Қазақстан Республикасы Ауыл шаруашылығы министрінің 2015 жылғы 9 шілдедегі № 4-2/626 бұйрығына 2-қосымша

1. Осы Зертханалық сұрыптық сынақтардан өткізуді жүзеге асыру қағидалары (бұдан әрі – Қағидалар) «Тұқым шаруашылығы туралы» 2003 жылғы 8 ақпандағы Қазақстан Республикасы Заңының (бұдан әрі – Заң) 6-бабы 1-тармағының 8-1) тармақшасына сәйкес әзірленді және зертханалық сұрыптық сынақтардан өткізуді жүзеге асыру тәртiбiн айқындайды.

2. Қазақстан Республикасында пайдалануға ұсынылатын Селекциялық жетiстiктердiң мемлекеттiк тiзiлiмiне енгiзiлген ауыл шаруашылығы өсiмдiктерi сорттарының кейіннен сатуға арналған элиталық тұқымдары мен бiрiншi репродукциялы тұқымдары зертханалық сорттық сынақтарға жатады.

2-тармақ жаңа редакцияда жазылды ҚР Ауыл шаруашылығы министрінің 31.12.2015 жылғы № 4-6/1154 Бұйрығына сәйкес (09.07.2015 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс, бірақ 2016 жылғы 2 маусымнан ерте емес) 11.03.2016 жылы "Әділет" ақпараттық-құқықтық жүйесінде жарияланды

3. Зертханалық сорттық сынақтарды Ауыл шаруашылығы дақылдарының сортын сынау жөнiндегi мемлекеттiк комиссия (бұдан әрi – Мемкомиссия) жүргiзедi.

4. Ауыл шаруашылығы өсiмдiгiнiң әрбір түрi мен сорты бойынша сатуға арналған тұқымдарды зертханалық сорттық сынау:

үш жылда бiр рет – элиталық тұқымдар үшiн;

бес жылда бiр рет – бiрiншi көбейтiлген тұқымдар үшiн жүргiзiледi.

5. Тұқымдарға зертханалық сорттық сынақтарды жүргiзу үшiн аттестатталған элиталық тұқым өндiрушi шаруашылықтар және (немесе) бiрiншi репродукциялы тұқым өндiрушiлер Мемкомиссияға мынадай құжаттар мен материалдарды (тұқым партиясынан алынған сынамалар):

1) осы Қағидаларға 1-қосымшаға сәйкес нысан бойынша өтiнiшті;

2) заңды тұлғаны мемлекеттiк тiркеу (қайта тiркеу) туралы куәлiктің* немесе анықтаманың көшiрмесiн немесе жеке тұлғаның жеке басын куәландыратын құжаттың көшiрмесiн;

ескертпе: *«Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметi тоқтатылғанға дейін жарамды болып табылады;

3) сорттық егiстiктердi байқаудан өткізу актiсiнiң және тұқымның сапасы туралы куәлiктiң көшiрмелерiн;

4) ұлттық стандарттарға сәйкес iрiктелген тұқым сынамаларын жолдайды.

6. Мемкомиссия элиталық тұқым өндiрушi шаруашылықтан және (немесе) бiрiншi репродукциялы тұқым өндiрушiден өтiнiш келіп түскен күннен бастап күнтiзбелiк он күн iшiнде ұсынылған құжаттар мен материалдарды зерделейдi және зертханалық сорттық сынақтың нәтижесін береді.

Осы Қағидалардың 5-тармағында көрсетілген құжаттар мен материалдар толық ұсынылмаған жағдайда Мемкомиссия екі жұмыс күн ішінде дәлелді жазбаша бас тартуды жолдайды.

Осы Қағидалардың 5-тармағында көрсетілген барлық құжаттар мен материалдар бар болған кезде зертханалық сорттық сынақ жүргізеді.

7. Зертханалық сортық сынақ барысында:

1) деректер банкін пайдалану арқылы басқа сорттардан ерекше белгілердің бар-жоғы анықталады;

2) ұсынылған материалдарды көзбен талдау негізінде белгілердің біртектілігіне баға беріледі;

3) электрофорез әдісімен биохимиялық зерттеулер жүргізіледі.

8. Зертханалық сорттық сынақтардың деректерi негiзiнде Мемкомиссия элиталық тұқым өндiрушi шаруашылыққа және (немесе) бiрiншi репродукциялы тұқым өндiрушiге осы Қағидаларға 2-қосымшаға сәйкес нысан бойынша зертханалық сорттық талдау нәтижесiн бередi.

Қазақстан Республикасы Ауыл шаруашылығы министрлiгiнiң Ауыл шаруашылығы дақылдарының сортын сынау жөнiндегi мемлекеттiк комиссиясына

 _____________________________________________________________________

   (заңды тұлғаның толық атауы, жеке тұлғаның тегi, аты, әкесiнiң аты

                           (бар болса)

Зертханалық талдау жүргiзудi және ___________________________________

 _____________________________________________________________________

       (ауыл шаруашылығының өсiмдiгi, сорты, әр түрі, репродукциясы)

тұқымының көрсетiлген сортқа тиесілігін анықтап, оның сорттық

тазалығын айқындауды сұраймын.

Жеке немесе заңды тұлға туралы мәлiметтер:

1. Заңды тұлғаны мемлекеттiк тiркеу (қайта тіркеу) туралы

 куәлiк* немесе анықтама немесе жеке тұлғаның жеке куәлiгi ___________

 _____________________________________________________________________

                 (тiркеу нөмiрi, кiм және қашан бердi)

ескертпе: *«Қазақстан Республикасының кейбір заңнамалық

актілеріне заңды тұлғаларды мемлекеттік тіркеу және филиалдар мен

өкілдіктерді есептік тіркеу мәселелері бойынша өзгерістер мен

толықтырулар енгізу туралы» 2012 жылғы 24 желтоқсандағы Қазақстан

Республикасының Заңы қолданысқа енгізілгенге дейін берілген заңды

тұлғаны (филиалды, өкілдікті) мемлекеттік (есептік) тіркеу (қайта

тіркеу) туралы куәлік заңды тұлғаның қызметi тоқтатылғанға дейін

жарамды болып табылады.

2. Заңды мекен-жайы: __________________________________________

                   (индексi, облысы, ауданы, елдi мекен, көшесi, үйдiң

                                   нөмiрi, телефоны, факсы)

3. Қоса берiлiп отырған құжаттар: _____________________________

 _____________________________________________________________________

                (осы Қағидалардың 5-тармағына сәйкес)

 тұқым сынамалары _________ дана, салмағы _________________ килограмм.

Өтініш беруші _______________________________________________________

                      (қолы, мөрi, тегi, аты, әкесiнiң аты)

20__ жылғы _____________

             (күнi, айы)

Өтiнiш 20__ жылғы ________________________________ қарауға қабылданды

                             (күнi, айы)

 _____________________________________________________________________

   (өтiнiшті қабылдаған жауапты адамның тегі, аты, әкесiнiң аты (бар

                             болса), қолы) 

20__ жылғы ______________________ өтiнiш бойынша зертханалық талдауға

                 (күнi, айы)

 тапсырылған, _______________________________________________ алынған,

 ________________________ репродукциялы, _______________ жылғы егiннiң

 _____________________________________________________________________

           (ауыл шаруашылығының өсiмдiгi, сорты, әр түрi)

 тұқымының № ____ партиясына__________________________________________

 _____________________________________________________________берiлдi.

    (заңды тұлғаның толық атауы, жеке тұлғаның тегi, аты,

                 әкесiнiң аты (бар болса)

Тұқымның түпнұсқалығы _______________________________________________

 _____________________________________________________________________

 Қорытынды ___________________________________________________________

 _____________________________________________________________________

Қазақстан Республикасы Ауыл

шаруашылығы министрлiгiнiң

Ауыл шаруашылығы дақылдарының

сортын сынау жөнiндегi

мемлекеттiк комиссиясы

 зертханасының директоры _____________________________________________

                     (тегi, аты, әкесiнiң аты (бар болса), қолы, мөрi)