Toggle Dropdown
Мақта тұқымының мемлекеттік ресурстарын қалыптастыру, сақтау және пайдалану қағидаларын бекіту туралы
Қазақстан Республикасы Ауыл шаруашылығы министрінің 2015 жылғы 7 шілдедегі № 4-3/610 бұйрығы.
Қазақстан Республикасының Әділет министрлігінде 2015 жылы 4 қыркүйекте № 12019 болып тіркелді
«Мақта саласын дамыту туралы» 2007 жылғы 21 шiлдедегi Қазақстан Республикасының Заңы 7-бабының 18) тармақшасына сәйкес БҰЙЫРАМЫН:
1. Қоса берiлiп отырған Мақта тұқымының мемлекеттік ресурстарын қалыптастыру, сақтау және пайдалану қағидалары бекiтiлсiн.
2. Қазақстан Республикасы Ауыл шаруашылығы министрлігінің Өсімдік шаруашылығы өнімдерін өндіру мен қайта өңдеу және фитосанитариялық қауіпсіздік департаменті заңнамада белгіленген тәртіппен:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына және «Әділет» ақпараттық-құқықтық жүйесіне ресми жариялауға жіберілуін;
3) осы бұйрықтың Қазақстан Республикасы Ауыл шаруашылығы министрлігінің ресми интернет-ресурсында және мемлекеттік органдардың интранет-порталында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейiн күнтiзбелiк он күн өткен соң қолданысқа енгiзiледi.
Қазақстан Республикасының Ауыл шаруашылығы министрі А. Мамытбеков
«КЕЛІСІЛГЕН»
Қазақстан Республикасының
Қаржы министрі
_________Б. Сұлтанов
2015 жылғы 28 шілде
«КЕЛІСІЛГЕН»
Қазақстан Республикасының
Ұлттық экономика министрі
_________ Е. Досаев
2015 жылғы 6 тамыз
Қазақстан Республикасы
Ауыл шаруашылығы министрінің
2015 жылғы 7 шілдедегі
№ 4-3/610 бұйрығымен
бекітілген
Мақта тұқымының мемлекеттiк ресурстарын қалыптастыру, сақтау және пайдалану қағидалары
1. Осы Мақта тұқымының мемлекеттiк ресурстарын қалыптастыру, сақтау және пайдалану қағидалары (бұдан әрi – Қағидалар) «Мақта саласын дамыту туралы» 2007 жылғы 21 шiлдедегi Қазақстан Республикасының Заңына сәйкес әзiрлендi және мақта тұқымының мемлекеттiк ресурстарын қалыптастыру, сақтау және пайдалану тәртiбiн айқындайды.
2. Осы Қағидаларда мынадай негiзгi ұғымдар пайдаланылады:
1) жергілікті атқарушы органдар – облыстардың, республикалық маңызы бар қалалардың және астананың жергілікті атқарушы органдары;
2) мақта өңдеу ұйымы – меншiк құқығында мақта тазалау зауыты бар, шиттi мақтаны мақта талшығы етiп бастапқы өңдеу жөнiнде қызметтер көрсететiн заңды тұлға;
3) мақта тұқымының мемлекеттiк ресурстары – тұқымдық мақсаттар үшiн пайдаланылатын, Қазақстан Республикасының тұқым материалына қажеттiлiгiн тұрақты қамтамасыз ету үшiн құрылған және арналған мақта тұқымының мемлекеттiк қорлары;
4) мамандандырылған ұйымдар – «Сатып алу және тауар интервенцияларын жүзеге асыратын мамандандырылған ұйымдардың тізбесін, сондай-ақ оларға сыйақы мөлшерін бекіту туралы» Қазақстан Республикасы Үкіметінің 2012 жылғы 9 қазандағы № 1279 қаулысымен айқындалған отандық өндірушілерден ауыл шаруашылығы өнімін және оның терең өңдеу өнімдерін сатып алуды, сондай-ақ оларды сақтау, өңдеу, тасымалдау жөніндегі көрсетілетін қызметтерді жүзеге асыратын ұйымдар.
3. Мақта тұқымының мемлекеттiк ресурстарын қалыптастыру, сақтау және пайдалану жергілікті атқарушы орган мен мамандандырылған ұйымдар арасында мақта тұқымының мемлекеттiк ресурстарын сенiмгерлік басқару жөніндегі үлгі шартын жасасу Қазақстан Республикасы Ауыл шаруашылығы министрінің 2015 жылғы 16 қаңтардағы № 17 бұйрығымен (Нормативтік құқықтық актілерді мемлекеттік тіркеу тізілімінде № 10111 тіркелген) бекітілген мемлекеттік мүлікті сенімгерлік басқаруға беру қағидаларына сәйкес жүзеге асырылады.
4. Мамандандырылған ұйымдар мақта тұқымының мемлекеттiк ресурстарын қалыптастыруға, сақтауға және пайдалануға байланысты қызмет нәтижелерi бойынша жергілікті атқарушы орган белгiлеген тiзбе, нысандар бойынша және мерзiмдерде жергілікті атқарушы органға есептiлік бередi.
2. Мақта тұқымының мемлекеттiк ресурстарын қалыптастыру, сақтау және пайдалану тәртібі
1-параграф. Мақта тұқымының мемлекеттiк ресурстарын қалыптастыру
5. Мақта тұқымының мемлекеттiк ресурстарын қалыптастыруды жергілікті атқарушы орган мамандандырылған ұйымдар арқылы:
1) республикалық бюджеттiң қаражаты есебiнен аттестатталған өндiрушiлерден мақта тұқымын сатып алу;
2) бұрын берiлген тұқымдық несиелердi қайтару;
3) мақта тұқымының мемлекеттiк ресурстарын сатудан түскен қаражатқа аттестатталған өндiрушiлерден мақта тұқымын сатып алу жолымен жүзеге асырады.
6. Мақта тұқымының мемлекеттiк ресурстарына жеткiзiлетiн мақтаның сорттық тұқымы Қазақстан Республикасында пайдалануға рұқсат етiлген селекциялық жетiстiктердiң мемлекеттiк тiзiлiмiне енгiзiлген сорттарға жатуы, ал сорттық және себу сапалары бойынша мына талаптарға жауап беруi тиiс:
1) элита тұқымы – сорттық тазалықтың бiрiншi санаты және себу стандартының бiрiншi сыныбы;
2) бiрiншi-екiншi репродукция тұқымы – сорттық тазалықтың екiншi санатынан және себу стандартының екiншi сыныбынан төмен емес.
2-параграф. Мақта тұқымының мемлекеттiк ресурстарын сақтау
7. Мақтаның мемлекеттiк тұқым ресурстары мақта өңдейтiн ұйымдарда бүлiнуден, басқа дақылдармен және сорттармен араласып кетуден толық сақтауды қамтамасыз ететiн арнайы бөлiнген қоймаларда сақталады.
8. Мамандандырылған ұйымдар мен мақта өңдеу ұйымдары мақта тұқымының мемлекеттiк ресурстарының сандық-сапалық сақталуын қамтамасыз етедi.
9. Мақта тұқымының мемлекеттiк ресурстарын сақтау жөнiндегi шығыстар оны өткізуден түскен қаражат есебiнен жүзеге асырылады.
10. Мақта өңдеу ұйымдары жергілікті атқарушы органға және мамандандырылған ұйымдарға осы Қағидаларға 1-қосымшаға сәйкес нысан бойынша мақта тұқымының мемлекеттiк ресурстарын сақтау жөнiндегі есепті бередi.
3-параграф. Мақта тұқымының мемлекеттiк ресурстарын пайдалану
11. Мақта тұқымының мемлекеттiк ресурстарын пайдалануды тұқымдық несие беру және сату, сондай-ақ мақта өңдеу ұйымына мақта тұқымын сақтау жөнiндегi көрсетілетін қызметке төленетiн ақы есебiнде беру арқылы мамандандырылған ұйымдар жүзеге асырады.
12. Тұқымдық несиенi беру бөлiнетiн несие құнының 3 пайызын құрайтын мөлшердегi қайтару коэффициентiн ескере отырып, қайтарымдылық және коммерциялық негiзде жүргiзiледi.
13. Тұқымдық несие алу үшiн ауыл шаруашылығы тауарын өндiрушiлер (бұдан әрі – АШТӨ) мамандандырылған ұйымдарға осы Қағидаларға 2-қосымшаға сәйкес нысан бойынша тұқымдық несие алуға өтiнiш, жер учаскесіне құқығын куәландыратын құжаттың көшiрмесiн, АШТӨ-нің алатын тұқым несиесін қайтару жөніндегі міндеттемелерін орындауды қамтамасыз етуі үшін екінші деңгейдегі банктің кепілдікті шығаруға әзір екендігі туралы ниет-хатын және Қазақстан Республикасының екiншi деңгейдегi банкінің кепiлдiгiн тапсырады.
Мамандандырылған ұйымдар тапсырылған құжаттарды он жұмыс күні ішінде қарайды.
Оң шешім қабылданған жағдайда, мамандандырылған ұйымдар шешім қабылданғаннан кейін үш жұмыс күні ішінде АШТӨ-мен шарт жасасады, шартта АШТӨ-ге бір ай ішінде банктік кепілдік тапсыру көзделеді. Банктік кепілдік тапсырылғаннан кейін мамандандырылған ұйымдар оны екі жұмыс күні ішінде қарайды және үш жұмыс күні ішінде тұқымдық несие беру туралы өкім береді.
Теріс шешім қабылданған жағдайда, АШТӨ-ге бас тарту себебі көрсетілген үш жұмыс күні ішінде дәлелді жауап жолданады.
Тұқымдық несиенi беруден бас тарту жоғарыда көрсетілген құжаттардың толық болмау себептеріне байланысты болады.
14. Тұқымдық несиенi қайтару несие беру шартында көрсетiлген мерзiмдерде шиттi мақтамен, ағымдағы жылғы өнiм мақтасының сорттық тұқымымен немесе мақтаның мемлекеттiк тұқым ресурстарын сақтауды жүзеге асыратын мақта өңдеу ұйымдарына жеткiзу Қазақстан Республикасының азаматтық заңнамасына сәйкес жүзеге асырылады.
15. Мақта тұқымын сату алдын ала төлем немесе Қазақстан Республикасының екiншi деңгейдегi банкiнiң кепiлдiгi бар болған жағдайда жүзеге асырылады. Мақта тұқымын сатып алу кезiнде сатып алушылар осы Қағидаларға 3-қосымшаға сәйкес нысан бойынша мамандандырылған ұйымдарға мақта тұқымын сатып алуға өтiнiштi және жер учаскесіне құқығын куәландыратын құжаттың көшiрмесiн тапсырады.
16. Мақта тұқымын сақтау мерзiмi аяқталған жағдайда, мамандандырылған ұйымдар Қазақстан Республикасының азаматтық заңнамасына сәйкес айырбастау шарты негiзiнде мақтаның мемлекеттiк тұқым ресурстарын айырбастауды жүзеге асырады.
17. Мамандандырылған ұйымдар жергілікті атқарушы органға осы Қағидаларға 4-қосымшаға сәйкес нысан бойынша мақта тұқымының мемлекеттiк ресурстарының болуы және қозғалысы жөнiнде ақпарат бередi.
Мақта тұқымының мемлекеттiк
ресурстарын қалыптастыру, сақтау және
пайдалану қағидаларына
1-қосымша
201 _ жылғы _____ тоқсандағы мақта тұқымының мемлекеттiк ресурстарын сақтау жөніндегі есеп
_____________________________________________________
(мақта өңдеу ұйымының атауы)
| Р/с № |
Дақыл |
Сорт |
Көлемi (тонна) |
Есептік құны (мың теңге) |
| |
|
|
|
|
| |
|
|
|
|
| |
|
|
|
|
| |
|
|
|
|
| Сапалық құрамы және сипаттамасы |
| Кондициялық тұқым (тонна) |
Санаты |
Репродукциясы |
Себу стандартының сыныбы |
Өнiмдiлiгi |
Кондицияға жатпайтын тұқым (тонна) |
| |
1 |
2 |
3 |
элита |
1 |
2 |
1 |
2 |
3 |
|
|
| |
|
|
|
|
|
|
|
|
|
|
|
| |
|
|
|
|
|
|
|
|
|
|
|
| |
|
|
|
|
|
|
|
|
|
|
|
Басшы ________________ _____________________________________________
(қолы) (тегі, аты, әкесінің аты (бар болған жағдайда)
Ескертпе: тоқсан сайын есептік тоқсан аяқталғаннан кейін 25-күні тапсырылады.
Мақта тұқымының мемлекеттiк
ресурстарын қалыптастыру, сақтау және
пайдалану қағидаларына
2-қосымша
20__ жылғы «___» ________
Тұқымдық несие алуға
өтiнiш
Өтініш беруші ______________________________________________________
Мекенжайы __________________________________________________________
Телефон, факс ______________________________________________________
________________________________ мақта өңдеу кәсіпорнында сақтауда
тұрған,_____________________ арналған___________тонна көлеміндегі
(мақсатын көрсету) (жазбаша)
тұқымдық несиені беруіңізді сұраймын.
_______________ 20 ____ жыл_________________________________________
(өтініш берілген күні) (қолы, тегі, аты, әкесінің аты (бар болған жағдайда)
Өтініш беруші ____________ _________________________________________
(қолы) (тегі, аты, әкесінің аты (бар болған жағдайда)
Мақта тұқымының мемлекеттiк
ресурстарын қалыптастыру, сақтау және
пайдалану қағидаларына
3-қосымша
20__ жылғы «___» ________
Мақта тұқымын сатып алуға
өтініш
Өтініш беруші ______________________________________________________
Мекенжайы __________________________________________________________
Телефон, факс ______________________________________________________
________________________________ мақта өңдеу кәсіпорнында сақтауда
тұрған, ____________________ арналған __________ тонна көлеміндегі
(мақсатын көрсету) (жазбаша)
мақта тұқымын сатуды сұраймын.
______________ 20 ____ жыл__________________________________________
(өтініш берілген күні) (қолы, тегі, аты, әкесінің аты (бар болған жағдайда)
Өтініш беруші ____________ _________________________________________
(қолы) (тегі, аты, әкесінің аты (бар болған жағдайда)
Мақта тұқымының мемлекеттiк
ресурстарын қалыптастыру, сақтау және
пайдалану қағидаларына
4-қосымша
20_ жылғы «___» __________ мақта тұқымының мемлекеттiк ресурстарының болуы және қозғалысы
| Мақта өңдеу ұйымының атауы |
20_ жылғы «___»______ мақта тұқымының болуы |
20_ жылғы _______ _ _______ аралығындағы есепті кезең үшін кіріс |
20_ жылғы _______ _ _______ аралығындағы есепті кезең үшін шығыс |
20_ жылғы «___»______ мақта тұқымының болуы |
| |
|
|
|
|
| |
|
|
|
|
| |
|
|
|
|
| |
|
|
|
|
| |
|
|
|
|
Басшы ________________ ______________________________________________
(қолы) (тегі, аты, әкесінің аты (бар болған жағдайда)
Орындаушы ________________ _________________________________________
(қолы) (тегі, аты, әкесінің аты (бар болған жағдайда)
Ескертпе: мамандандырылған ұйым жергілікті атқарушы органға айына бiр рет 29-күнге дейін тапсырады.
