Қазақстан Республикасы Инвестициялар және даму министрінің 2015 жылғы 9 желтоқсандағы № 1182 бұйрығына 1-қосымша

1. «Пайдаланушы сертификатын беру» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Индустрия және инфрақұрылымдық даму министрлігінің Азаматтық авиация комитеті (бұдан әрі - көрсетілетін қызметті беруші) заңды тұлғаларға (бұдан әрі - көрсетілетін қызметті алушы) көрсетеді.

1-тармақ жаңа редакцияда жазылды ҚР Индустрия және инфрақұрылымдық даму министрінің 29.03.2019 жылғы № 159 Бұйрығына сәйкес (09.12.2015 ж. редакцияны қараңыз)  (өзгерту 26.04.2019 жылдан бастап қолданысқа енгізіледі)

Мемлекеттік қызметті көрсетуге құжаттарды қабылдау және мемлекеттік қызмет көрсету нәтижелерін беру «Азаматтарға арналған үкімет» мемлекеттік корпорациясы» коммерциялық емес акционерлік қоғамы және www.egov.kz «электрондық үкіметтің» веб-порталы (бұдан әрі - портал) арқылы жүзеге асырылады.

2. Мемлекеттік қызметті көрсету нәтіжесін ұсыну нысаны электрондық және (немесе) қағаз түрінде.

3. Мемлекеттік көрсетілетін қызмет нәтижесі – пайдаланушы сертификатын (сертификаттың телнұсқасы) беру (бұдан әрі - сертификат, сертификаттың телнұсқасы) немесе «Қазақстан Республикасы Инвестициялар және даму министрлігінің ұшуға пайдалану саласында мемлекеттік қызметтер көрсетуі мәселелері туралы» Қазақстан Республикасы Инвестициялар және даму министрінің 2015 жылғы 30 сәуірдегі № 561 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11742 болып тіркелген) «Пайдаланушы сертификатын беру» мемлекеттік көрсетілетін қызмет стандартының (бұдан әрі - Стандарт) 10-тармағына сәйкес мемлекеттік қызметті көрсетуден бас тарту туралы дәлелді жауап.

4. Мемлекеттік қызметті көрсету бойынша рәсімді (іс-қимылды) бастау үшін негіздеме Стандарттың 9-тармағына сәйкес көрсетілетін қызметті алушының құжаттар топтамасы бар өтінімді (бұдан әрі - құжаттар) беруі немесе электронды сұрау болып табылады.

5. Мемлекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, оны орындау ұзақтығы:

5-тармақ жаңа редакцияда жазылды ҚР Индустрия және инфрақұрылымдық даму министрінің 29.03.2019 жылғы № 159 Бұйрығына сәйкес (09.12.2015 ж. редакцияны қараңыз)  (өзгерту 26.04.2019 жылдан бастап қолданысқа енгізіледі)

сертификатты беру үшін:

1) көрсетілетін қызметті берушінің кеңсесі маманының тіркеу нөмірі мен күнін көрсете отырып, көрсетілетін қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген лауазымды адамға қарауға жіберу, отыз минут ішінде;

2) лауазымды көрсетілетін қызметті беруші басшысының немесе ол уәкілеттік берген лауазымды адамның жауапты құрылымдық бөлімшені анықтауы және қарар жазуы, екі сағат ішінде;

3) құрылымдық бөлімше басшысының жауапты орындаушыны анықтауы және қарар жазуы, екі сағат ішінде;

4) жауапты орындаушының құжаттарды қарауы;

ұсынылған құжаттарды толықтығына, үш жұмыс күні ішінде;

ұсынылған құжаттарда мәліметтердің анықтығына, оларды тапсырған сәттен бастап жиырма жұмыс күні;

құжаттар сәйкес болған жағдайда – көрсетілетін қызметті алушыға сертификаттық тексеру кезеңіне көшу туралы шешімді жібереді;

5) жауапты орындаушы:

құжаттардың Стандарттың 9-тармағының талаптарына сәйкессіздіктері анықталған жағдайда көрсетілетін қызметті алушыға анықталған сәйкессіздіктерді жою мүмкіндігі беріледі, бұл ретте жою мерзімі оларды анықталған сәттен бастап он жұмыс күніне белгіленеді;

құжаттарды қараудан бас тарту үшін негіздемелері болған жағдайда, жоғарыда көрсетілген мерзім ішінде көрсетілетін қызметті алушыға мемлекеттік қызметті көрсетуден дәлелді бас тартуды жібереді;

құжаттардың сәйкессіздіктері жойылған жағдайда, оларды жою туралы хабарлама алған сәттен бастап екі жұмыс күнінен аспайтын мерзімде көрсетілетін қызметті алушыға сертификаттық тексеру кезеңіне көшу туралы шешімді жібереді;

6) сертификаттық тексеру кезеңіне көшу туралы шешім қабылданған күннен бастап төрт жұмыс күні ішінде көрсетілетін қызметті беруші басшысының бұйрығымен сертификаттық тексеру жөніндегі комиссия (бұдан әрі - комиссия) құрылады;

7) комиссияның көрсетілетін қызметті алушыны сертификаттық тексеруден өткізуі, ең ұзақ мерзімі – он жұмыс күні;

8) сертификаттық тексеру актісіне кол койылған күннен бастап он жұмыс күні ішінде көрсетілетін қызметті алушы ұсынған сертификаттық тексеруді жүргізу кезінде анықталған сәйкессіздіктерді жою жөніндегі түзету іс-қимыл жоспарын бекітуі, бес жұмыс күні ішінде сертификаттық талаптарға сәйкессіздіктерінің жойылуын тексеру және мемлекеттік қызмет көрсету нәтижесі туралы шешім қабылдауы, бір жұмыс күні ішінде;

9) жауапты орындаушы мемлекеттік қызмет көрсету нәтижесін ресімдейді, бір жұмыс күні;

10) мемлекеттік қызмет көрсету нәтижесін құрылымдық бөлімшенің басшысымен келісу, бір сағат;

11) көрсетілетін қызметті берушінің басшысының немесе ол уәкілеттік берген лауазымды адамның мемлекеттік қызмет көрсету нәтижесіне қол қоюы және оны көрсетілетін қызметті алушы порталына жіберу, екі сағат;

12) көрсетілетін қызметті алушы мемлекеттік көрсетілетін қызметті қағаз тасығышта алу үшін жүгінген жағдайда, мемлекеттік қызмет көрсету нәтижесі портал арқылы электрондық нысанда ресімделеді, басылып шығарылады және көрсетілетін қызметті беруші басшысының немесе ол уәкілеттік берген лауазымды адамның қолымен расталады, және жауапты орындаушымен көрсетілетін қызметті алушыға беріледі;

сертификаттың телнұсқасын беру үшін:

1) көрсетілетін қызметті берушінің кеңсесі маманының тіркеу нөмірі мен күнін көрсете отырып, көрсетілетін қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген лауазымды адамға қарауға жіберу, отыз минут ішінде;

2) көрсетілетін қызметті берушінің басшысымен немесе ол уәкілеттік берген лауазымды адаммен жауапты құрылымдық бөлімшесін анықтауы және қарар жазуы, екі сағат ішінде;

3) құрылымдық бөлімше басшысының жауапты орындаушыны анықтауы және қарар жазуы, екі сағат ішінде;

4) жауапты орындаушының сертификаттың телнұсқасын ресімдеуі, бір жұмыс күні;

5) мемлекеттік қызмет көрсету нәтижесін құрылымдық бөлімшенің басшысымен келісуі, екі сағат ішінде;

6) бұрын мемлекеттік қызмет көрсету нәтижесі порталда көрсетілетін қызметті беруші басшысының немесе ол уәкілеттік берген лауазымды адамның қолымен және мөрімен расталады және жауапты орындаушымен көрсетілетін қызметті алушыға беріледі, құжаттарды тапсырған сәттен бастап екі жұмыс күні.»;

6. Мынадай рәсімдердің (іс-қимылдардың) орындалуын бастау үшін негіз болатын мемлекеттік қызметті көрсету бойынша рәсімнің (іс-қимылдың) нәтижесі:

сертификатты беру үшін:

1) көрсетілетін қызметті берушінің кеңсесі маманының тіркеу нөмірі мен күнін бере отырып, көрсетілетін қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген адамға қарауға жіберу; 

2) көрсетілетін қызметті берушінің басшысымен немесе ол уәкілеттік берген адаммен жауапты құрылымдық бөлімшені анықтауы және қарар жазуы;

3) құрылымдық бөлімше басшысының жауапты орындаушыны анықтауы және қарар жазуы;

4) жауапты орындаушы ұсынылған құжаттардың толықтығы мен дұрыстығын тексеру;

5) сертификаттық тексеру өткізу және комиссиямен шешім қабылдау;

6) сертификатты беру (беруден бас тарту);

сертификаттың телнұсқасын беру үшін:

1) көрсетілетін қызметті берушінің кеңсесі маманының тіркеу нөмірі мен күнін бере отырып, көрсетілетін қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген адамға қарауға жіберу; 

2) көрсетілетін қызметті берушінің басшысымен немесе ол уәкілеттік берген адаммен жауапты құрылымдық бөлімшені анықтауы және қарар жазуы;

3) құрылымдық бөлімше басшысының жауапты орындаушыны анықтауы және қарар жазуы;

4) жауапты орындаушының сертификаттың телнұсқасын рәсімдеуі;