Бұйрық № 690 от 2013-12-31г./Қазақстан Республикасының Еңбек және халықты әлеуметтік қорғау министрлігі
Әлеуметтік-еңбек саласындағы кәсіби стандарттарды бекіту туралы
Әлеуметтік-еңбек саласындағы кәсіби стандарттарды бекіту туралы Қазақстан Республикасы Еңбек және халықты әлеуметтік қорғау министрінің 2013 жылғы 31 желтоқсандағы № 690 бұйрығы. Қазақстан Республикасының Әділет министрлігінде 2014 жылы 14 ақпанда № 9151 тіркелді
Осы Бұйрық күшін жойды 2016 жылғы 1 қаңтардан бастап ҚР Денсаулық сақтау және әлеуметтік даму министрінің 15.12.2015 жылғы № 971 Бұйрығына сәйкес
Қазақстан Республикасы Еңбек кодексінің 138-5 бабының 3-тармағына сәйкес БҰЙЫРАМЫН:
1. Мыналар:
1) «Үйде әлеуметтік көмек көрсету» кәсіби стандарты осы бұйрыққа 1-қосымшаға сәйкес;
2) «Зейнетақы мен жәрдемақы төлеу жөніндегі қызметтерді ұйымдастыру» кәсіби стандарты осы бұйрыққа 2-қосымшаға сәйкес;
3) «Жұмыспен орталықтарының(қызметтерінің) қызметтерін ұйымдастыру» кәсіби стандарты осы бұйрыққа 3-қосымшаға сәйкес;
4) «Медициналық-әлеуметтік мекемелер (ұйымдар) лауазымдары» кәсіби стандарты осы бұйрыққа 4-қосымшаға сәйкес;
5) Белгілі бір тұрғылықты жері жоқ адамдарға арналған әлеуметтік бейімдеу жөніндегі қызметтерді ұйымдастыру» кәсіби стандарты осы бұйрыққа 5-қосымшаға сәйкес;
6) «Протездік-ортопедиялық бұйымдарды әзірлеу және қызметтер» кәсіби стандарты осы бұйрыққа 6-қосымшасыға сәйкес бекітілсін.
2. Еңбек және әлеуметтік әріптестік департаменті (А.Ә. Оспанов) осы бұйрықты заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін және ресми жариялануын қамтамасыз етсін.
3. Осы бұйрықтын орындалуын бақылау Қазақстан Республикасының Еңбек және халықты әлеуметтік қорғау вице-министрі Қ.Б. Әбсаттаровқа жүктелсін.
4. Осы бұйрық алғашқы ресми жарияланғанынан кейін күнтізбелік он күн өткен соң қолданысқа енгізіледі.
Министр Т. Дүйсенова
Қазақстан Республикасы Еңбек және халықты әлеуметтік қорғау министрінің 2013 жылғы 31 желтоқсандағы № 690 бұйрығына 1-қосымша
«Үйде әлеуметтік көмек көрсету» кәсіби стандарты
1. Жалпы ережелер
1. «Үйде әлеуметтік көмек көрсету» кәсіби стандарты (бұдан әрі – КС) біліктілік, құзыреттілік деңгейіне, еңбек мазмұнына, сапасына және жағдайларына қойылатын талаптарды айқындайды және ол мыналарға:
1) еңбек нарығының қазіргі кездегі сұранысына жауап беретін біліктілік талаптарын жаңарту үшін кәсіптік қызметтің мазмұнына қойылатын бірыңғай талаптарды әзірлеуге;
2) персоналды басқару саласындағы кең ауқымды міндеттерді шешуге (персоналды уәждендіру және ынталандыру жүйелерін, лауазымдық нұсқаулықтарды; персоналды іріктеу, таңдау және аттестаттау, мансапты жоспарлау жүйелерін әзірлеуге);
3) персоналды кәсіпорындарда оқытудың, кәсіби білім берудің барлық деңгейінде білім беру бағдарламаларын қалыптастыруға, сондай-ақ осы бағдарламаларға оқу-әдістемелік материалдарды әзірлеуге;
4) кәсіптік даярлыққа бағалау жүргізуге және мамандардың біліктілігіне сәйкестігін растауға арналған.
2. КС негізінде ұйымдардың біліктілік мінездемелері, лауазымдық нұсқаулықтары, үлгілік оқу бағдарламалары, үлгілік оқу жоспарлары, корпоративтік стандарттары әзірленеді.
3. Осы КС мынадай терминдер мен анықтамалар қолданылады:
1) біліктілік – қызметкердің белгілі бір еңбек қызметі түрінің шеңберінде нақты функцияларды сапалы орындауға дайындығы;
2) біліктілік деңгейі – еңбек іс-қимылдарының күрделілігі, стандартты еместігі, жауапкершілігі мен дербестілігі өлшемдеріне қарай сараланатын қызметкерлердің құзыретіне қойылатын талаптар жиынтығы;
3) еңбек функциясы – бизнес-процесс айқындайтын және оларды орындау үшін қажетті құзыреттердің болуын көздейтін еңбек іс-қимылдарының кіріктірілген және салыстырмалы түрде автономды жиынтығын білдіретін еңбек қызметі түрінің құрамдас бөлігі;
4) кәсіби қызмет саласы – ортақ интеграциялық негізі бар (міндетті, объектілері, технологиялары, оның ішінде еңбек құралдары ұқсас немесе жақын) және еңбек функцияларының және оларды орындау үшін құзыреттіліктің ұқсас жиынтығын көздейтін еңбек қызметі саласы түрлерінің жиынтығы;
5) КС – кәсіби қызметтің нақты саласында біліктілік және құзыреттілік деңгейіне, еңбек мазмұнына, сапасына және жағдайларына қойылатын талаптарды айқындайтын стандарт;
6) КС бірлігі – еңбек қызметінің аталған түрі үшін тұтас, аяқталған, салыстырмалы түрде автономды және елеулі болып табылатын нақты еңбек функциясының жан-жақты сипаттамасынан тұратын КС құрылымдық элементі;
7) кәсіп – бұл арнайы дайындық, жұмыс тәжірибесі нәтижесінде туындаған арнайы теориялық білім және практикалық дағдылар кешенін меңгеруді талап ететін еңбек қызметінің түрі;
8) құзыреттілік – еңбек қызметінде білімін, білігі мен тәжірибесін қолдану қабілеті;
9) салалық біліктілік шеңбері (бұдан әрі – СБШ) – салада танылатын біліктілік деңгейлерін құрылымдық жағынан сипаттау;
10) ұлттық біліктілік шеңбері (бұдан әрі – ҰБШ) – еңбек нарығында танылатын біліктілік деңгейлерін құрылымдық жағынан сипаттау.
2. КС паспорты
4. КС төлқұжаты келесіні анықтайды:
1) экономикалық қызмет түрі (кәсіби қызмет саласы):
Экономикалық қызмет түрлерінің жалпы сыныптауышы (бұдан әрі – 03-2007 ҚР МС) «88.99 Қарттар мен мүгедектер үшін тұратын жерін қамтамасыз етпей әлеуметтік қызметтерді ұсыну»;
2) экономикалық қызмет түрінің (кәсіби қызмет саласының) негізгі мақсаты: тұратын жерін қамтамасыз етпей әлеуметтік қызметтерді ұсыну;
3) еңбек қызметінің түрлері, кәсіптері, біліктілік деңгейлері осы КС 1-қосымшада көрсетілген;
5. КС талаптары осы саладағы мынадай кәсіптерге қатысты:
психоневрологиялық аурулары бар мүгедек балаларды және 18 жастан асқан мүгедектерді күту жөніндегі әлеуметтік қызметкер;
қарттар мен мүгедектерді күту жөніндегі әлеуметтік қызметкер;
әлеуметтік жұмыс жөніндегі консультант;
үйде көрсетілетін әлеуметтік көмек бөлімінің меңгеруші;
әлеуметтік қорғау ұйымы құрылымдық бөлімшесінің бастығы.
3. Еңбек қызметі түрлерінің (кәсібінің) карточкасы
1-параграф «Психоневрологиялық аурулары бар мүгедек балалардыжәне 18 жастан асқан мүгедектерді күту жөніндегіәлеуметтік қызметкер»
6. Еңбек қызметі түрінің (кәсібінің) карточкасы мыналардан тұрады:
1) біліктілік деңгейі: СБШ – 4-5, ҰБШ бойынша – 4-5;
2) Қазақстан Республикасының Мемлекеттік кәсіптер сыныптауышы бойынша базалық топ (бұдан әрі – 01-2005 ҚР МС): 5133 – «Үйде жеке қызметтерді көрсететін қызметкерлер»;
Ссылка на абзац скопирована в буфер обмена
Ссылка на документ скопирована в буфер обмена
Документ добавлен в избранное
Комментарий удален
Закладка успешно добавлена
Закладка удалена
Закладка изменена
Функция доступна только для подписчиков системы
Чтобы оставить закладку, пожалуйста
Содержание
Русский
Комментарий успешно добавлен