асырылады, олардың түбі спирттің толық шығуын қамтамасыз ететін құбыр желісінің құйылу жағына қарай еңіс. Негізгі спирт қабылдағыштың қақпағы сынамаларды іріктеу, спирт деңгейін өлшеу, қарау және тазалау үшін люктармен жарақтандырылады. Сондай-ақ қақпақта аппаратшының жұмыс орнына белгі шығарумен, толтырудың шекті деңгейінің автоматты дабыл беру аспаптары орнатылады.

40. Жыл сайын жұмысты бастар алдында лас шөгіндіден және тоттан тазартылады, сумен толтырылады және герметикалығы тексеріледі, кейіннен спирт өндіруші ұйымда комиссия еркін нысанда акті жасайды. Спирт қабылдағыштарды тексеруді 4 жылда бір рет спирт өндіруші ұйым жүзеге асырады.

41. Қабылдау және өткізу кезінде спирт 0.5-тен 1000 далға дейін сыйымдылығы бар металл өлшегіштермен өлшенеді.

42. Құю бөліміндегі өлшегіштер мен спирт қабылдағыштар мықты іргетасқа орнатылады. Қалып өзгерген немесе майысу кезінде қайта тексеруге әкеп соғады. Пайдаланылатын өлшегіштердің саны мен түрлері орнатылған боза айыру (боза айдау) қондырғысымен белгіленген бір тәуліктік қуат есебімен қабылданады.

43. Өлшегіштегі спирт температурасын айқындау үшін бақылау айнасының біреуіне қарсы техникалық реттеу саласындағы ұйымдар тексерген, 0,1 С бағада бөлінген, термометр орнатылады.

44. Спирттің мөлшерін есепке алу соңғы тексерумен белгіленген өлшегіштердің номиналды сыйымдылығы бойынша жүргізіледі. Сулы спиртті ерітіндіні көлбеу шәкілсіз өлшегіште өлшеуге толық сыйымдылығы көлемінде, ал цилиндрлік шәкілді өлшегіште градуирленген шәкілдің үлестерінде жол беріледі.

45. Спирттің шынайы көлемі осы Қағидаларға 3-қосымшада көрсетілген металл өлшегіштердің көлемдік кеңеюіне күйге келтіруді өзгертулер ескеріле отырып айқындалады.

46. Өлшегіштерді спирт қабылдағыштар ретінде пайдалануға жол берілмейді.

47. Құю бөлімін спирт сақтайтын қойма ретінде пайдалануға жол берілмейді.

48. Күн сайын өндірістік тәулік басында спиртті құю бөлімінен спирт сақтайтын қоймаға беру жүргізіледі.

49. Спиртті есепке алу жүздік үлестерге дейін жүргізіледі, бұл ретте 0,005-тен аз далдың мыңдық үлесі есепке алынбайды, ал 0,005 және одан көбі бір жүздік далл болып есептеледі.

50. Спиртті есепке алу кезінде сулы спирт ерітіндісінің көлемі, пайызда (көлемі бойынша) спирт қойыртпағы және құрамындағы сусыз спирт көлемі айқындалуы тиіс.

51. Аппараттар есептеуіштерінің көрсеткіштерін тіркеу өндірістік тәуліктің басында жүргізіледі. Ол үшін спиртті алу краны жабылады. Аппаратқа спирттің келуі тоқтаған соң есептеуіштердің көрсеткіштері спирт өлшегіш аппараттардың көрсеткіштері бойынша тазартылған спирт өндіруді есепке алу журналында, осы Қағидаларға 4-қосымшадағы нысанға сәйкес жазылады. Аппарат пен негізгі спирт қабылдағыштың арасындағы спирт құбыры спирттен толық босаған соң толтырылған кран жабылады және бос қосымша спирт қабылдағышқа ашылады. Спиртті іріктеу осы тармақта көрсетілген жұмыстар жүргізілгеннен кейін басталады. Осыдан кейін барып қана спиртті алу басталады.

Спиртті алу уақытында есептеуіштердің көрсеткіштерін алуды жүргізуге жол берілмейді.

52. Есептеуіштердің көрсеткіштерін тіркеу кезінде алдыңғы тәуліктер ішінде өндірілген барлық спирт өлшенеді және спирт сақтау қоймасына беріледі.

53. Аппараттардың кінәраттығын айқындау үшін оларды юстировкалаудан соң уәкілетті органның қызметкері өлшеу нәтижелерін спирт өнімдерін өндіру актісіне енгізіледі. Кемінде үш өлшеу, тәулігіне бір өлшеу жүргізіледі. Бақылау өлшеулерін тәулігіне 2-3 рет жүргізуге жол беріледі. Бұл ретте спирттің мөлшері әрбір беру үшін кемінде 250 далды құрайды.

3. Алкоголь өнімін (шарап материалдарынан және сырадан басқа) өндірудің технологиялық желілерін уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтандыру талаптары, сондай-ақ олардың жұмыс істеуін және алкоголь өнімінің есепке алынуын жүзеге асыруды бақылау тәртібі

54. Алкоголь өнімін өндірудің технологиялық желілері автоматтандырылған жүйе арқылы алкоголь өнімінің өндірісіне бақылауды қамтамасыз ету мақсатында алкоголь өнімінің өндірілу көлемі туралы ақпаратты автоматты түрде беруді қамтамасыз ететін және олардың құю автоматына келіп түсетін көлемін үздіксіз өлшеуді, шөлмекке құйылған өнімдерді даналап есепке алуды жүргізетін есептеуші бақылау аспаптарымен (бұдан әрі - ЕБА) жарақтандырылады.

Нақты уақыт режимінде алкоголь өнімінің өндірілу көлемі туралы деректерді автоматты түрде беруді қамтамасыз ету болмаған жағдайда уәкілетті орган үш жұмыс күнінен кешіктірмей алкоголь өнімін өндіруші ұйымды аталған факті туралы жазбаша түрде хабарландырады.

Беру құралдарының жұмысында іркілістер болған жағдайда алкоголь өнімін өндіруші ұйым беру құралдарымен қамтамасыз ететін ұйымнан тиісті жазбаша ақпарат береді.

55. Алкоголь өнімін есепке алу:

1) сұйықтық ағысын көлемдік шығыс өлшегіштен;

2) құю автоматынан кейін (бұдан әрі - 1-аспап) және дайын өнім қоймасының алдында (бұдан әрі - 2-аспап) орнатылатын дайын алкоголь өнімін даналап есепке алу аспаптарынан;

3) ақпаратты өңдеу блогынан (бұдан әрі - АӨБ);

4) беру құралдарынан;

5) үздіксіз қоректендіру көзінен;

6) бағдарламалық қамтамасыз етуден тұратын ЕБА-мен жүргізіледі.

56. ЕБА ақпаратты жинауды, сақтауды, беруді (индикаттау), қашықтықтан беруді және қабылданған ақпаратты өңдеуді жүзеге асырады және мынадай талаптарға сәйкес келеді:

1) көлемдік шығыс өлшегіштің бастапқы өзгертушісі құбыр жолының көлденең учаскесінде құю автоматына барынша жақын орнатылады, ол өлшеу кезінде бүкіл қиылыстар бойынша үнемі толы болады. Құбыр жолының аралық ернемектік ажыратқыштарына және көлемдік шығыс өлшегіштің бастапқы өзгертушісінің ернемегі мен құю автоматының жалғастырушы ернемегі арасындағы басқа да қосылуларға жол берілмейді;

2) көлемдік шығыс өлшегіштің ± 0,5% жоғары кінәраттығына жол берілмейді;

3) спиртті, сулы спиртті ерітінділерде құрамында қанты коп қоймалжың ортада көлемдік шығыс өлшегіш жұмысының тұрақтылығын қамтамасыз етеді;

4) қысымды резервуарды құю аппаратымен, сондай-ақ тиек арматурамен, сүзгілермен және осы құбыр жолында орналасқан құрылғылармен байланыстыратын құбыр жолы қиылысының диаметрі көлемдік шығыс өлшегіштің диаметрінен үлкен болады. Жұмсақ шлангілер мен коммуникацияларды пайдалануға жол берілмейді;

5) желіні қоректендіретін ең төменгі гидростаттық қысым көлемдік шығыс өлшегішке қарағанда 0,5 метрді құрайды;

6) 1 және 2 аспаптың ± 0,1%-дан жоғары кінараттығына (әрбір 10 000 шөлмекке 10 шөлмектен коп емес) жол берілмейді;

7) ЕБА аспаптарының қызмет көрсету мерзімі техникалық паспортта көрсетілген қызмет көрсету мерзімінен аспайды;

8) ЕБА жұмысының температуралық режимі О-ден +40С⁰ -қа дейін құрайды;

9) жады сыйымдылығы үдемелі қорытындыны қамтамасыз етеді;

10) ЕБА жұмысының режимінде іркілістер болған жағдайда, сондай-ақ оны ауыстыру кезінде барлық жиналған ақпараттарды сақтауды қамтамасыз етеді;

11) рұқсатсыз қол жеткізуден қауіпсіздік жүйесінің (код, кілт, пломба, голографиялық жапсырма) болуы;

12) іркілістерден және сыртқы ықпалдардан қорғаныстылығы (қысымды қайтарғыш, үздіксіз қоректендіру көзі), авариялық іркілістер жағдайында электрмен жабдықтаудағы автономды жұмыс істеу ұзақтығы 3 күннен кем емес;

13) ЕБА техникалық паспорты, пайдалану жөніндегі нұсқаулығы және шығу тегі туралы құжаты болады.

57. Көлемдік шығыс өлшегіш (ернемектік жалғамалар) орнатылған орынды, ақпаратты өңдеу блогының қалқанын, дайын өнімді даналап есепке алу аспаптарын рұқсатсыз қол жеткізуді болдырмау үшін уәкілетті органның тиісті аумақтық бөлімшелерінің қызметкері пломбаланады, ол туралы пломба салынган орындар, нөмірлері немесе пломбалар бедерлері көрсетіле отырып, тиісті акті жасалады.

58. Алкоголь өнімінің көлемін өлшеу үшін Қазақстан Республикасының өлшем бірлігін қамтамасыз ету мемлекеттік жүйесінің тізіліміне (бұдан әрі - Тізілім) енгізілген магнитті-индуктивтік, массалық, кариөлистік және көлемдік шығыс өлшегіштер пайдаланылады.

59. Алкоголь өнімі бірліктерінің санын өлшеу үшін Тізілімге енгізілген 1 және 2-электронды-механикалық және электронды-сәулелік аспаптарды пайдалануға жол беріледі.

Этил спиртін өндірудің технологиялық желілерін спирт өлшейтін аппараттармен, алкоголь өнімін (шарап материалынан және сырадан басқа) өндіруді - уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтау жөніндегі талаптарды, сондай-ақ олардың жұмыс істеуін және этил спирті мен алкоголь өнімінің есепке алынуын жүзеге асыруды бақылау тәртібіне 1-қосымша Нысан

___________________________________________________________________ шаруашылық субъектінің атауы (бизнес-сәйкестендіру нөмірі немесе жеке сәйкестендіру нөмірі)

20 жылғы___«____»_____________________№_______ Спирт және спирт өнімдерін өндіру және оны спирт сақтау қоймаларына беру туралы АКТІСІ

1. Спирт өлшегіш аппаратпен есептелінген

2. Құю бойынша алынды

3. Бақылау спирт өлшегіш аппараттарының көрсеткіштерінен құю деректерінің ауытқуы

Құю кезіндегі бақылау спирт өлшегіш аппараттарындағы есептегіштердің көрсеткіштерін растаймын: аппаратшы

Актіні бас (ага) бухгалтер қабылдады 20___жылдың «___»_________

Спиртті өлшеу

Өндіріс меңгерушісі:

Аппаратшы:

Спирт сақтау қоймасының меңгерушісі:

Этил спиртін өндірудің технологиялық желілерін спирт өлшейтін аппараттармен, алкоголь өнімін (шарап материалынан және сырадан басқа) өндіруді - уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтау жөніндегі талаптарды, сондай-ақ олардың жұмыс істеуін және этил спирті мен алкоголь өнімінің есепке алынуын жүзеге асыруды бақылау тәртібіне 2-қосымша

Спирт,спирттің бас фракциясын қабылдауды, есепке алуды және беруді қамтамасыз ететін жабдық пен аппараттар

Этил спиртін өндірудің технологиялық желілерін спирт өлшейтін аппараттармен, алкоголь өнімін (шарап материалынан және сырадан басқа) өндіруді - уәкілетті органға нақты уақыт режимінде өндіру көлемі туралы деректерді автоматты түрде беруді қамтамасыз ететін есептеуші бақылау аспаптарымен жарақтау жөніндегі талаптарды, сондай-ақ олардың жұмыс істеуін және этил спирті мен алкоголь өнімінің есепке алынуын жүзеге асыруды бақылау тәртібіне 3-қосымша

Спирт көлемін өлшеу кезіндегі I класты темір өлшегіштердіц көлемдік кеңеюіне түзетулер (өлшегіштердің номиналды сыйымдылығы бойынша айқындалған спирттің көлеміне пайыздарда) КЕСТЕСІ