Документ на казахском языке

Қазақстан Республикасы Инвестициялар және даму министрінің 2015 жылғы 29 мамырдағы № 671 бұйрығына 1-қосымша

«Халықаралық жүк көлік құралдарын өлшеу сертификатын беру» мемлекеттік көрсетілетін қызмет регламенті

1. Жалпы ережелер

1. «Халықаралық жүк көлік құралдарын өлшеу сертификатын беру» мемлекеттік көрсетілетін қызмет (бұдан әрі - мемлекеттік көрсетілетін қызмет) көлік құралдың жүретін жол бойынша орналасқан Қазақстан Республикасының аумағындағы стационарлық көліктік бақылау бекеттерінде Қазақстан Республикасы Инвестициялар және даму министрлігі Көлік комитетінің аумақтық органымен көрсетіледі (бұдан әрі - көрсетілетін қызметті беруші).

2. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.

3. Мемлекеттік көрсетілетін қызметтің нәтижесі - халықаралық жүк көлік құралдарын өлшеу сертификат (бұдан әрі - сертификаты).

2. Мемлекеттік қызмет көрсету процесіндегі көрсетілетін қызметті берушінің (қызметкерлердің) құрылымдық бөлімшелерінің іс-қимыл тәртібін сипаттау

4. Қазақстан Республикасы Инвестициялар және даму министрінің 2015 жылғы 30 сәуірдегі № 557 бұйрығымен бекітілген (Нормативтік құқықтық актілерді тіркеу реестрінде № 11476 тіркелген) «Халықаралық жүк көлік құралдарын өлшеу сертификатын беру» мемлекеттік көрсетілетін қызмет стандартының 9-тармағына сәйкес нысан бойынша сертификаттың 1-3-бағандарын толтыруы мемлекеттік қызметті көрсету бойынша рәсімді (іс-қимылды) бастау үшін негіз болып табылады.

5. Мемлекеттік қызмет көрсету процесінің құрамына кіретін рәсімдер (іс-қимылдар) мазмұны, оларды орындау ұзақтығы:

1) тіркеу нөмірін және күнін беру арқылы белгілеумен 5 (бес) минут ішінде көрсетілетін қызметті алушының өтінімді қабылдауы;