Қазақстан Республикасы Қаржы министрінің кейбір бұйрықтарына өзгерістер енгізу туралы Қазақстан Республикасы Қаржы министрінің 2016 жылғы 18 наурыздағы № 139 бұйрығы. Қазақстан Республикасының Әділет министрлігінде 2016 жылы 25 сәуірде № 13622 болып тіркелді

«Нормативтік құқықтық актілер» туралы 1998 жылғы 24 наурыздағы Қазақстан Республикасының Заңының 43-1-бабына сәйкес, БҰЙЫРАМЫН:

1. Қоса беріліп отырған өзгерістер енгізілетін Қазақстан Республикасы Қаржы министрлігі бұйрықтарының тізбесі осы бұйрыққа қосымшаға сәйкес бекітілсін. 

2. Қазақстан Республикасы Қаржы министрлігінің Мемлекеттік кірістер комитеті (Д.Е. Ерғожин) заңнамада белгіленген тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін;

2) осы бұйрықты мемлекеттік тіркеленгеннен кейін күнтізбелік он күн ішінде оны ресми жариялауға мерзімдік баспа басылымдарына және «Әділет» ақпараттық құқықтық жүйесіне жолдауды; 

3) осы бұйрықты Қазақстан Республикасының Әділет министрлігінде алғаннан күннен бастап бес жұмыс күн ішінде Қазақстан Республикасы нормативтiк құқықтық актілерінің эталондық бақылау банкiне орналастыру үшін Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді;

4) осы бұйрықты Қазақстан Республикасы Қаржы министрлігінің интернет-ресурстарында жариялануды қамтамасыз етсін.

3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Министр Б. Сұлтанов 

1. Тармақ алынып тасталды (ескертуді қараңыз)

1-тармақ алынып тасталды ҚР Қаржы министрінің 29.01.2018 жылғы № 77 Бұйрығымен (22.12.2017 ж. редакцияны қараңыз)(алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 20.02.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

2. Тармақ күшін жойды (ескертуді қараңыз)

2-тармақ күшін жойды ҚР Қаржы министрінің 19.02.2018 жылғы № 228 Бұйрығына сәйкес (09.02.2018 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 16.03.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

3. Тармақ күшін жойды (ескертуді қараңыз)

3-тармақ күшін жойды ҚР Қаржы министрінің 01.02.2018 жылғы № 110 Бұйрығына сәйкес (29.01.2018 ж. редакцияны қараңыз)(алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 21.02.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

4. Тармақ күшін жойды (ескертуді қараңыз)

4-тармақ күшін жойды ҚР Қаржы министрінің 15.03.2018 жылғы № 374 Бұйрығына сәйкес (19.02.2018 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 12.04.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

5. Тармақ күшін жойды (ескертуді қараңыз)

5-тармақ күшін жойды ҚР Қаржы министрінің 12.10.2018 жылғы № 994 Бұйрығына сәйкес (15.03.2018 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 08.11.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

6. Тармақ күшін жойды (ескертуді қараңыз)

6-тармақ күшін жойды ҚР Қаржы министрінің 09.02.2018 жылғы № 153 Бұйрығымен (01.02.2018 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 12.03.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

7. «Биоотың айналымы саласындағы құқық бұзушылықтарды жою туралы хабарлама нысанын бекіту туралы» Қазақстан Республикасы Қаржы министрінің 2011 жылғы 19 мамырдағы № 256 бұйрығында (Нормативтік құқықтық актілерді мемлекеттік тіркеу тізілімінде № 6988 болып тіркелді, Қазақстан Республикасының орталық атқарушы және өзге де орталық мемлекеттік органдарының актілер жинағы, 2011 жылғы, № 6 (14.09.2011 ж.) жарияланды): 

Биоотын айналымы саласындағы құқық бұзушылықтарды жою туралы хабарлама нысаны осы Тізбеге 7-қосымшаға сәйкес редакцияда жазылсын. 

8. «Мұнай өнімдерінің айналымы саласында бұзушылықтарды жою туралы хабарламаның нысанын бекіту туралы» Қазақстан Республикасы Қаржы Министрінің 2011 жылғы 19 қыркүйектегі № 479 бұйрығында (Нормативтік құқықтық актілерді мемлекеттік тіркеу тізілімінде № 7200 болып тіркелді, «Заң газетінде» 2011 жылғы 13 қазандағы № 149 (2139) жарияланды): 

Мұнай өнімдерінің айналымы саласында бұзушылықтарды жою туралы хабарламаның нысаны осы Тізбеге 8-қосымшаға сәйкес редакцияда жазылсын. 

9. Тармақ күшін жойды (ескертуді қараңыз)

9-тармақ күшін жойды ҚР Қаржы министрінің 01.02.2018 жылғы № 98 Бұйрығына сәйкес (29.01.2018 ж. редакцияны қараңыз)(алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 27.02.2018 жылы "ҚР НҚА электрондық түрдегі эталондық бақылау банкі" ақпараттық жүйесінде жарияланды

10. «Уақытша әкімшіні, оңалтуды, уақытша және банкроттықты басқарушыларды есепке алу, оңалтуды және банкроттықты басқарушыларды тағайындау және шеттету қағидаларын, сондай-ақ уақытша әкімшінің, оңалтуды, уақытша және банкроттықты басқарушылардың біліктілігін арттыру қағидаларын бекіту туралы» Қазақстан Республикасы Премьер-Министрінің Орынбасары - Қазақстан Республикасы Қаржы министрінің 2014 жылғы 28 сәуірдегі № 189 бұйрығында (Нормативтік құқықтық актілерді мемлекеттік тіркеу тізілімінде № 9478 болып тіркелді, «Әділет» ақпараттық құқықтық жүйесінде 2014 жылғы 2 шілдеде жарияланды):

2-тармақ мынадай редакцияда жазылсын: 

«2. Уәкілетті орган – Қазақстан Республикасы Қаржы министрлігінің Мемлекеттік кірістер комитеті. 

Уәкілетті органның аумақтық бөлімшелеріне облыстар, Астана және Алматы қалалары бойынша мемлекттік кірістер департаменттері жатады.».

1. Осы Қағида мемлекеттік кірістер органдарының лауазымды тұлғасы болып табылмайтын сарапшыларды (мамандарды) кедендік сараптама жүргізу үшін тартудың тәртібін айқындайды және «Қазақстан Республикасындағы кеден ісі туралы» 2010 жылғы 30 маусымдағы Қазақстан Республикасы Кодексінің 229-бабына сәйкес әзірленді.

2. Осы Қағидада мынадай ұғымдар қолданылады: 

1) мемлекеттік кірістер орган болып табылмайтын кедендік сараптама жүргізуге уәкілетті ұйым – кедендік мақсат үшін тауарларға сараптама жүргізетін ұйым (бұдан әрі – уәкілетті ұйым); 

2) мемлекеттік кірістер органының лауазымды тұлғасы болып табылмайтын сарапшы (маман) – сарапшы қорытындысын (бұдан әрі – сарапшы) беру үшін арнайы және (немесе) ғылыми танымдарға ие уәкілетті ұйымның маманы; 

3) сарапшы қорытындысы – жүргізілген зерттеулердің нәтижесі және арнайы және (немесе) ғылыми танымдарды қолдана отырып қойылған сұрақтарға жауап түрінде кедендік сарапшының қорытындысы бар құжат. 

3. Тәртіп сараптама қызметін ұйымдастыру үшін кедендік мақсатта тауарларды зерттеу аумағында тәуелсіз, кәсіби пікір алу үшін қолданылады. 

4. Уәкілеттік ұйымдарда кедендік сараптама жүргізудің негізгі міндеттері: 

кедендік сараптама бойынша кәсіби пікір білдіру мақсатында ұсынылған материалдарға, құжаттарға, сынамаларға және үлгілерге жан–жақты, толық және кешендік талдауды жүзеге асыру; 

объективті және тәуелсіз сарапшы қорытындысын ұсыну болып табылады.

5. Мемлекеттік кірістер органы мұндай сараптаманы кедендік сарапшылар жүргізу мүмкін болмаған жағдайда ғана кедендік сараптаманы уәкілетті ұйымдарда тағайындайды. Кедендік сараптаманы жүргізу мүмкін болмаған жағдайда кедендік сараптама жүргізуге уәкілетті мемлекеттік кірістер органы кедендік сараптаманы тағайындаған мемлекеттік кірістер органын кедендік сараптама жүргізу үшін материалдарды алған күннен бастап бір жұмыс күнінен кешіктірмей жазбаша түрде бұл туралы хабардар етеді.

6. Кедендік сараптама тағайындаған мемлекеттік кірістер органы кедендік сараптама жүргізетін уәкілетті ұйыммен немесе сарапшымен кедендік сараптама жүргізу шарттары белгіленген шарт жасасады. 

7. Кедендік сараптаманы жүргізуге арналған шығыстар кедендік сараптаманы тағайындаған мемлекеттік кірістер органының бюджет қаражаты есебінен өтеледі. 

8. Сарапшы кедендік сараптаманы тағайындаған мемлекеттік кірістер органына сарапшы қорытындысын беру үшін арнайы және (немесе) ғылыми танымының бар екендігін растайтын құжаттарын ұсынады.

  _____________________________________________________________________

           (кедендік сараптаманы өткізетін ұйымның атауы)