Конституциялық заң Республики Казахстан 18.12.1995 № 2688 «Қазақстан Республикасының Үкіметі туралы» - Правовая информационно-справочная система "BestProfi"

Близость слов :	Окончание :
как словосочетание в пределах абзаца	с любым окончанием точно, как в запросе По части слова
Искать, включая суд. практику
вернуть по умолчанию

91

Қазақстан Республикасының Үкіметі туралы
Қазақстан Республикасының 1995 жылғы 18 желтоқсандағы N 2688 Конституциялық заңы

Тақырып өзгертілді ҚР 06.05.1999 жылғы № 379 Конституциялық заңымен (24.02.1997 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс)

Редакция 17.07.2024 жылы берілген өзгерістер мен толықтырулармен

Осы Конституциялық заң Қазақстан Республикасының Конституциясына сәйкес Қазақстан Республикасы Үкiметiнiң құзыретiн, ұйымдастырылуы мен қызметiнiң тәртiбiн белгiлейдi.

Кіріспе өзгертілді ҚР 06.05.1999 жылғы № 379 Конституциялық заңымен (24.02.1997 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс)

I ТАРАУ. ЖАЛПЫ ЕРЕЖЕЛЕР

1-бап. Қазақстан Республикасы Үкiметiнiң мәртебесi

1-бап өзгертілді ҚР 19.06.2007 жылғы № 267  Конституциялық заңымен(24.11.2004 ж. редакцияны қараңыз)(алғашқы ресми жарияланған күнінен бастап қолданысқа енгізіледі)

Үкiмет алқалы орган болып табылады, Қазақстан Республикасының атқарушы билiгiн жүзеге асырады, атқарушы органдардың жүйесiн басқарады және олардың қызметiне басшылық жасайды.

2-бап. Республика Үкiметi қызметiнiң құқықтық негiзi

2-бап өзгертілді ҚР 06.05.1999 жылғы № 379  Конституциялық заңымен (алғашқы ресми жарияланған күнінен бастап қолданысқа енгізіледі)

Үкiмет Республика Конституциясының , осы Конституциялық заңның, Республиканың заңдары мен өзге де нормативтiк актiлерiнiң негiзiнде және оларды орындау үшiн iс-қимыл жасайды.

1

3-бап. Қазақстан Республикасы Yкiметiнiң құрылуы, құрылымы және құрамы

3-бап өзгертілді ҚР 06.05.1999 жылғы № 379 Конституциялық заңымен (24.02.1997 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс)

1. Үкiметтi Республика Президентi Қазақстан Республикасының Конституциясында көзделген тәртiппен құрады.

2. Үкiметтiң құрылымы мен құрамы туралы ұсыныстарды Премьер-Министр тағайындалғаннан кейiн он күн мерзiмде Республика Премьер-Министрi Республика Президентiне енгiзедi.

3. Үкiметтiң құрылымын министрлiктер құрайды.

3-тармақ жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

4. Үкiметтiң құрамына Үкiмет мүшелерi - Республиканың Премьер-Министрi, оның орынбасарлары, министрлер және Республиканың өзге де лауазымды адамдары кiредi.

3-1-бап. Қазақстан Республикасының Үкiметi мүшесiнiң ант беруi

Конституциялық Заң 3-1-баппен толықтырылды ҚР 06.05.1999 жылғы № 379 Конституциялық заңына сәйкес(алғашқы ресми жарияланған күнінен бастап қолданысқа енгізіледі)

1. Қазақстан Республикасы Үкiметiнiң мүшесi Қазақстан халқына және Президентiне мынадай мазмұнда ант бередi:

"Қазақстан Республикасының халқы мен Президентi алдында өз Отаным - Қазақстан Республикасының экономикалық және рухани даму iсiне барлық күш-жiгерiм мен бiлiмiмдi жұмсауға, мемлекеттiң Конституциясы мен заңдарын қатаң сақтауға, өзiмнiң барлық iс-әрекетiмде заңдылық пен әдiлеттiк, азаматтық, ұлтаралық және конфессияаралық татулық принциптерiн ұстануға, Қазақстан халқына адал қызмет етуге, өз елiмнiң мемлекеттiлiгi мен дүниежүзiлiк қоғамдастықтағы беделiн нығайта беруге салтанатты түрде ант беремiн. Ант етемiн.".

1-тармақтың екінші абзацы өзгертілді ҚР 15.06.2017 жылғы № 75-VI Конституциялық Заңымен (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

2. Үкiмет мүшелерiнiң антын Республика Президентi өзi белгiлейтiн тәртiппен қабылдайды.

4

4-бап. Республика Үкiметiнiң өкiлеттiк мерзiмi

4-бап өзгертілді ҚР 06.05.1999 жылғы № 379 Конституциялық заңынмен (алғашқы ресми жарияланған күнінен бастап қолданысқа енгізіледі)  
4-бап өзгертілді ҚР 19.06.2007 жылғы № 267 Конституциялық заңына сәйкес (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі)
4-бап жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

1. Республика Үкiметi Парламент Мәжілісінiң өкiлеттiк мерзiмi шегінде жұмыс істейді және жаңадан сайланған Республика Парламенті Мәжілісінiң алдында өз өкiлеттiгiн доғарады.

2. Үкiметтiң өкiлеттiкті доғаруы оның мүшелерiнiң өкiлеттiгi тоқтатылғанын бiлдiредi.

3. Республика Үкiметiнiң жаңа құрамы бекiтiлгенге дейiн Республика Үкiметi өз мiндеттерiн атқара бередi.

4. Үкiмет осы Конституциялық заңның 5 және 6-баптарында көзделген Үкiмет орнынан түскен және өкiлеттiгiн тоқтатқан жағдайларда да өз өкілеттігін доғарады.

5-бап. Республика Үкiметiнiң орнынан түсуi

1. Егер өздерiне жүктелген функцияларды одан әрi жүзеге асыру мүмкiн емес деп санайтын болса, Үкiмет және оның кез-келген мүшесi Республика Президентiне өзiнiң орнынан түсуi туралы мәлiмдеуге хақылы. Үкiмет жүргiзiп отырған саясатпен келiспейтiн немесе оны жүргiзбей отырған Үкiмет мүшелерi де орнынан түседi.

1-тармақ өзгертілді ҚР 06.05.1999 жылғы № 379 Конституциялық заңымен(алғашқы ресми жарияланған күнінен бастап қолданысқа енгізіледі)

2. Республика Конституциясында көзделген жағдайларда Парламент Мәжілісі немесе Парламент Үкiметке сенiмсiздiк бiлдiретiн болса, Үкiмет өзiнiң орнынан түсуi туралы Республика Президентiне мәлiмдейдi. Республика Президентi орнынан түсудi қабылдау немесе қабылдамау туралы мәселенi он күн мерзiмде қарайды.

2-тармақ өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды

3. Орнынан түсудi қабылдау Үкiметтiң немесе оның тиiстi мүшесiнiң өкiлеттiгi тоқтатылғанын бiлдiредi. Премьер-Министрдiң орнынан түсуiн қабылдау бүкiл Үкiметтiң өкiлеттiгi тоқтатылғанын бiлдiредi.

4. Үкiметтiң немесе оның мүшесiнiң орнынан түсуi қабылданбаған ретте, Президент оған өз мiндеттерiн одан әрi жүзеге асыра берудi тапсырады.

6-бап. Республика Президентiнiң бастамасымен

Республика Үкiметiнiң өкiлеттiгiн тоқтату

1. Республика Президентi өз бастамасымен Үкiметтiң өкiлеттiгiн тоқтату туралы шешiм қабылдауға және оның кез-келген мүшесiн қызметiнен босатуға хақылы.

2. Премьер-Министрдiң қызметiнен босатылуы бүкiл Үкiметтiң өкiлеттiгi тоқтатылғанын бiлдiредi.

2-1. Үкiмет жүргiзiп отырған саясатпен келiспейтiн немесе оны жүргiзбей отырған Үкiмет мүшелерi атқарып келген қызметiнен босатылуға тиiс.

6-бап 2-1-тармақпен толықтырылды ҚР 06.05.1999 жылғы № 379  Конституциялық заңына сәйкес (алғашқы ресми жарияланған күнінен бастап қолданысқа енгізіледі)

7-бап. Бап алынып тасталды (ескертуді қараңыз)

7-бап өзгертілді ҚР 06.05.1999 жылғы № 379 Конституциялық заңымен (24.02.1997 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс)
7-бап алынып тасталды ҚР 19.06.2007 жылғы   № 267  Конституциялық заңымен ( 24.11.2004  ж. редакцияны қараңыз) (алғашқы ресми жарияланған күнінен бастап қолданысқа енгізіледі)

8-бап. Республика Үкiметiнiң құрамында болуға байланысты шектеулер

Республика Үкiметi мүшелерiнiң:

1) өкiлдi органның депутаттары болуға;

2) оқытушылық, ғылыми немесе өзге шығармашылық қызметтерден басқа ақы төленетiн қызметтер атқаруға;

3) кәсiпкерлiкпен шұғылдануға;

25

4) Үкімет шешімдерімен белгіленген жағдайларда жарғылық капиталына мемлекет қатысатын коммерциялық ұйымдарды қоспағанда, коммерциялық ұйымның басшы органының немесе байқаушы кеңесінің құрамына кіруге хақы жоқ.

4-тармақша  өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды

II ТАРАУ. РЕСПУБЛИКА ҮКIМЕТIНIҢ ҚҰЗЫРЕТI, АКТIЛЕРI, ЕСЕПТIЛIГI ЖӘНЕ ЖАУАПКЕРШIЛIГI

1

9-бап. Республика Үкіметінің құзыреті

9-бап өзгертілді ҚР 06.05.1999 жылғы № 379 Конституциялық заңымен (24.02.1997 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс)
9-бап өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды     
9-бап өзгертілді ҚР 29.09.2014 жылғы № 238-V Заңымен (19.06.2007 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 02.10.2014 жылы „Егемен Қазақстан„ Республикалық газетінде жарияланды

Республика Үкіметі:

1

1) мемлекеттің әлеуметтік-экономикалық саясатының, оның қорғаныс қабілетінің, кауіпсіздігінің, қоғамдық тәртіпті қамтамасыз етудің негізгі бағыттарын әзірлейді және олардың жүзеге асырылуын ұйымдастырады;

2) тармақша алынып тасталды (ескертуді қараңыз)

2-тармақша жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды
2-тармақша алынып тасталды ҚР 19.04.2023 жылғы № 222-VII Конституциялық Заңына сәйкес (05.11.2022 ж. редакцияны қараңыз)(өзгерту 01.05.2023 жылдан бастап қолданысқа енгізіледі)

3) әлеуметтік-экономикалық даму болжамын мақұлдайды;

1

4) Республиканың сыртқы саясатын жүргізу жөніндегі шараларды тұжырымдайды;

5) Парламентке республикалық бюджетті және оның атқарылуы туралы есепті ұсынады, бюджеттің атқарылуын қамтамасыз етеді;

5-тармақша жаңа редакцияда жазылды ҚР 03.07.2017 жылғы № 85-VI Конституциялық Заңына сәйкес (15.06.2017 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.07.2017 жылы № 133 (28512) „Егемен Қазақстан„ Республикалық газетінде жарияланды

1

5-1) Республикалық бюджет комиссиясын құрады, ол туралы ережені бекітеді, оның құрамын айқындайды;

9-бап 5-1-тармақшамен толықтырылды ҚР 03.07.2017 жылғы № 85-VI Конституциялық Заңына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.07.2017 жылы № 133 (28512) „Егемен Қазақстан„ Республикалық газетінде жарияланды

1

5-2) Қазақстан Республикасының Президентімен келісу бойынша мемлекеттік жоспарлау жүйесін айқындайды және мемлекеттік бағдарламаларды бекітеді;

9-бап 5-2-тармақшамен толықтырылды ҚР 03.07.2017 жылғы № 85-VI Конституциялық Заңына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.07.2017 жылы № 133 (28512) „Егемен Қазақстан„ Республикалық газетінде жарияланды
5-2-тармақша өзгертілді ҚР 05.07.2024 жылғы № 109-VIII Заңымен (19.04.2023 ж. редакцияны қараңыз)(өзгерту 17.07.2024 жылдан бастап қолданысқа енгізіледі)

5-3) республикалық бюджеттің атқарылуы туралы жылдық есепті жасау және ұсыну тәртібін айқындайды;

9-бап 5-3-тармақшамен толықтырылды ҚР 03.07.2017 жылғы № 85-VI Конституциялық Заңына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 14.07.2017 жылы № 133 (28512) „Егемен Қазақстан„ Республикалық газетінде жарияланды

6) Республиканың қаржы жүйесін нығайту жөніндегі шараларды әзірлейді және жүзеге асырады; мемлекеттік валюта, қаржы ресурстары мен материалдық ресурстарды жасақтау және пайдалану кезінде заңдылықтың сақталуын мемлекеттік бақылауды қамтамасыз етеді;

7) тармақша алынып тасталды (ескертуді қараңыз)

7-тармақша алынып тасталды ҚР 19.04.2023 жылғы № 222-VII Конституциялық Заңына сәйкес (05.11.2022 ж. редакцияны қараңыз)(өзгерту 01.05.2023 жылдан бастап қолданысқа енгізіледі)

1

8) мемлекеттік баға белгілеу саясатын тұжырымдайды; мемлекет реттейтін бағалар қолданылатын өнімдер, тауарлар және көрсетілетін қызметтер номенклатурасын белгілейді;

3

9) мемлекеттік меншікті басқаруды ұйымдастырады, оны пайдалану жөніндегі шараларды тұжырымдайды және жүзеге асырады, мемлекеттік меншік құқығын қорғауды қамтамасыз етеді;

10) еңбекке ақы төлеу, азаматтардың әлеуметтік қорғалуы, мемлекеттік әлеуметтік қамсыздандыру мен әлеуметтік сақтандыру жүйесін және шарттарын қалыптастырады;

2

10-1) Республика Президентiмен келісу бойынша мемлекеттік бюджет есебінен қамтылатын барлық органдар үшін қаржыландырудың және қызметкерлердің еңбегіне ақы төлеудің бірыңғай жүйесін бекітеді;

9-бап 10-1-тармақшамен толықтырылды ҚР 15.06.2017 жылғы № 75-VI Конституциялық Заңына сәйкес (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

11) мемлекеттік өңірлік саясаттың негізгі бағыттарын тұжырымдайды; өңіраралық проблемалар мен өңірлердің әлеуметтік-экономикалық даму мәселелерін шешуді қамтамасыз етеді;

12) ғылым мен техниканы дамыту, жаңа технологияларды енгізу жөніндегі мемлекеттік саясатты қалыптастырады;

12-тармақша жаңа редакцияда жазылды ҚР 19.04.2023 жылғы № 222-VII Конституциялық Заңына сәйкес (05.11.2022 ж. редакцияны қараңыз)(өзгерту 01.05.2023 жылдан бастап қолданысқа енгізіледі)

13) табиғи ресурстар мен қоршаған табиғи ортаны ұтымды пайдалануды және қорғауды қамтамасыз ету жөніндегі іс-шараларды әзірлейді және жүзеге асырады;

14) құқықтық саясаттың іске асырылуын қамтамасыз етеді; азаматтардың құқықтары мен бостандықтарын сақтау және қорғау, заңдылық пен құқық тәртібін, Республиканың қауіпсіздігі мен қорғаныс қабілетін, Республиканың аумақтық тұтастығын және мемлекеттік шекараларының күзетілуін қамтамасыз ету жөніндегі шараларды әзірлейді және іске асырады;

15) келіссөздер жүргізу және үкіметаралық келісімдерге қол қою туралы шешімдер қабылдайды; Республиканың шет мемлекеттермен, халықаралық және өңірлік ұйымдармен өзара қарым-қатынасын дамытуды қамтамасыз етеді; сыртқы экономикалық саясатты іске асыру жөніндегі шараларды тұжырымдайды; сыртқы сауданы дамыту жөнінде шаралар қолданады; халықаралық қаржы ұйымдарымен ынтымақтастықты және өзара іс-қимыл жасауды жүзеге асырады;

16) өзіне Конституциямен, заңдармен және Президент актілерімен жүктелген өзге де функцияларды орындайды.

10-бап. Республика Үкiметiнiң актiлерi

1

1. Республика Үкiметi Республика Конституциясының , заңдарының, Президент актiлерiнiң, өзге нормативтiк құқықтық актiлердiң негiзiнде және оларды орындау үшiн нормативтiк және жеке қаулылар шығарады.

1-тармақ өзгертілді ҚР 05.11.2022 жылғы № 156-VII ҚРЗ Заңымен (30.12.2020 ж. редакцияны қараңыз) (өзгерту 01.01.2023 жылдан бастап қолданысқа енгізіледі)

Халықтың өмірі мен денсаулығына, конституциялық құрылысқа, қоғамдық тәртіпті сақтауға, елдің экономикалық қауіпсіздігіне қатер төндіретін жағдайларға жедел ден қою мақсатында заң жобалары Парламентке енгізілген жағдайда, Үкіметтің заң күші бар уақытша қаулыларын Республика Үкіметі өз жауапкершілігімен қабылдауға құқылы, олар Парламент қабылдаған заңдар күшіне енгенге дейін немесе Парламент заңдарды қабылдамағанға дейін қолданыста болады.

2. Үкімет қаулылары Үкімет мүшелерінің жалпы санының көпшілік даусымен қабылданады. Үкімет қаулыларына Республика Премьер-Министрі қол қояды.

2-тармақ өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды
2-тармақ өзгертілді ҚР 05.11.2022 жылғы № 156-VII ҚРЗ Заңымен (30.12.2020 ж. редакцияны қараңыз) (өзгерту 01.01.2023 жылдан бастап қолданысқа енгізіледі)

Үкіметтің заң күші бар уақытша қаулылары Үкімет мүшелері жалпы санының үштен екісінің даусымен қабылданады.

3. Республика Премьер-Министрi өкiмдер шығарады. Премьер-Министрдiң өкiмдерi әкiмшiлiк-өкiмдiк, жедел және жеке-дара сипаттағы мәселелер бойынша шығарылады.

3-тармақ  өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)

4. Өздерiнiң құзыретi шегiнде қабылданған Үкіметтің заң күші бар уақытша қаулыларының, Үкiмет қаулылары мен Республика Премьер-Министрi өкiмдерiнiң Республиканың бүкiл аумағында мiндеттi күшi болады.

4-тармақ өзгертілді ҚР 05.11.2022 жылғы № 156-VII ҚРЗ Заңымен (30.12.2020 ж. редакцияны қараңыз) (өзгерту 01.01.2023 жылдан бастап қолданысқа енгізіледі)

2

5. Үкiмет қаулылар мен Республика Премьер-Министрiнiң өкiмдерi Республика Үкiметiнiң Регламентiнде белгiленген тәртiппен әзiрленедi және қабылданады.

5-1. Үкіметтің заң күші бар уақытша қаулылары «Құқықтық актілер туралы» Қазақстан Республикасының Заңында, сондай-ақ Республика Үкіметінің актілерінде айқындалатын тәртіппен әзірленеді және қабылданады.

10-бап 5-1-тармақпен толықтырылды ҚР 05.11.2022 жылғы № 156-VII ҚРЗ Заңына сәйкес (өзгерту 01.01.2023 жылдан бастап қолданысқа енгізіледі)

6. Үкiмет қаулыларының күшiн Республика Үкiметi жоя алады.

6-тармақ жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

7. Премьер-Министр өкiмдерiнiң күшiн Республика Үкiметi және Премьер-Министрi жоя алады.

7-тармақ жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

11-бап. Республика Үкiметiнiң есептiлiгi мен жауапкершiлiгi

1. Үкiмет өзiнiң қызметiнде Конституцияда және осы Конституциялық заңда белгiленген нысандарда Республика Президентiнiң және Парламенттің алдында жауапты.

1-тармақ  өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)
1-тармақ жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

2. Үкiмет мүшелерi өз құзыретiнің шегiнде өз бетiнше шешiм қабылдайды, Республика Премьер-Министрiнiң алдында өздерiне бағынысты мемлекеттiк органдардың жұмысы немесе өздерiне тапсырылған жұмыс аясы үшiн дербес жауап бередi.

2-тармақ  өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)

3. Тармақ алынып тасталды (ескертуді қараңыз)

3-тармақ өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды
3-тармақ алынып тасталды ҚР 15.06.2017 жылғы № 75-VI Конституциялық Заңымен (04.05.2008 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

4. Республика Конституциясының 57-бабының 6)-тармақшасында көзделген ретте Үкiмет мүшелерi Парламент Палаталарына есеп бередi.

III ТАРАУ. РЕСПУБЛИКА ҮКIМЕТIНIҢ МЕМЛЕКЕТТIК ОРГАНДАРМЕН ҚАРЫМ-ҚАТЫНАСЫ

1

12-бап. Республика Президентiмен қарым-қатынасы

12-бап өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)   
12-бап өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды
12-бап жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

1. Республика Үкiметi:

1) Президент тапсырмаларының орындалуы және өз қызметiнiң басқа да бағыттары туралы Президентке тұрақты түрде ақпарат беріп отырады;

2) Республика Президентi актiлерiнiң орындалуын ұйымдастырады және оларды министрлiктер мен жергiлiктi атқарушы органдардың орындауын бақылауды жүзеге асырады.

2. Тармақ алып тасталды (ескертуді қараңыз)

2-тармақ алынып тасталды ҚР 05.07.2024 жылғы № 109-VIII Заңына сәйкес (19.04.2023 ж. редакцияны қараңыз)(өзгерту 17.07.2024 жылдан бастап қолданысқа енгізіледі)

3. Тармақ алынып тасталды (ескертуді қараңыз)

3-тармақ алынып тасталды ҚР 19.04.2023 жылғы № 222-VII Конституциялық Заңына сәйкес (05.11.2022 ж. редакцияны қараңыз)(өзгерту 01.05.2023 жылдан бастап қолданысқа енгізіледі)

13-бап. Республика Парламентiмен қарым-қатынасы

1. Республика Үкiметiнiң заң шығару бастамашылығы құқығы болады, ол тек қана Парламент Мәжiлiсiнде жүзеге асырылады. Заң актiсiнiң жобасын енгiзу туралы шешiм Үкiметтiң тиiстi қаулысын шығару жолымен қабылданады.

2. Республика Үкiметi:

1) Республика заңдарының орындалуын қамтамасыз етедi, оларды министрлiктердiң және жергiлiктi атқарушы органдардың орындауын бақылайды;

1-тармақша  өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)     
1-тармақша өзгертілді ҚР 15.06.2017 жылғы № 75-VI Конституциялық Заңымен (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

2) Парламентке республикалық бюджеттi және оның атқарылуы туралы есептi табыс етедi;

3) мемлекеттiк кiрiстi қысқартуды немесе мемлекеттiк шығысты ұлғайтуды көздейтiн Республика заңдарының жобалары жөнiнде қорытындылар бередi;

4) Парламент депутаттарының сұрауларына жауап бередi.

14-бап. Министрліктермен қарым-қатынасы Республика Үкiметi:

14-бап өзгертілді ҚР 06.05.1999 жылғы № 379  Конституциялық заңымен (алғашқы ресми жарияланған күнінен бастап қолданысқа енгізіледі)
14-бап өзгертілді ҚР 24.11.2004 жылғы № 604  Конституциялық заңымен (06.05.1999 ж. редакцияны қараңыз)(өзгерту қолданысқа енгізіледі 01.01.2005 жылдан бастап)
14-бап өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды
14-бап жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

1) министрліктердің қызметiне басшылықты жүзеге асырады, олардың Республика заңдарын, Президентiнің және Үкiметiнің актiлерiн орындауын қамтамасыз етеді;

1

2) министрлердiң ұсынуы бойынша министрлiктер туралы ережелердi, олардың аумақтық органдарындағы және өздеріне ведомстволық бағынысты мемлекеттік мекемелердегі адам санын ескере отырып, солардың штат санының лимиттерiн бекiтедi;

3) министрліктер актiлерiнiң толық немесе бір бөлiгiнде күшiн жояды немесе қолданылуын тоқтата тұрады;

4) сыртқы істер, қорғаныс, ішкі істер министрлерінің орынбасарларын қоспағанда, министрлердің ұсынуы бойынша олардың орынбасарларын қызметке тағайындайды және қызметтен босатады;

5) өзіне Қазақстан Республикасының Конституциясымен, заңдарымен және Президентiнiң актiлерiмен жүктелген өзге де функцияларды орындайды.

15-бап. Бап алынып тасталды (ескертуді қараңыз)

15-бап өзгертілді ҚР 06.05.1999 жылғы № 379 Конституциялық заңымен (алғашқы ресми жарияланған күнінен бастап қолданысқа енгізіледі)
15-бап  өзгертілді ҚР 24.11.2004 жылғы № 604  Конституциялық заңымен (06.05.1999 ж. редакцияны қараңыз)(өзгерту қолданысқа енгізіледі 01.01.2005 жылдан бастап)
15-бап алынып тасталды ҚР 19.06.2007 жылғы № 267  Конституциялық заңымен (24.11.2004   ж. редакцияны қараңыз)  (алғашқы ресми жарияланған күнінен бастап қолданысқа енгізіледі)

16-бап. Жергiлiктi атқарушы органдармен қарым-қатынасы

1. Республика Үкiметi:

1) мемлекеттiк басқару мәселелерi жөнiндегi Республика атқарушы органдарының қызметiне басшылықты жүзеге асырады, олардың Республика заңдарын, Президентi мен Үкiметiнiң актiлерiн орындауын бақылайды;

2) жергiлiктi атқарушы органдар актiлерiнiң күшiн толығымен немесе бiр бөлiгiнде жояды не тоқтата тұрады, оларды жою не тоқтата тұру туралы Республика Президентiнiң қарауына ұсыныстар енгiзедi;

2. Тиiстi жергiлiктi атқарушы органдарды басқаратын әкiмшiлiк-аумақтық бөлiнiстердiң әкiмдерi Республика Президентi мен Үкiметiнiң өкiлдерi болып табылады және Республика Үкiметiне мемлекеттiк басқару мәселелерi жөнiнде ұсыныстар енгiзедi.

17-бап. Республика Үкiметiнiң республикалық бюджеттен қаржыландырылатын өзге де мемлекеттiк органдармен қарым-қатынасы

Республика Үкiметi заңдарда белгiленген тәртiппен өзге де, соның iшiнде республикалық бюджеттен қаржыландырылатын, арнаулы мемлекеттiк органдардың қызметiн қаржылық және материалдық-техникалық қамтамасыз ету мәселелерiн шешедi.

IV ТАРАУ. РЕСПУБЛИКА ҮКIМЕТIНIҢ ҚЫЗМЕТIН ҰЙЫМДАСТЫРУ

18-бап. Республика Үкiметiнiң отырыстары

1. Үкiметтiң отырыстары айына кемiнде бiр рет өткiзiлiп отырады.

2. Үкiметтiң отырыстарын Премьер-Министр не Республика Президентi шақырады.

3. Үкiметтiң отырыстарында Премьер-Министр төрағалық етедi, ол болмаған кезде мiндеттердiң бөлiнуiне сәйкес Премьер-Министрдiң мiндетiн атқаратын Премьер-Министрдiң орынбасары төрағалық етедi. Үкiмет ерекше маңызды мәселелердi қараған кезде қажеттігіне қарай оның отырыстарында Республика Президентi төрағалық етедi.

3-тармақ өзгертілді ҚР 15.06.2017 жылғы № 75-VI Конституциялық Заңымен (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

4. Үкiмет мүшелерiнiң кемiнде үштен екiсi Үкiмет отырысына қатысса, отырыс құқылы болып саналады. Үкiмет мүшелерi оның отырыстарына алмастыру құқығынсыз қатысады.

5. Үкiмет отырыстары ашық болады. Президенттiң не Премьер-Министрдiң бастамасымен Үкiметтiң жабық отырыстары өткiзiлуi мүмкiн.

2

6. Үкiмет отырыстарын әзiрлеу мен өткiзу тәртiбi Үкiмет Регламентiмен белгiленедi.

2

19-бап. Республика Премьер-Министрi

1. Республика Премьер-Министрі:

1-тармақ өзгертілді ҚР 06.05.1999 жылғы № 379 Конституциялық заңымен (24.02.1997 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс)
1-тармақ өзгертілді ҚР 24.11.2004 жылғы № 604 Конституциялық заңымен (06.05.1999  ж. редакцияны қараңыз) (өзгерту қолданысқа енгізіледі 01.01.2005 жылдан бастап)               
1-тармақ өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды  
1-тармақ өзгертілді ҚР 29.09.2014 жылғы № 238-V Заңымен (19.06.2007 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 02.10.2014 жылы „Егемен Қазақстан„ Республикалық газетінде жарияланды

1) Үкіметтің жұмысын ұйымдастырады және Үкімет мүшелерінің арасында функционалдық міндеттерді бөледі;

2) Республика Президентімен, Парламентпен, Конституциялық Сотпен, Жоғарғы Сотпен, Бас прокуратурамен және басқа да мемлекеттік органдармен қарым-қатынастарда Үкімет атынан өкілдік етеді немесе Үкімет атынан өкілдік етуді тапсырады;

2-тармақша өзгертілді ҚР 05.11.2022 жылғы № 156-VII ҚРЗ Заңымен (30.12.2020 ж. редакцияны қараңыз) (өзгерту 01.01.2023 жылдан бастап қолданысқа енгізіледі)

3) халықаралық қатынастарда Үкімет атынан өкілдік етеді немесе Үкімет атынан өкілдік етуді тапсырады және үкіметаралық шарттар мен келісімдерге қол қояды;

4) Республика Президентіне: Үкіметтің құрылымы мен құрамы туралы; сыртқы істер, қорғаныс, ішкі істер министрлерін қоспағанда, Парламент Мәжілісімен консультациялардан кейін Үкімет мүшелерін қызметке тағайындау үшін кандидатуралар жөнінде; сыртқы істер, қорғаныс, ішкі істер министрлерін қоспағанда, Үкімет мүшесін, оның ішінде Үкіметтің жүргізіп отырған саясатымен келіспейтін немесе оны жүргізбейтін Үкімет мүшесін қызметтен босату туралы ұсынулар енгізеді;

4-тармақша жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

5) Республика Президентімен мемлекеттік бюджет есебінен қамтылатын барлық органдар үшін қаржыландырудың және қызметкерлердің еңбегіне ақы төлеудің бірыңғай жүйесін келіседі;

5-тармақша жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

6) Үкімет қызметінің негізгі бағыттары жөнінде және оның аса маңызды барлық шешімдері жөнінде Президентке және Парламентке баяндап отырады;

6-тармақша жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

7) Үкімет мүшелерінің және жергілікті атқарушы органдар басшыларының есептерін тыңдайды;

7-тармақша жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

23

8) Үкімет жанындағы консультациялық-кеңесші органдарды құрады және таратады;

3

9) Үкіметтің қызметін ұйымдастыруға және оған басшылық жасауға байланысты басқа да функцияларды орындайды.

2. Премьер-Министр болмаған жағдайда оның мiндеттерiн Премьер-Министр белгiлеген тәртiппен Премьер-Министрдiң орынбасарларының бiрi атқарады.

20-бап. Премьер-Министрдiң орынбасарлары және Республика Үкiметiнiң өзге де мүшелерi

20-бап  өзгертілді ҚР 06.05.1999 жылғы № 379  Конституциялық заңымен (алғашқы ресми жарияланған күнінен бастап қолданысқа енгізіледі)

1. Премьер-Министрдiң орынбасарлары өз қызметiн Республиканың Премьер-Министрi белгiлейтiн мiндеттердiң бөлiнуiне сәйкес жүзеге асырады.

2. Үкімет мүшелері:

2-тармақ өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды

1) тиісті мемлекеттік органдарға басшылықты жүзеге асырады;

2) өздеріне қатысты басшылықты жүзеге асыратын мемлекеттік органдардың тиісті салаларда мемлекеттік саясатты қалыптастыруын қамтамасыз етеді;

2-тармақша жаңа редакцияда жазылды ҚР 05.07.2024 жылғы № 109-VIII Заңына сәйкес (19.04.2023 ж. редакцияны қараңыз)(өзгерту 17.07.2024 жылдан бастап қолданысқа енгізіледі)

3) заңнамада көзделген шекте салааралық үйлестіруді қамтамасыз етеді;

4) өз құзыреті шегінде шешімдер қабылдауда дербес болады;

5) Республика Премьер-Министрінің алдында өздеріне бағынышты мемлекеттік органдардың жұмысы үшін дербес жауап береді;

6) тиісті мемлекеттік органдардың қарауындағы мемлекеттік басқару саласындағы (аясындағы) істің жайына және заңдардың, Қазақстан Республикасының Президенті мен Үкіметі актілерінің орындалуын қамтамасыз ету үшін жауапты.

3. Министрліктердің басшылары болып табылмайтын Үкімет мүшелері өз қызметін Қазақстан Республикасының Үкіметі бекітетін олар туралы ережелерге сәйкес жүзеге асырады.

3-тармақ жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

21-бап. Бап алынып тасталды (ескертуді қараңыз)

21-бап алынып тасталды ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)

21-1-бап. Алынып тасталды (ескертуді қараңыз)

Конституциялық заң 21-1-баппен толықтырылды  ҚР 19.06.2007 жылғы № 267 Конституциялық заңына сәйкес(алғашқы ресми жарияланған күнінен бастап қолданысқа енгізіледі)
21-1-бап жаңа редакцияда жазылды ҚР 15.06.2017 жылғы № 75-VI Конституциялық Заңына сәйкес (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды
21-1-бап алынып тасталды ҚР 30.12.2020 жылғы № 392-VI Заңына сәйкес (03.07.2017 ж. редакцияны қараңыз)(өзгерту 11.01.2021 жылдан бастап қолданысқа енгізіледі)

1

22-бап. Республика министрлiгi

22-бап  өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)

1. Министрлік Республиканың тиісті мемлекеттік басқару саласына (аясына) – басшылықты, сондай-ақ заңнамада көзделген шектерде салааралық үйлестіруді жүзеге асыратын орталық атқарушы органы болып табылады.

1-тармақ өзгертілді ҚР 29.09.2014 жылғы № 238-V Заңымен (19.06.2007 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 02.10.2014 жылы „Егемен Қазақстан„ Республикалық газетінде жарияланды
1-тармақ өзгертілді ҚР 19.04.2023 жылғы № 222-VII Конституциялық Заңымен (05.11.2022 ж. редакцияны қараңыз)(өзгерту 01.05.2023 жылдан бастап қолданысқа енгізіледі)
1-тармақ өзгертілді ҚР 05.07.2024 жылғы № 109-VIII Заңымен (19.04.2023 ж. редакцияны қараңыз)(өзгерту 17.07.2024 жылдан бастап қолданысқа енгізіледі)

Министрлік өз құзыреті шегінде стратегиялық, реттеу, іске асыру және бақылау-қадағалау функцияларын жүзеге асырады.

Министрлік Қазақстан Республикасының Президенті айқындаған мемлекеттің ішкі және сыртқы саясатының негізгі бағыттары және Қазақстан Республикасының Үкіметі әзірлеген мемлекеттің әлеуметтік-экономикалық саясатының, оның қорғаныс қабілетінің, қауіпсіздігінің, қоғамдық тәртіпті қамтамасыз етудің негізгі бағыттары негізінде және оларды орындау үшін Қазақстан Республикасының қолданыстағы заңнамасына сәйкес тиісті салаларда мемлекеттік саясатты қалыптастырады.

1

2. Министрлiктi Республика Премьер-Министрiнiң ұсынысы бойынша Республика Президентi құрады, қайта ұйымдастырады және таратады.

2-тармақ өзгертілді ҚР 06.05.1999 жылғы   №  379  Конституциялық заңымен  (18.12.1995 ж. редакцияны қараңыз) (алғашқы ресми жарияланған күнінен бастап қолданысқа енгізіледі)

2

2-1. Министрлiк Республика Yкiметiнiң құзыретiне жатқызылмаған мәселелер бойынша өз құзыретi шегiнде шешiмдердi өз бетiнше қабылдауға өкiлеттi.

22-бап 2-1-тармақпен толықтырылды  ҚР 06.05.1999 жылғы № 379  Конституциялық заңына сәйкес(алғашқы ресми жарияланған күнінен бастап қолданысқа енгізіледі)

10

2-2. Ведомстволар, департаменттер және басқармалар министрліктің құрылымдық бөлімшелері болып табылады.

22-бап 2-2-тармақпен толықтырылды  ҚР 06.05.1999 жылғы № 379 Конституциялық заңына сәйкес(алғашқы ресми жарияланған күнінен бастап қолданысқа енгізіледі)
2-2-тармақ өзгертілді ҚР 19.06.2007 жылғы   № 267  Конституциялық заңымен(24.11.2004 ж. редакцияны қараңыз)(алғашқы ресми жарияланған күнінен бастап қолданысқа енгізіледі)
2-2-тармақ жаңа редакцияда жазылды ҚР 30.12.2020 жылғы № 392-VI Заңына сәйкес (03.07.2017 ж. редакцияны қараңыз)(өзгерту 11.01.2021 жылдан бастап қолданысқа енгізіледі)
2-2-тармақ жаңа редакцияда жазылды ҚР 05.11.2022 жылғы № 156-VII ҚРЗ Заңына сәйкес (30.12.2020 ж. редакцияны қараңыз) (өзгерту 01.01.2023 жылдан бастап қолданысқа енгізіледі)

Үкімет құрамына кіретін құқық қорғау органдары үшін, мемлекеттік қызметтің ерекше түрі ескеріле отырып, қызметтер құруға жол беріледі.

Министрліктің құрылымын және оның құрылымдық бөлімшелері туралы ережелерді министр бекітеді.

1

Министрлік қызметтерінің, департаменттері мен басқармаларының жиынтығы оның аппараты болып табылады.

1

3. Министрлiктiң алқасы министрдiң жанындағы консультативтiк-кеңесшi орган болып табылады. Алқаның сандық және адам құрамын министрлiктiң, мемлекеттiк комитеттiң құрылымдық бөлiмшелерi басшыларының қатарынан министр бекiтедi.

3-тармақ өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)

1

4. Министрлiк, қабылдаған шешiмдер министрдiң бұйрықтарымен ресiмделедi.

4-тармақ  өзгертілді ҚР 06.05.1999 жылғы № 379  Конституциялық заңымен (алғашқы ресми жарияланған күнінен бастап қолданысқа енгізіледі)

23-бап. Бап алынып тасталды (ескертуді қараңыз)

23-бап өзгертілді ҚР 06.05.1999 жылғы № 379 Конституциялық заңымен (24.02.1997 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс)
23-бап өзгертілді ҚР 19.06.2007 жылғы № 267 Конституциялық заңымен (24.11.2004 ж. редакцияны қараңыз) (алғашқы ресми жарияланған күнінен бастап қолданысқа енгізіледі) 20.06.2007 жылы „Егемен Қазақстан„ Республикалық газетінде жарияланды     
23-бап өзгертілді ҚР 29.09.2014 жылғы № 238-V Заңымен (19.06.2007 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 02.10.2014 жылы „Егемен Қазақстан„ Республикалық газетінде жарияланды
23-бап алынып тасталды ҚР 15.06.2017 жылғы № 75-VI Конституциялық Заңымен (29.09.2014 ж. редакцияны қараңыз) (алғашқы ресми жарияланған күннен бастап қолданысқа енгізілуі тиіс) 14.07.2017 жылы № 133 (29114) „Егемен Қазақстан„ Республикалық газетінде жарияланды

9

24-бап. Орталық атқарушы органның ведомствосы

24-бап  өзгертілді ҚР 06.05.1999 жылғы № 379  Конституциялық заңымен(алғашқы ресми жарияланған күнінен бастап қолданысқа енгізіледі)     
24-бап  өзгертілді ҚР 19.06.2007 жылғы №  267 Конституциялық заңымен (24.11.2004   ж. редакцияны қараңыз)  (алғашқы ресми жарияланған күнінен бастап қолданысқа енгізіледі)

1. Республиканың орталық атқарушы органының комитеті ведомство болып табылады.

Ведомствоның аумақтық бөлімшелері болуы мүмкін.

5

2. Ведомствоны тиісті орталық атқарушы орган басшысының ұсынуымен Республика Үкіметі құрады, қайта ұйымдастырады және таратады.

3. Ведомство басшысын тиісті орталық атқарушы органның басшысы қызметке тағайындайды және қызметтен босатады.

4. Ведомство Республиканың орталық атқарушы органының құзыреті шегінде реттеу, іске асыру және бақылау-қадағалау функцияларын жүзеге асыра алады, сондай-ақ орталық атқарушы органның стратегиялық функцияларын орындауға ведомствоның құзыреті шегінде қатыса алады.

4-тармақ өзгертілді ҚР 29.09.2014 жылғы № 238-V Заңымен (19.06.2007 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 02.10.2014 жылы „Егемен Қазақстан„ Республикалық газетінде жарияланды

5. Ведомство шығаратын актінің нысаны ведомство басшысының бұйрығы болып табылады.

Ведомствоның актілерін толығымен не бір бөлігінде күшін жоюды не тоқтата тұруды құрылымына ведомство кіретін орталық атқарушы органның басшысы жүзеге асырады.

3

6. Ведомство құрылымын тиісті орталық атқарушы органның басшысы бекітеді. Ведомствоның құзыретін және өзге мемлекеттік органдармен өзара іс-қимыл жасау тәртібін құрылымына осы ведомство кіретін орталық атқарушы органның басшысы айқындайды.

6-тармақ жаңа редакцияда жазылды ҚР 30.12.2020 жылғы № 392-VI Заңына сәйкес (03.07.2017 ж. редакцияны қараңыз)(өзгерту 11.01.2021 жылдан бастап қолданысқа енгізіледі)

25-бап. Республика Премьер-Министрi мен Үкiметiнiң қызметiн ақпараттық-талдау және ұйымдық-құқықтық жағынан қамтамасыз ету

25-бап өзгертілді ҚР 06.05.1999 жылғы № 379  Конституциялық заңымен (алғашқы ресми жарияланған күнінен бастап қолданысқа енгізіледі)

1. Республика Премьер-Министрi мен Yкiметiнiң қызметiн ақпараттық-талдамалық және ұйымдық-құқықтық жағынан қамтамасыз етудi Республика Үкіметі Аппараты жүзеге асырады.

1-тармақ жаңа редакцияда жазылды ҚР 19.04.2023 жылғы № 222-VII Конституциялық Заңына сәйкес (05.11.2022 ж. редакцияны қараңыз)(өзгерту 01.05.2023 жылдан бастап қолданысқа енгізіледі)

2. Республика Үкіметі Аппаратын құру, қайта ұйымдастыру және тарату тәртібі, Республика Үкіметі Аппараты басшысының және оның өзге де мемлекеттік қызметшілерінің құқықтық жағдайы, оларды лауазымдарға тағайындау мен лауазымдарынан босатудың тәртібі Қазақстан Республикасының заңнамасында айқындалады.

2-тармақ жаңа редакцияда жазылды ҚР 19.04.2023 жылғы № 222-VII Конституциялық Заңына сәйкес (05.11.2022 ж. редакцияны қараңыз)(өзгерту 01.05.2023 жылдан бастап қолданысқа енгізіледі)

1

26-бап. Республика Үкiметi жанындағы консультативтiк-кеңесшi органдар

1. Республика Үкiметi жанындағы комиссиялар, кеңестер мен консультативтiк-кеңесшi органдар үкiмет құзыретiне жататын мәселелер бойынша ұсыныстарды талдап жасау үшiн құрылады.

2. Консультативтiк-кеңесшi органдарды Премьер-Министр, оның орынбасарлары, Үкiмет мүшелерi басқарады.

3. Үкiмет жанындағы консультативтiк-кеңесшi органдардың шешiмдерi ұсынымдық сипатта болады.

27-бап. Осы Конституциялық заңның күшiне енгiзiлу тәртiбi

27-бап өзгертілді ҚР 06.05.1999 жылғы № 379  Конституциялық заңымен (алғашқы ресми жарияланған күнінен бастап қолданысқа енгізіледі)

Осы Конституциялық заң жарияланған күнiнен бастап күшiне енедi.

Қазақстан Республикасының Президентi

Дата

Номер

Номер в Мин. Юст.

Заголовок (текст)

Заголовок или текст

Где искать

Близость слов

Окончание

Тип документа

Найти тип документа

Орган

Найти орган

Фильтры

Показывать акты, вносящие изменения

Показывать акты, утратившие силу

Языки

Сортировать по

Автор

Найти автора

Правообладатель

Найти правообладателя

Судебная практика

Заголовок или текст

Где искать

Близость слов

Окончание

Тип

Номер

Ответчик

Истец

Судья

Дата

Қазақстан Республикасының Үкіметі туралы Қазақстан Республикасының 1995 жылғы 18 желтоқсандағы N 2688 Конституциялық заңы

Эта возможность доступна только для зарегистрированных пользователей. Пожалуйста, войдите или зарегистрируйтесь.
Запомнить меня	РЕГИСТРАЦИЯ

Дата

Номер

Номер в Мин. Юст.

Заголовок (текст)

Заголовок или текст

Где искать

Близость слов

Окончание

Тип документа

Найти тип документа

Орган

Найти орган

Фильтры

Показывать акты, вносящие изменения

Показывать акты, утратившие силу

Языки

Сортировать по

Автор

Найти автора

Правообладатель

Найти правообладателя

Судебная практика

Заголовок или текст

Где искать

Близость слов

Окончание

Тип

Номер

Ответчик

Истец

Судья

Дата

Қазақстан Республикасының Үкіметі туралы Қазақстан Республикасының 1995 жылғы 18 желтоқсандағы N 2688 Конституциялық заңы

Эта возможность доступна только для зарегистрированных пользователей. Пожалуйста, войдите или зарегистрируйтесь.

Сообщить об ошибке