Индустриялық-инновациялық қызмет субъектілерінің отандық өңделген тауарларды, сондай-ақ ақпараттық-коммуникациялық көрсетілетін қызметтерді ілгерілету бойынша шығындарының бір бөлігін өтеу қағидаларын, отандық өңделген тауарлардың, сондай-ақ оларды ілгерілету бойынша шығындары ішінара өтелетін ақпараттық-коммуникациялық көрсетілетін қызметтердің тізбесін бекіту туралы
Қазақстан Республикасы Инвестициялар және даму министрінің 2015 жылғы 30 қарашадағы № 1128 бұйрығы.
Қазақстан Республикасының Әділет министрлігінде 2015 жылы 31 желтоқсанда № 12720 болып тіркелді
Редакция 21.12.2021 жылы берілген өзгерістер мен толықтырулармен
Қазақстан Республикасының Кәсіпкерлік кодексінің 102-бабы 2-тармағының 7) және 8) тармақшаларына сәйкес БҰЙЫРАМЫН:
1) осы бұйрыққа 1-қосымшаға сәйкес индустриялық-инновациялық қызмет субъектілерінің отандық өңделген тауарларды, сондай-ақ ақпараттық-коммуникациялық көрсетілетін қызметтерді ілгерілету бойынша шығындарының бір бөлігін өтеу қағидалары;
2) осы бұйрыққа 2-қосымшаға сәйкес оларды ілгерілету бойынша шығындар ішінара өтелетін отандық өңделген тауарлардың, сондай-ақ ақпараттық-коммуникациялық көрсетілетін қызметтердің тізбесі;
3) осы бұйрыққа 3-қосымшаға сәйкес оларды ілгерілету бойынша шығындар ішінара өтелетін отандық ақпараттық-коммуникациялық көрсетілетін қызметтердің тізбесі.
2. Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитеті:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде, сондай-ақ Қазақстан Республикасы нормативтiк құқықтық актiлерiнiң эталондық бақылау банкiне енгізу үшін Республикалық құқықтық ақпарат орталығына ресми жариялауға оның көшірмелерін баспа және электрондық түрде жіберуді;
3) осы бұйрықты Қазақстан Республикасының Инвестициялар және даму министрлігінің интернет-ресурсына және мемлекеттік органдардың интранет-порталына орналастыруды;
4) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күн ішінде Қазақстан Республикасы Инвестициялар және даму министрлігі Заң департаментіне осы бұйрықтың 2-тармағының 1), 2) және 3) тармақшарында көзделген іс-шараларды орындау туралы мәліметтерді беруді қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Инвестициялар және даму вице-министріне жүктелсін.
4. Осы бұйрық алғаш ресми жарияланғаннан кейін күнтізбелік он күн өткен соң қолданысқа енгізіледі және 2016 жылдың 1 қаңтарынан бастап туындайтын қатынастарға таралады.
Қазақстан Республикасының Инвестициялар және даму министрі Ә. Исекешев
«КЕЛІСІЛДІ»
Қазақстан Республикасының
Қаржы министрі
__________ Б. Сұлтанов
2015 жылғы «___» ______________
«КЕЛІСІЛДІ»
Қазақстан Республикасының
Ұлттық экономика министрі
___________ Е. Досаев
2015 жылғы «___» ______________
Қазақстан Республикасы
Инвестициялар және даму
министрінің 2015 жылғы
30 қарашадағы № 1128
бұйрығына 1-қосымша
Индустриялық-инновациялық қызмет субъектілерінің отандық өңделген тауарларды, сондай-ақ ақпараттық-коммуникациялық көрсетілетін қызметтерді сыртқы нарықтарға ілгерілету бойынша шығындарының бір бөлігін өтеу қағидалары
1. Осы Индустриялық-инновациялық қызмет субъектілерінің отандық өңделген тауарларды, сондай-ақ ақпараттық-коммуникациялық көрсетілетін қызметтерді сыртқы нарықтарға ілгерілету бойынша шығындарының бір бөлігін өтеу қағидалары (бұдан әрі - Қағидалар) Қазақстан Республикасы Кәсіпкерлік кодексінің (бұдан әрі - Кодекс) 102-бабы 2-тармағының 7) және 8) тармақшаларына сәйкес әзірленді және индустриялық-инновациялық қызмет субъектілерінің отандық өңделген тауарларды, сондай-ақ ақпараттық-коммуникациялық көрсетілетін қызметтерді сыртқы нарықтарға ілгерілету бойынша шығындарының бір бөлігін өтеу тәртібін айқындайды.
2. Шығындардың бір бөлігін өтеу отандық өңделген тауарларды өндіретін индустриялық-инновациялық қызмет субъектісіне (не оның еншілес компаниясына, өндірілген өнімді өткізетін ресми өкілге (дистрибьютерге/трейдерге) немесе ауыл шаруашылығы өндірістік кооперативіне немесе ақпараттық-коммуникациялық қызметтер көрсететін (бұдан әрі – өтініш беруші) оларды ілгерілету бойынша шығындар ішінара өтелетін отандық өңделген тауарлар мен ақпараттық-коммуникациялық қызметтер тізбесі негізінде және осы мақсаттарға ағымдағы қаржы жылына арналған республикалық бюджетте көзделген қаражат шегінде жүзеге асырылады.
3. Акцияларының (жарғылық капиталға қатысу үлестерінің) елу және одан да көп пайызы мемлекетке, ұлттық басқарушы холдингке, ұлттық холдингке, ұлттық компанияға (әлеуметтік-кәсіпкерлік корпорацияны, әскери және аэроғарыштық мақсаттағы тауарларды (өнімдерді), қосарланған мақсаттағы (қолданыстағы) тауарларды (өнімдерді) отандық өндірушілерді, сондай-ақ мемлекеттік-жекешелік әріптестік туралы шарт шеңберінде құрылған кәсіпкерлер, сондай-ақ өздеріне қатысты тарату, оңалту немесе банкроттық рәсімдері басталған өтініш берушілер, сондай-ақ мемлекеттік-жекешелік әріптестік саласындағы Қазақстан Республикасы заңнамасына сәйкес қызметі тоқтатыла тұрған кәспкерлерді қоспағанда) тікелей немесе жанама түрде тиесілі өтініш берушілер мемлекеттік қолдау шараларын пайдаланбайды.
4. Өтініш беруші индустриялық-инновациялық қызмет субъектілері шығындарының бір бөлігінің өтемін алуға өтінім береді (бұдан әрі - өтінім) және оған осы Қағидаларға 1-қосымшаға сәйкес нысан бойынша құжаттарды, ақпаратты, бастапқы деректерді, есептерді, негіздемелерді қоса береді. Өтінім экспортты дамыту және ілгерілету саласындағы ұлттық даму институтына (бұдан әрі – Оператор) веб-портал арқылы электрондық түрде ұсынылады еxport.gov.kz (бұдан әрі-веб-портал) арқылы «PDF (Portable Document Format) (Портейбл Документ Формат)» электрондық форматында өтініш берушінің бірінші басшысының немесе оның міндетін атқарушы тұлғаның (бірінші басшының міндеттерін орындау туралы растайтын құжат болған кезде) электрондық цифрлық қолтаңбасымен куәландырылады.
2-тарау. Индустриялық-инновациялық қызмет субъектілерінің отандық өңделген тауарларды, сондай-ақ ақпараттық-коммуникациялық көрсетілетін қызметтерді сыртқы нарықтарға ілгерілету бойынша шығындарының бір бөлігін өтеу тәртібі
5. Өтініш берушінің отандық өңделген тауарларды сыртқы нарықтарға ілгерілету бойынша шығындарының бір бөлігін өтеу мынадай түрлер бойынша жүргізіледі:
1) шетелде тауарларды жарнамалауға байланысты шығындар:
бұқаралық ақпарат құралдары (баспа, теледидар, радио, интернет-ресурстар), мамандандырылған және жарнамалық журналдар мен каталогтар арқылы шетелдегі жарнамаға;
шетелдегі қоғамдық орындардағы жарнамаға (баннерлер, кермелер, лайт-бокстар, аудио-бейнероликтерді трансляциялау, көлік құралдарының сыртқы беттеріндегі жарнама), қоғамдық көлік салондарындағы жарнама;
осы мақсаттарға арналған аудио-бейнероликтер мен жарнамалық материалдарды дайындауға, жарнамалық құрылымдар мен беттерді жалға алуға;
2) шетелдік көрмелерге, форумдарға, жәрмеңкелерге, конкурстарға, Конгрестерге тікелей қатысуға арналған шығындар (оның ішінде онлайн форматта):
тіркеу жарнасын төлеуге және іс-шара шеңберінде жекелеген жабық сессияларға қатысқаны үшін қосымша жарналар;
көрме алаңдарын жалға алуға;
көрме стендтерін, қосымша жабдықтарды дайындауға (жалға алуға), монтаждауға, демонтаждауға;
көрме алаңдарын әзірлеуге, жобалауға және ресімдеуге;
жарнамалық-үлестірме материалдарды әзірлеуге, жобалауға, аударуға және дайындауға;
көрмелерге, форумдарға, жәрмеңкелерге, конкурстарға, конгрестерге қатысатын өтініш берушінің 2 (екі) қызметкері экономикалық сыныбымен ұшуға;
Қазақстан Республикасы Үкіметінің 2018 жылғы 11 мамырдағы қаулысымен бекітілген Бюджет қаражаты есебінен, оның ішінде шет мемлекеттерге іссапарлар бойынша шығыстарды өтеу қағидаларына сәйкес №256 өтініш берушінің 2 (екі) қызметкерінің бес күннен аспайтын мерзімге шетелдік көрмелерге, форумдарға, жәрмеңкелерге, конкурстарға, конгрестерге қатысатын өтініш берушілердің қызметкерлеріне қонақ үй нөмірлерін жалдау жөніндегі шығыстарды өтеудің шекті сомасынан аспайтын мөлшерде осы Қағидаларға 2-қосымшада көрсетілген АҚШ долларымен және еуромен (бір қызметкерге тәулігіне) тұруына;
3) шетелде тарату үшін мамандандырылған каталогты әзірлеуге, шет тілдеріне аударуға және басып шығаруға байланысты шығындар;
4) шетелде филиалдарды, өкілдіктерді, сауда алаңдарын, қойманы және сауда сөрелерін ұстауға арналған шығындар:
офистік үй-жайларды жалға алуға, қосалқы жалдауға ақы төлеуге;
сауда алаңдары мен қойманы жалға алуға, қосалқы жалға алуға ақы төлеуге;
сауда сөрелерін жалға алу төлеміне;
5) тіркеуге байланысты рәсімдерді жүргізуге арналған шығындар:
шетелде тауарлық белгілер (бренд);
электрондық сауда алаңдарында;
6) шетелде айрықша құқықтар объектілерін (франчайзинг) пайдалануға рұқсат алу рәсімдерін жүргізуге байланысты шығындар;
7) өтініш берушінің шетелдік сертификаттаудан, аккредиттеуден, инспекциясынан өтуіне байланысты шығындар (сертификаттау, аккредиттеу, инспекциялау рәсімінен оң өткен және сертификат не растайтын құжат болғанда);
8) тауарлардың ұйым стандарттарын қоса алғанда, техникалық регламенттерде, стандарттарда белгіленген талаптарға немесе шарттардың талаптарына сәйкестігін растау рәсімдеріне немесе тауарларды шетелде өткізу жөніндегі қызметті жүзеге асыру құқығын растауға байланысты іс-шараларды жүргізуге арналған шығындар (сертификаттар, рұқсаттар, тіркеу куәліктері), сондай-ақ сертификаттау рәсімінен өту үшін өнімнің сынама үлгілерін сынау пунктіне дейін жеткізу кезінде және кері қарай келтірілген шығындар (сертификат);
9) автомобиль, теміржол, әуе, теңіз көлігімен тасымалдау жөніндегі және тасымалдауды ұйымдастыру жөніндегі көрсетілетін қызметтерге ақы төлеуге және тауарларды жеткізуге байланысты шығындар.
