Документ на казахском языке

Шет елде инженерлiк-техникалық персоналдың біліктілігін арттыруға, жоғары білікті шетелдік мамандарды тартуға, консалтингтік, жобалық және инжинирингтік ұйымдарды тартуға, басқарушылық және өндiрiстiк технологияларды енгiзуге инновациялық гранттар беру қағидаларын бекіту туралы Қазақстан Республикасының Инвестициялар және даму министрінің 2015 жылғы 27 ақпандағы № 212 бұйрығы. Қазақстан Республикасы Әділет министрлігінде 2015 жылы 17 қыркүйекте № 12076 болып тіркелді

"Индустриялық-инновациялық қызметті мемлекеттік қолдау туралы" 2012 жылғы 9 қаңтардағы Қазақстан Республикасы Заңы 5-бабы 21) тармақшасына сәйкес БҰЙЫРАМЫН:

1. Қоса беріліп отырған Шет елде инженерлiк-техникалық персоналдың біліктілігін арттыруға, жоғары білікті шетелдік мамандарды тартуға, консалтингтік, жобалық және инжинирингтік ұйымдарды тартуға, басқарушылық және өндiрiстiк технологияларды енгiзуге инновациялық гранттар беру қағидалары бекітілсін.

2. Қазақстан Республикасы Инвестициялар және даму министрлігінің Технологиялық және инновациялық даму департаменті (А.Б. Батырқожа):

1) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін;

2) осы бұйрықтың Қазақстан Республикасы Әділет министрлігінде мемлекеттік тіркелгеннен кейін, оның көшірмесін он күнтізбелік күн ішінде мерзімді баспа басылымдарында және Қазақстан Республикасы Әділет министрлігінің «Республикалық құқықтық ақпарат орталығы» республикалық мемлекеттік кәсіпорнының «Әділет» ақпараттық-құқықтық жүйесінде ресми жариялау үшін жіберуді;

3) осы бұйрықтың Қазақстан Республикасы Инвестициялар және даму министрлігінің интернет-ресурсында ресми жариялануын және мемлекеттік органдардың интранет-порталында орналастырылуын;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 2-тармағының 1),2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

3. Осы бұйрықтың орындалуын бақылау Қазақстан Республикасының Инвестициялар және даму вице-миниcтрі Е.К. Сағадиевке жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Инвестициялар және даму министрі Ә.Исекешев

«КЕЛІСІЛДІ» Қазақстан Республикасының Қаржы министрі _______________ Б. Сұлтанов 2015 жылғы 4 қыркүйек

«КЕЛІСІЛДІ» Қазақстан Республикасының Қазақстан Республикасы Ұлттық экономика министрі Ұлттық экономика министрінің ________________ Е. Досаев міндетін атқарушы ____________ Т.Жақсылықов 2015 жылғы «_____» __________ 2015 жылғы 24 шілде

Қазақстан Республикасы Инвестициялар және даму министрінің 2015 жылғы 27 ақпандағы № 212 бұйрығымен бекітілді

Шет елде инженерлік-техникалық персоналдың біліктілігін арттыруға, жоғары білікті шетелдік мамандарды тартуға, консалтингтік, жобалық және инжинирингтік ұйымдарды тартуға, басқарушылық және өндірістік технологияларды енгізуге инновациялық гранттар беру ережелері

1. Жалпы қағидалар

1. Шетелде инженерлік-техникалық персоналдың біліктілігін арттыруға, жоғары білікті шетелдік мамандарды тартуға, консалтингтік, жобалық және инжинирингтік ұйымдарды тартуға, басқарушылық және өндірістік технологияларды енгізуге инновациялық гранттар беру ережелері (бұдан әрі – Ережелер) «Индустриялық-инновациялық қызметті мемлекеттік қолдау туралы» Қазақстан Республикасының 2012 жылғы 9 қаңтардағы Заңының (бұдан әрі – Заң) 5-бабының 21) тармақшасына cәйкес әзірленген және шет елде инженерлік-техникалық персоналдың біліктілігін арттыруға, жоғары білікті шетелдік мамандарды тартуға, консалтингтік, жобалық және инжинирингтік ұйымдарды тартуға, басқарушылық және өндірістік технологияларды енгізуге инновациялық гранттар беру тәртібін айқындайды.

2. Осы Ережелерде мынадай негізгі ұғымдар пайдаланылады:

1) грант алушы – осы Ережелерге сәйкес грант алған жеке және заңды тұлға;

2) индустриялық-инновациялық жоба (бұдан әрі – жоба) – технологиялар трансфертіне, жаңа немесе жетілдірілген өндірістер, технологиялар, тауарлар, жұмыстар және қызметтер жасауға бағытталған, белгілі бір уақыт мерзімі ішінде іске асырылатын іс-шаралар кешені;

3) индустриялық-инновациялық қызметті мемлекеттік қолдау саласындағы уәкілетті орган (бұдан әрі – уәкілетті орган) – индустрия және индустриялық-инновациялық даму саласындағы басшылықты жүзеге асыратын, сондай-ақ заңнамада көзделген шектерде салааралық үйлестіруді және индустриялық-инновациялық қызметті мемлекеттік қолдауды іске асыруға қатысуды жүзеге асыратын орталық атқарушы орган;

4) инновациялық грант – инновациялық гранттар берудің басым бағыттары шеңберінде индустриялық-инновациялық қызмет субъектілерінің индустриялық-инновациялық жобаларын іске асыру үшін оларға өтеусіз негізде берілетін бюджет қаражаты;

5) кешенді өтінім – осы Ережелердің талаптарына сәйкес, осы Ережелермен ескерілген екі және одан да көп грант түрлерін алуға қажетті құжаттарды қоса берілген, белгіленген үлгідегі өтініш;

6) өтінім – осы Ережелердің талаптарына сәйкес қосымша құжаттармен белгіленген үлгідегі өтініш;

7) өтініш беруші – Қазақстан Республикасының аумағында тіркелген және қызметін жүзеге асыратын, осы Ережелерге сәйкес инновациялық грант алуға арналған өтінімді қарауға ұсынған тұлға;

8) ұлттық институттың уәкілетті тұлғасы – технологиялық даму саласындағы ұлттық институттың басшысы орынбасарларының бірінен ұлттық институттың бірінші басшысымен айқындалатын тұлға.

3. Инновациялық гранттар өтініш берушілерге уәкілетті органмен бекітілген инновациялық гранттар берудің басым бағыттары шеңберінде Қазақстан Республикасының индустриялық-инновациялық қызметті мемлекеттік қолдау туралы заңнамасына сәйкес беріледі.

4. Инновациялық гранттарды беру процесстерін ақпараттық қамтамасыз ету технологиялық даму саласындағы ұлттық институтпен (бұдан әрі – ұлттық институт) жүргізіледі.

5. Инновациялық гранттарды беру шарттары осы Ережелердің 1-қосымшасында көрсетілген (бұдан әрі – инновациялық гранттарды беру).

6. Инновациялық гранттарды беру осы Ережелерге сәйкес технологиялық даму саласындағы ұлттық институтты тарту арқылы уәкілетті органмен жүзеге асырылады.

7. Өтініш беруші бір уақытта осы Ережелерде көзделген екі және одан да көп гранттарды алуға кешенді өтінім беруге құқылы, сондай-ақ индустриялық-инновациялық қызметті мемлекеттік қолдау туралы заңнамада көзделген өзге инновациялық гранттарды алуға үміттене алады. Инновациялық гранттарды алу үшін кешенді өтінішті қалыптастыру талаптары осы Ережелердің 2-қосымшасында көрсетілген.

Шет елде инженерлік-техникалық персоналдың біліктілігін арттыруға, жоғары білікті шетелдік мамандарды тартуға, консалтингтік, жобалық және инжинирингтік ұйымдарды тартуға, басқарушылық және өндірістік технологияларды енгізуге қаражат жұмсаған индустриалды-инновациялық қызмет субъектілерінің өтінімдері, қаражат жұмсаған күннен 1 (бір) жыл ішінде қабылданады.

8. Ұлттық институттың акционерін және Қазақстан Республикасының заңнамалық актілерімен белгіленген жағдайларды қоспағанда, ұлттық институт инновациялық гранттарды беруге қатысы жоқ үшінші тұлғаларға өтінім туралы ақпараттың жария етілмеуін қамтамасыз етеді.

2. Инновациялық гранттарды беру тәртібі

1 Параграф. Гранттар беруді ұйымдастыру

9. Ұлттық институт жылына 2 (екі) реттен кем емес бұқаралық ақпарат құралдарында және ұлттық институттың ресми интернет-ресурсында өтінімдерді қабылдау мекенжайын және өтінімдерді қабылдау мерзімі, инновациялық гранттар өтінімдерін қабылдауы туралы жариялайды.

10. Ұлттық институт ұлттық институт пен уәкілетті орган арасында жасасқан шартпен белгіленген мерзімде уәкілетті органға инновациялық гранттарды беру рәсімдерін өткізу туралы есеп береді.

11. Ұлттық институтпен анықталмаған мерзімдер ішінде қабылданған өтінімдерді қоспағанда, инновациялық гранттарды беру рәсімі уәкілетті органға берілетін есеп беру күнінен кейін тоқтатылмайды.

12. Инновациялық гранттарды беру рәсімі келесі кезеңдерден тұрады:

1) ұлттық институттың өтінімдерді қабылдауы және осы Ережелердің талаптарына сәйкестігін тексеру;

2) ұлттық институттың уәкілетті тұлғасы өтініштің осы Ережелердің талаптарына сәйкессіздіктері (бар болған жағдайда) туралы өтініш берушіні і;

3) ұлттық институттың өтінімдерді тәуелсіз сараптамадан өткізуін ұйымдастыруы;

4) ұлттық институттың уәкілетті тұлғасы тартылған екі тәуелсіз сарапшының теріс қорытындысы туралы өтінім берушіні хабарландыруы;

5) ұлттық институттың мәлімденген шығындардың негізділігін тексеруі;

6) ұлттық институттың уәкілетті тұлғасы өтініш берушіні шығындардың негізділігін тексеруі нәтижесі туралы хабардар етуі;

7) инновациялық грантты беру туралы оң шешім қабылданған жағдайда ұлттық институттың грант алушымен инновациялық грант беру туралы шартқа отыру;

8) шарттың талаптарына сәйкес инновациялық грантты беру;

9) инновациялық грант беру туралы шартқа сәйкес жүзеге асып жатқан жобалар бойынша мониторинг.

13. Өтінім беруші, ұлттық институттың сұранымы бойынша, қажетті құжаттарды тапсыру уақытынан басқа, осы Ережелердің 12-тармағының 2)-8) көрсетілген инновациялық гранттарды беру рәсімдерін жүргізу жалпы мерзімі 45 (қырық бес) жұмыс күнінен аспауы тиіс.

14. Өтінімдерді қарастыру ұлттық институт белгіленген мерзімде жылына 2 (екі) реттен кем емес, арасы 40 (қырық) күннен кем емес уақытта жүргізіледі.