Табиғи монополиялар субъектiлерiнiң реттелiп көрсетiлетiн қызметтерiнiң (тауарларының, жұмыстарының) тiзбесiн бекiту туралы Қазақстан Республикасы Үкіметінің 2006 жылғы 14 наурыздағы N 155 Қаулысы

"Табиғи монополиялар және реттелетін нарықтар туралы" Қазақстан Республикасының 1998 жылғы 9 шiлдедегi Заңының 4-бабының 2-тармағына сәйкес Қазақстан Республикасының Yкiметi ҚАУЛЫ ЕТЕДІ:

Кіріспе өзгертілді ҚР Үкіметінің 03.03.2009 жылғы № 237 Қаулысымен (26.12.2008 ж. редакцияны қараңыз) (алғашқы ресми жарияланғаннан күннен бастап қолданысқа енгізілуі тиіс) 22.04.2009 жылы „Егемен Қазақстан„ Республикалық газетінде жарияланды

1. Қоса берiлiп отырған Табиғи монополиялар субъектiлерiнiң реттелiп көрсетiлетiн қызметтерiнiң (тауарларының, жұмыстарының) тiзбесi бекiтiлсiн.

2. Мыналардың күшi жойылды деп танылсын:

1) "Мемлекет реттейтiн баға қолданылатын әуежайлар қызметтерiнiң номенклатурасын бекiту туралы" Қазақстан Республикасы Үкiметiнiң 2003 жылғы 30 желтоқсандағы N 1348 қаулысы (Қазақстан Республикасының ПҮКЖ-ы, 2003 ж., N 49, 562-құжат);

2) "Мемлекет реттейтiн бағалар қолданылатын телекоммуникациялар қызметтерiнiң және телекоммуникациялар қызметтерiн ұсынумен технологиялық байланысты қызметтердiң номенклатурасын бекiту туралы" Қазақстан Республикасы Үкiметiнiң 2004 жылғы 15 қазандағы N 1064 қаулысы (Қазақстан Республикасының ПҮКЖ-ы, 2004 ж., N 38, 503-құжат);

3) "Қазақстан Республикасы Үкiметiнiң 2003 жылғы 28 қарашадағы N 1194 және 2003 жылғы 30 желтоқсандағы N 1348 қаулыларына өзгерiстер мен толықтырулар енгiзу туралы" Қазақстан Республикасы Үкiметiнiң 2005 жылғы 26 қаңтардағы N 63 қаулысының 1-тармағының 2) тармақшасы (Қазақстан Республикасының ПҮКЖ-ы, 2005 ж., N 4, 34-құжат).

3. Осы қаулы қол қойылған күнiнен бастап қолданысқа енгiзiледi және жариялануға тиiс.

Қазақстан Республикасы Премьер-Министрінің міндетін атқарушы

1. Мұнай және (немесе) мұнай өнiмдерiн магистральдық құбыр жолдары арқылы тасымалдау саласында: 

мұнайды магистральдық құбыр жолдары арқылы тасымалдау жөнiндегi қызмет: 

1) бiрыңғай бағыттау бойынша операторлық қызмет; 

2) мұнайды магистральдық құбыр жолының жүйесi арқылы қайта айдау; 

3) мұнайды темiр жол цистерналарынан құйып алу; 

4) мұнайды темiр жол цистерналарына құю; 

5) мұнайды танкерлерге құю; 

6) мұнайды автоцистерналардан құйып алу; 

7) мұнайды автоцистерналарға құю; 

8) мұнайды сақтау; 

9) мұнайды ауыстырып құю; 

10) мұнайды араластыру.

2. Тауарлық газды сақтау, жалғастырушы, магистральдық газ  құбыржолдары және (немесе) газ таратушы жүйелерi арқылы тасымалдау,  топтық резервуарлық қондырғыларды пайдалану, сондай-ақ шикi газды  жалғастырушы газ құбыржолдары арқылы тасымалдау саласында:

2-тармақ өзгертілді ҚР Үкіметінің 06.03.2013 жылғы № 218 Қаулысымен (26.02.2013 ж. редакцияны қараңыз) (алғашқы ресми жарияланғаннан күннен бастап қолданысқа енгізілуі тиіс)

1) тауарлық газды жалғастырушы газ құбыржолдары арқылы тасымалдау;

2) тауарлық газды магистральдық газ құбыржолдары арқылы тасымалдау;

3) тауарлық газды Қазақстан Республикасының тұтынушылары үшiн газ таратушы жүйелерi арқылы тасымалдау;

4) сұйытылған газды топтық резервуарлық қондырғыдан тұтынушыны қосатын кранға дейін газ құбыржолдары арқылы тасымалдау;

5) тауарлық газды сақтау;

6) шикi газды жалғастырушы газ құбыржолдары арқылы тасымалдау.

3. Электр энергиясын беру және (немесе) бөлу саласында: 

электр энергиясын беру және (немесе) бөлу.

4. Жылу энергиясын өндiру, беру, бөлу және (немесе) онымен жабдықтау саласында: 

жылу энергиясын өндiру; 

жылу энергиясын беру және бөлу; 

жылу энергиясымен жабдықтау; 

жылу энергиясын өндiру, беру және бөлу; 

жылу энергиясын өндiру, беру, бөлу және (немесе) онымен жабдықтау.

5. Электр энергиясын желiге босатуды және тұтынуды техникалық диспетчерлендiру саласында: 

электр энергиясын желiге босатуды және тұтынуды техникалық диспетчерлендiру.

5-1. Электр энергиясын өндіру-тұтыну теңгерімін ұйымдастыру саласында:

Тізбе 5-1-тармақпен толықтырылды ҚР Үкіметінің 03.03.2009 жылғы № 237 Қаулысына сәйкес (алғашқы ресми жарияланғаннан күннен бастап қолданысқа енгізілуі тиіс) 22.04.2009 жылы „Егемен Қазақстан„ Республикалық газетінде жарияланды

электр энергиясын өндіру-тұтыну теңгерімін ұйымдастыру.

6. Магистральдық темiр жол желiлерi саласында: 

магистральдық темiр жол желiсiн пайдалануға беру; 

жылжымалы құрамды магистральдық темiр жол желiсi арқылы өткiзудi ұйымдастыру; 

магистральдық темiр жол желiсiн пайдалануға беру және ол арқылы жылжымалы құрамды өткiзудi ұйымдастыру.

6-1. Концессия шарттары бойынша темір жол көлігі объектілері бар темір жолдар қызметін көрсету саласында:

Тізбе 6-1-тармақпен толықтырылды ҚР Үкіметінің 26.12.2008 жылғы № 1281 Қаулыcына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 07.02.2009 жылы „Ресми газет„ газетінде жарияланды
6-1-тармақ өзгертілді ҚР Үкіметінің 05.08.2014 жылғы № 869 Қаулысымен (11.11.2013 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 04.09.2014 жылғы „Егемен Қазақстан„ Республикалық газетінде жарияланды

бәсекелес темір жол болмаған жағдайда, концессия шарттары бойынша теміржол көлігі объектілері бар темір жолдарды пайдалануға беру.

7. Кiрме жолдар саласында: 

бәсекелес кірме жолы болмаған жағдайда, жылжымалы құрамның өтуi үшiн кiрме жолды беру; 

бәсекелес кірме жолы болмаған жағдайда маневр жұмыстары, тиеу-түсiру, тасымалдау процесiнiң басқа да технологиялық операциялары үшiн, сондай-ақ тасымалдау процесiнiң технологиялық операцияларында көзделмеген жылжымалы құрамның тұрағы үшiн кiрме жолды беру.

8. Аэронавигация саласында:

8-тармақ өзгертілді ҚР Үкіметінің 18.02.2011 жылғы № 153 Қаулыcымен (03.03.2009 ж. редакцияны қараңыз) (алғашқы ресми жарияланғаннан күннен бастап қолданысқа енгізілуі тиіс)

1) халықаралық ұшуды жүзеге асыратын әуе кемелеріне аэронавигациялық қызмет көрсетуді қоспағанда, Қазақстан Республикасының әуе кеңестігіндегі әуе кемелеріне аэронавигациялық қызмет көрсету;

2) халықаралық ұшуды жүзеге асыратын әуе кемелеріне аэронавигациялық қызмет көрсетуді қоспағанда, әуеайлақ маңындағы әуе кемелеріне аэронавигациялық қызмет көрсету.

9. Порттар, әуежайлар саласында:

9-тармақ өзгертілді ҚР Үкіметінің 18.02.2011 жылғы № 153 Қаулыcымен (03.03.2009 ж. редакцияны қараңыз) (алғашқы ресми жарияланғаннан күннен бастап қолданысқа енгізілуі тиіс)

1) теңіз портының қызметтері: 

теңіз портының күштерімен және құралдарымен орындалатын тиеу-түсіру жұмыстары; 

кейіннен порттан шығып жүк операцияларын жүргізу және/немесе өзге мақсаттар үшін кеменің теңіз портына кіргені үшін (кеменің кіруі) қызметтер; 

2) әуежайлардың қызметтері:

Қазақстан Республикасының әуежайларында коммерциялық емес мақсаттарда техникалық қонуды жүзеге асыра отырып, Қазақстан Республикасының әуе кеңестігі арқылы транзиттік ұшып өтуді жүзеге асыратын авиатасымалдарға қызмет көрсетуді қоспағанда, әуе кемесінің ұшуы мен қонуын қамтамасыз ету;

Қазақстан Республикасының әуежайларында коммерциялық емес мақсаттарда техникалық қонуды жүзеге асыра отырып, Қазақстан Республикасының әуе кеңестігі арқылы транзиттік ұшып өтуді жүзеге асыратын авиатасымалдарға қызмет көрсетуді қоспағанда, авиациялық қауіпсіздікті қамтамасыз ету;

Қазақстан Республикасының әуежайларында коммерциялық емес мақсаттарда техникалық қонуды жүзеге асыра отырып, Қазақстан Республикасының әуе кеңестігі арқылы транзиттік ұшып өтуді жүзеге асыратын авиатасымалдарға қызмет көрсетуді қоспағанда, қонатын әуежайда өңдеуге (тиеуге және/немесе түсіруге) жататын жүктер (почталар) болған жағдайда, жолаушылар тасымалдайтын әуе кемесіне қонғаннан кейін үш сағаттан және жүк тасымалдайтын және жүк-жолаушылар тасымалдайтын әуе кемелерінің сертификатталған үлгілері үшін алты сағаттан астам тұрақ орнын беру;

әуе кемесіне базалық әуеайлақта тұрақ орнын беру;

жолаушыларды тіркеуге арналған жұмыс орнын (алаңын) беру.

10. Қызметтің осы түрлерін ұсынудың технологиялық мүмкін болмауы не экономикалық орынсыздығы себебінен бәсекелес байланыс операторы болмауы шартымен телекоммуникациялар саласында:

10-тармақ өзгертілді ҚР Үкіметінің 26.08.2011 жылғы № 966 Қаулысымен (18.02.2011 ж. редакцияны қараңыз) (алғашқы ресми жарияланғаннан күннен бастап қолданысқа енгізілуі тиіс) 
10-тармақ өзгертілді ҚР Үкіметінің 26.02.2013 жылғы № 182 Қаулысымен (26.08.2011 ж. редакцияны қараңыз) (алғашқы ресми жарияланғаннан күннен бастап қолданысқа енгізілуі тиіс)

1) жалпы пайдаланудағы телекоммуникациялар желiсiне IP-телефония (Интернет-телефония) операторларының жабдықтарын (қолжетімділік тораптарын) қалааралық деңгейде қосу;

1-тармақша өзгертілді ҚР Үкіметінің 11.11.2013 жылғы № 1201 Қаулысымен (05.08.2013 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс)

жергілікті деңгейде байланыс операторларының телекоммуникациялар желілерін;

IP-телефония (Интернет-телефония) операторларының жабдықтарын (қолжетімділік тораптарын) қалааралық деңгейде қосу;

2) қосылатын байланыс операторларымен телефон трафигін қосылатын IP-телефония (Интернет-телефония) операторларының жабдықтарынан (-на) (қолжетімділік тораптарынан) (-на) өткізу.

11. Телекоммуникация желiлерiн жалпы пайдаланудағы телекоммуникация желiсiне қосуға технологиялық жағынан байланысты кәбiлдiк кәрiздер мен өзге де негiзгi құралдарды мүлiктiк жалдауға (жалға) немесе пайдалануға беру жөнiндегi салада:

11-тармақ өзгертілді ҚР Үкіметінің 03.03.2009 жылғы № 237 Қаулысымен (26.12.2008 ж. редакцияны қараңыз) (алғашқы ресми жарияланғаннан күннен бастап қолданысқа енгізілуі тиіс) 22.04.2009 жылы „Егемен Қазақстан„ Республикалық газетінде жарияланды

телефон кәрізін пайдалануға беру.

12. Сумен жабдықтау және (немесе) су бұру саласында:

сумен жабдықтау қызметтерi:

1) суды магистральдық құбыржолдары арқылы беру;

2) суды таратушы желiлер арқылы беру;

3) суды арналар арқылы беру;

4) гидротехникалық сүйеу құрылыстарының көмегiмен жер үстіндегі ағынды суды реттеу;

12-тармақ 4-тармақшамен толықтырылды ҚР Үкіметінің 05.08.2014 жылғы № 869 Қаулысына сәйкес (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 04.09.2014 жылғы „Егемен Қазақстан„ Республикалық газетінде жарияланды

су бұру қызметтерi:

1) сарқынды суларды бұру;

2) сарқынды суларды тазарту.

13. Почта байланысы қызметтерi саласында: 

почта байланысының жалпыға қол жетiмдi қызметтерi: 

1) жай хаттарды жiберу; 

2) жай почта карточкаларын жіберу; 

3) жай бандерольдердi жiберу.