«Жалпы мақсаттағы авиацияны пайдаланушыларды ұшуға рұқсат беру қағидаларын бекіту туралы» бұйрық жобасына құжаттама

1. Осы Жалпы мақсаттағы авиация пайдаланушыларды ұшуға рұқсат беру қағидалары (бұдан әрі - Қағидалар) «Қазақстан Республикасының әуе кеңістігін пайдалану және авиация қызметі туралы» 2010 жылғы 15 шілдедегі Қазақстан Республикасы Заңының (бұдан әрі - Заң) және Халықаралық азаматтық авиация туралы конвенцияга (II бөлім) 6-қосымшаның (1944 ж. Чикаго) талаптарына сәйкес әзірленді.

2. Қағидалар сертификатталған ең жоғарғы ұшу массасы бес мың жеті жүз килограмннан асатын ұшақтарды және (немесе) бір немесе бірнеше турбореактивты (турбобұрандалы) қозғалтқышпен жарақтандырылған ұшақтарды пайдаланатын жеке және заңды тұлғаларды жалпы мақсаттағы авиация ұшуын орындауға жіберу тәртібін анықтайды.

3. Қағидадалар мынадай терминдер мен анықтамалар қолданылады:

1) жалпы мақсаттағы авиацияны пайдаланушы – әуе кемесін жалпы мақсаттағы авиация мақсатында ұшу үшін пайдаланатын жеке немесе заңды тұлға;

2) жалпы мақсаттағы авиация ұшуы – коммерциялық әуе тасымалы немесе авиациялық жұмыстарды аңысыз және талдаусыз орындауға байланысты ұшудан басқа, әуе кемелерінің ұшуы;

3) өтініш беруші – жалпы мақсаттағы авиацияны пайдаланушы ретінде есепке тұру немесе жалпы мақсаттағы авиация ұшуын орындау құқығына арналған куәлік алу үшін азаматтық авиация саласындағы уәкілетті органға (бұдан әрі - уәкілетті орган) өтініш берген жеке немесе заңды тұлға;

4) техникалық қызмет көрсетуді реттеу жөніндегі пайдаланушының нұсқаулығы – осы пайдаланушының әуе кемелеріне техникалық қызмет көрсету жөніндегі жоспарлы және жоспарлы емес барлық жұмыстардың уақтылы және қанағаттанарлықтай орындалуын басқару мүмкіндігін қамтамасыз ететін пайдаланушы рәсімдерінің сипатын қамтитын құжат.

5) ұшуды орындау құқығына арналған куәлік (бұдан әрі - куәлік) – сертификатталған ең жоғары ұшу массасы бес мын жеті жүз килограммнан асатын ұшақтарды және (немесе) бір немесе бірнеше турбореактивті (турбобұрандалы) қозғалтқышпен жарақтандырылған ұшақтарды пайдаланатын жалпы мақсаттағы авиацияны пайдаланушыны осы Қағидалармен анықталған талаптарына сәйкестігін растайтын азаматтық авиация саласындағы уәкілетті орган беретін құжат;

6) ұшуларды жүргізу жөніндегі нұсқау – өзінің міндеттерін орындау кезінде пайдалану персоналының пайдалануы үшін қағидаларды, нұсқаулықтар мен ұсынымдарды қамтитын құжат.

4. Сертификатталған ең жоғары ұшу массасы бес мың жеті жүз килограмнан асатын ұшақтарды және (немесе) бір немесе бірнеше турбореактивті (турбобұрандалы) қозғалтқышпен жарақтандырылған ұшақтарды пайдаланатын жалпы мақсаттағы авиацияны пайдаланушылар уәкілетті орган жалпы мақсаттағы авиацияны пайдаланушылардың ұшуды орындау құқығына арналған куәлікті бергеннен кейін ұшуға жіберіледі.  

5. Куәлікті басқа адамға беруге болмайды.

6. Куәлік мерзімсіз беріледі.

7. Пайдаланушының қолымен және мөрімен куәландырылған куәліктің көшірмесі және оған байланысты пайдалану ерекшеліктерін көшірмелері әуе кемесінің бортында болады.

Халықаралық ұшуларды орындау кезінде әуе кемесінің бортында уәкiлеттi органның басшысы, не ол уәкілеттік берген адам қол қойған және мөрімен расталған куәліктің көшірмесі болады.

8. Жалпы мақсаттағы авиацияны пайдаланушы ұшу қауіпсіздігін қамтамасыз етеді.

9. Куәлікті берудің мынадай тәртібі белгіленеді:

1) әуе кемесінің өтініш берушісінің (иесінің) уәкілетті органға құжаттармен өтінім беруі;

2) уәкілетті органның бағалауы және өтінім бойынша шешім қабылдауы;

3) уәкілетті органның әуе кемесінің өтініш берушісінің (иесінің) Қағидаларға сәйкестігіне тексеру жүргізуі;

4) куәлік беруі (беруден бас тарту).

10. Куәлікті алу үшін өтініш беруші уәкілетті органға Қағидаларға 2-қосымшаға сәйкес құжаттармен Қағидаларға 1-қосымшаға сәйкес өтінімді жібереді.

Өтініш беруші берілген мәліметердін нақтылығын қамтамасыз етеді.

11. Уәкілетті орган ұсынылған құжаттарды қарайды және өтінім берген сәттен бастап күнтізбелік отыз күннен аспайтын мерзімде ол бойынша тиісті шешім қабылдап, ол туралы өтініш берушіге хабарлайды.

12. Қоса берілген құжаттар Қағидаларға 2-қосымшаға сәйкес келмеген жағдайда, қайтару себептері көрсетіліп, өтінім қайтарылуға жатады.

13. Құжаттарды бағалау кезінде мынадай мәселелер қаралады:

1) өтінім берушінің ұйымдық құрылымы және басқарудың негiзгi қағидаттары;

2) штатының жинақталуы және авиациялық персоналдың даярлық дәрежесі;

3) басшы құрамның ұшуды ұйымдастыру мен қамтамасыз етудегі тәжiрибесi;

4) Қағидаларға 3-қосымшаға сәйкес басшы құрам мен ұшу қауіпсіздігін қамтамасыз етуге тікелей байланысты мамандар бойынша деректердің болуы;

5) басқа ұйымдармен әуе кемелерiне техникалық қызмет көрсету және авиациялық персоналды оқытуға келiсiмдердiң болуы;

6) әуе кемелерiн экипажсыз (ондайлар болған жағдайда) жалға алу келiсiмдерiнің (шарттарының) болуы;

7) өтiнiш беруші ұсынған әуе кемелерiне техникалық қызмет көрсету бағдарламасын, әуе қозғалысының ұйымдастырылуын және ұшуды қамтамасыз ететiн басқа да қызметтерді алдын ала талқылауды жүргізу;

8) ұшуды орындау жөнiндегi басшылықтың Қағидаларға 4-қосымшаның талаптарына және пайдаланушының техникалық қызмет көрсетуді реттеу жөнiндегi нұсқаудың Қағидаларға 5-қосымшаның талаптарына сәйкестігі.

14. Құжаттар Қағидалардың талаптарына сәйкес келген жағдайда, уәкілетті орган өтініш берушіні тексерудi жүргізу жөніндегі комиссияны (бұдан әрі - Комиссия) құрады.

Комиссияның құрамына уәкiлеттi органның функцияларына әуе кемелерін ұшу пайдалану, оларға техникалық қызмет көрсету және ұшу жарамды күйде ұстау мәселелері жататын қызметкерлері кіреді.

          15. Өтiнiш берушіні (пайдаланушыны) тексеру оның қызметінің барлық аспектілерін қамтиды, оларға мыналар жатады:

      1) құқықтық қамтамасыз ету;     

2) ұшудың пайдаланылуын қамтамасыз ету;

3) инженерлiк-авиациялық қамтамасыз ету;

4) аэронавигациялық қамтамасыз ету;

5) метеорологиялық қамтамасыз ету;

6) базалар әуеайлақты және әуежайлық қамтамасыз ету;

7) медициналық қамтамасыз ету.