Қазақстан Республикасы Қоршаған ортаны қорғау министрінің және Қазақстан Республикасы Энергетика министрінің кейбір бұйрықтарына өзгерістер енгізу туралы Қазақстан Республикасы Энергетика министрінің 2016 жылғы 2 маусымдағы № 233 бұйрығы. Қазақстан Республикасының Әділет министрлігінде 2016 жылы 5 шілдеде № 13878 болып тіркелді

«Құқықтық актілер туралы» Қазақстан Республикасының 2016 жылғы 6 сәуірдегі Заңының 27-бабына және 50-бабының 2-тармағына сәйкес БҰЙЫРАМЫН:

1. Қазақстан Республикасы Қоршаған ортаны қорғау министрінің және Қазақстан Республикасы Энергетика министрінің кейбір бұйрықтарына мынадай өзгерістер енгізілсін: 

1) «Қондырғы паспортының нысанын бекіту туралы» Қазақстан Республикасы Қоршаған ортаны қорғау министрінің 2013 жылғы 15 мамырдағы № 122-ө бұйрығына (Нормативтік құқықтық актілерді мемлекеттік тіркеу тізілімінде № 8496 болып тіркелген, «Егемен Қазақстан» газетінің 2013 жылғы 23 қазандағы № 237 (28176) санында жарияланған): 

көрсетілген бұйрықпен бекітілген Қондырғы паспортының нысаны осы бұйрыққа 1-қосымшаға сәйкес жаңа редакцияда жазылсын.

2) «Парниктік газдарды түгендеу туралы есептің нысандарын бекіту туралы» Қазақстан Республикасы Энергетика министрінің міндетін атқарушының 2015 жылғы 28 шілдедегі № 502 бұйрығына (Нормативтік құқықтық актілерді мемлекеттік тіркеу тізілімінде № 11818 болып тіркелген, «Әділет» ақпараттық-құқықтық жүйесінде 2015 жылғы 6 тамызда жарияланған): 

көрсетілген бұйрықпен бекітілген Парниктік газдар шығарындыларына квота бөлу субъектілері үшін парниктік газдарды түгендеу туралы есеп нысаны осы бұйрыққа 2-қосымшаға сәйкес жаңа редакцияда жазылсын;

көрсетілген бұйрықпен бекітілген Әкімшілік субъектілері үшін парниктік газдарды түгендеу туралы есеп нысаны осы бұйрыққа 3-қосымшаға сәйкес жаңа редакцияда жазылсын.

2. Қазақстан Республикасы Энергетика министрлігінің Климаттың өзгеруі жөніндегі департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді; 

2) осы бұйрық Қазақстан Республикасының Әділет министрлігінде мемлекеттік тіркелгеннен кейін оның көшірмелерін күнтізбелік он күн ішінде мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап бес жұмыс күні ішінде Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберуді; 

3) осы бұйрықты Қазақстан Республикасы Энергетика министрлігінің ресми интернет-ресурсында және мемлекеттік органдардың интранет - порталында орналастыруды; 

4) осы бұйрықты Қазақстан Республикасының Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 2) және 3) тармақшаларымен көзделген іс-шаралардың орындалуы туралы мәліметтерді беруді қамтамасыз етсін. 

3. Осы бұйрықтың орындалуын бақылау жетекшілік ететін Қазақстан Республикасының Энергетика вице-министріне жүктелсін. 

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Энергетика министрі Қ. Бозымбаев

«КЕЛІСІЛДІ» 
Қазақстан Республикасы 
Ұлттық экономика министрлігі 
Статистика комитетінің төрағасы 
_________________ Н. Айдапкелов 
2016 жылғы 6 маусым

Индексі: № 1 нысан

Кезеңділігі: тиісті кезеңге бекітілген Парниктік газдар

шығарындыларына квоталар бөлудің ұлттық жоспары қолданылатын алғашқы

жыл.

Ұсынатын тұлғалар тобы: Қазақстан Республикасы Экологиялық

кодексінің 94-2-бабына сәйкес парниктік газдар шығарындыларын

квоталау жөніндегі талаптарына түсетін қондырғылар операторлары.

Қайда ұсынылады: Қазақстан Республикасы қоршаған ортаны қорғау

саласындағы уәкілетті орган.

Тапсыру мерзімі: тиісті кезеңге бекітілген Парниктік газдар

шығарындыларына квоталар бөлудің ұлттық жоспары қолданылатын алғашқы

жылдың бірінші сәуіріне дейін.

1. Қондырғы паспортының тіркеу нөмірі (уәкілетті органмен

 толтырылады) ________________________________________________________

       2. Қондырғы паспортын толтыру күні ____________________________

       3. Қондырғы операторының толық атауы __________________________

       4. Қондырғы операторының заңды мекенжайы ______________________

       5. Телефон ____________________________________________________

       6. Факс _______________________________________________________

       7. Электрондық пошта мекенжайы ________________________________

8. Қондырғы операторының бизнес-сәйкестендіру нөмірі (бұдан әрі

 - БСН) немесе жеке сәйкестендіру нөмірі _____________________________

9. Экономикалық қызмет түрлерінің жалпы сыныптауышы бойынша

 қондырғы операторының негізгі қызмет түрі ___________________________

10. Тегі, аты, әкесінің аты қондырғы операторы басшысы - болған

 жағдайда (бұдан әрі - Т.А.Ә.) _______________________________________

       11. Қондырғы паспортын даярлауға жауапты адамның Т.А.Ә. _______

       12. Жауапты адамның байланыс деректері ________________________

       13. Қондырғы бойынша деректер: ________________________________