Қазақстан Республикасы Инвестициялар және даму министрінің 2015 жылғы 9 желтоқсандағы № 1182 бұйрығына 2-қосымша

1. «Авиациялық жұмыстарды орындауға куәлік беру» мемлекеттік көрсетілетін қызметін (бұдан әрі - мемлекеттік көрсетілетін қызмет) Қазақстан Республикасы Индустрия және инфрақұрылымдық даму министрлігінің Азаматтық авиация комитеті (бұдан әрі - көрсетілетін қызметті беруші) жеке және заңды тұлғаларға (бұдан әрі - көрсетілетін қызметті алушы) көрсетеді.

1-тармақ жаңа редакцияда жазылды ҚР Индустрия және инфрақұрылымдық даму министрінің 29.03.2019 жылғы № 159 Бұйрығына сәйкес (09.12.2015 ж. редакцияны қараңыз)  (өзгерту 26.04.2019 жылдан бастап қолданысқа енгізіледі)

Мемлекеттік көрсетілетін қызметті көрсетуге құжаттарды қабылдау және мемлекеттік қызмет көрсету нәтижелерін беру «Азаматтарға арналған үкімет» мемлекеттік корпорациясы» коммерциялық емес акционерлік қоғамы немесе www.egov.kz «электрондық үкіметтің» веб-порталы (бұдан әрі - портал) арқылы жүзеге асырылады.

2. Мемлекеттік қызметті көрсету нәтіжесін ұсыну нысаны электрондық және (немесе) қағаз түрінде.

3. Мемлекеттік қызметті көрсету нәтижесі – авиациялық жұмыстарды орындауға куәлік (авиациялық жұмыстарды орындауға куәлік телнұсқасы) беру немесе «Қазақстан Республикасы Инвестициялар және даму министрлігінің ұшуға пайдалану саласында мемлекеттік қызметтер көрсетуі мәселелері туралы» Қазақстан Республикасы Инвестициялар және даму министрінің 2015 жылғы 30 сәуірдегі № 561 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11742 болып тіркелген) «Авиациялық жұмыстарды орындауға куәлік беру» мемлекеттік көрсетілетін қызмет стандартының (бұдан әрі - Стандарт) 10-тармағына сәйкес мемлекеттік қызметті көрсетуден бас тарту туралы дәлелді жауап.

4. Мемлекеттік қызметті көрсету бойынша рәсімді (іс-қимылды) бастау үшін негіздеме Стандарттың 9-тармағына сәйкес көрсетілетін қызметті алушының құжаттар топтамасы бар өтінімді (бұдан әрі - құжаттар) беруі немесе электронды сұрау болып табылады.

5. Мемлекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, оны орындау ұзақтығы:

5-тармақ жаңа редакцияда жазылды ҚР Индустрия және инфрақұрылымдық даму министрінің 29.03.2019 жылғы № 159 Бұйрығына сәйкес (09.12.2015 ж. редакцияны қараңыз)  (өзгерту 26.04.2019 жылдан бастап қолданысқа енгізіледі)

авиациялық жұмыстарды орындауға куәлікті беру үшін:

1) көрсетілетін қызметті берушінің кеңсесі маманының тіркеу нөмірі мен күнін көрсете отырып, көрсетілетін қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген лауазымды адамға қарауға жіберу, отыз минут ішінде;

2) көрсетілетін қызметті беруші басшысының немесе ол уәкілеттік берген лауазымды адамның жауапты құрылымдық бөлімшесін анықтауы және қарар жазуы, екі сағат ішінде;

3) құрылымдық бөлімше басшысының жауапты орындаушыны анықтауы және қарар жазуы, екі сағат ішінде;

4) жауапты орындаушының құжаттарды қарауы, оларды тапсырған сәттен бастап жиырма жұмыс күні;

5) жауапты орындаушы құжаттарды тапсырған сәттен бастап жиырма жұмыс күні аспайтын мерзімде:

құжаттарды қараудан бас тарту үшін негіздемелері болған жағдайда, көрсетілетін қызметті алушыға мемлекеттік қызметті көрсетуден дәлелді бас тартуды жібереді;

құжаттар сәйкес болған жағдайда – көрсетілетін қызметті алушыға сертификаттық тексеру кезеңіне көшу туралы шешімді жібереді;

6) сертификаттық тексеру кезеңіне көшу туралы шешім қабылданған күннен бастап екі жұмыс күні ішінде көрсетілетін қызметті беруші басшысының бұйрығымен сертификаттық тексеру жөніндегі комиссия (бұдан әрі - комиссия) құрылады;

7) комиссияның көрсетілетін қызметті алушыны сертификаттық тексеруден өткізуі, ең ұзақ мерзімі – бес жұмыс күні;

8) сертификаттық тексеру актісіне кол койылған күннен бастап он жұмыс күні ішінде көрсетілетін қызметті алушы ұсынған сертификаттық тексеруді жүргізу кезінде анықталған сәйкессіздіктерді жою жөніндегі түзету іс-қиыл жоспарын бекітуі, сертификаттық талаптарға сәйкессіздіктердің жайылуын бес күні ішінде және мемлекеттік қызметті көрсету нәтижесі туралы шешім қабылдауы, бір жұмыс күні ішінде;

9) жауапты орындаушы мемлекеттік қызмет көрсету нәтижесін ресімдейді, бір жұмыс күні;

10) мемлекеттік қызмет көрсету нәтижесін құрылымдық бөлімше басшысымен келісу, екі сағат;

11) көрсетілетін қызметті беруші басшысының немесе ол уәкілеттік берген лауазымды адамның мемлекеттік қызметті көрсету нәтижесіне қол қоюы және оны көрсетілетін қызметті алушы порталына жіберу, екі сағат;

12) көрсетілетін қызметті алушы мемлекеттік көрсетілетін қызметті қағаз тасығышта алу үшін жүгінген жағдайда, мемлекеттік қызметті көрсету нәтижесі портал арқылы электрондық нысанда ресімделеді, басылып шығарылады және көрсетілетін қызметті берушінің басшысының немесе ол уәкілеттік берген адамның қолымен расталады, және жауапты орындаушымен көрсетілетін қызметті алушыға беріледі;

авиациялық жұмыстарды орындауға куәліктің телнұсқасын беру үшін:

1) көрсетілетін қызметті берушінің кеңсесі маманының тіркеу нөмірі мен күнін көрсете отырып, көрсетілетін қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген лауазымды адамға қарауға жіберу, отыз минут ішінде;

2) көрсетілетін қызметті берушінің басшысымен немесе ол уәкілеттік берген адаммен жауапты құрылымдық бөлімшесін анықтауы және қарар жазуы, екі сағат ішінде;

3) құрылымдық бөлімше басшысының жауапты орындаушыны анықтауы және қарар жазуы, екі сағат ішінде;

4) жауапты орындаушының авиациялық жұмыстарды орындауға куәліктің телнұсқасын ресімдеуі, бір жұмыс күні;

5) мемлекеттік қызмет көрсету нәтижесін құрылымдық бөлімшенің басшысымен келісуі, екі сағат;

6) бұрын мемлекеттік қызмет көрсету нәтижесі порталда көрсетілетін қызметті беруші басшысының немесе ол уәкілеттік берген лауазымды адамның қолымен және мөрімен расталады және жауапты орындаушымен көрсетілетін қызметті алушыға беріледі, құжаттарды тапсырған сәттен бастап екі жұмыс күні.

6. Мынадай рәсімдердің (іс-қимылдардың) орындалуын бастау үшін негіз болатын мемлекеттік қызметті көрсету бойынша рәсімнің (іс-қимылдың) нәтижесі:

авиациялық жұмыстарды орындауға куәлікті беру үшін:

1) көрсетілетін қызметті берушінің кеңсесі маманының тіркеу нөмірі мен күнін бере отырып, көрсетілетін қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген адамға қарауға жіберу; 

2) көрсетілетін қызметті берушінің басшысымен немесе ол уәкілеттік берген адаммен жауапты құрылымдық бөлімшені анықтауы және қарар жазуы;

3) құрылымдық бөлімше басшысының жауапты орындаушыны анықтауы және қарар жазуы;

4) жауапты орындаушы ұсынылған құжаттардың толықтығы мен дұрыстығын тексеру;

5) сертификаттық тексеру өткізу және комиссиямен шешім қабылдау;

6) авиациялық жұмыстарды орындауға куәлік беру (беруден бас тарту);

авиациялық жұмыстарды орындауға куәлік телнұсқасын беру үшін:

1) көрсетілетін қызметті берушінің кеңсесі маманының тіркеу нөмірі мен күнін бере отырып, қызметті алушының құжаттарын қабылдауы, көрсетілетін қызметті берушінің басшысына немесе ол уәкілеттік берген адамға қарауға жіберу; 

2) көрсетілетін қызметті берушінің басшысымен немесе ол уәкілеттік берген адаммен жауапты құрылымдық бөлімшені анықтауы және қарар жазуы;

3) құрылымдық бөлімше басшысының жауапты орындаушыны анықтауы және қарар жазуы;

4) жауапты орындаушының куәлік телнұсқасын рәсімдеу;

5) мемлекеттік қызметті көрсету нәтижесін құрылымдық бөлімшенің басшысымен келісуі;

6) бұрын мемлекеттік қызметті көрсету нәтижесі порталда көрсетілетін қызметті берушінің басшысының немесе ол уәкілеттік берген адамның қолымен және мөрімен расталады және жауапты орындаушымен көрсетілетін қызметті алушыға беріледі.

7. Мемлекеттік қызметті көрсету процесіне қатысатын көрсетілетін қызметті берушінің құрылымдық бөлімшелерінің (қызметкерлерінің) тізбесі: