«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 7-бабы 1-тармағының 122) тармақшасына сәйкес БҰЙЫРАМЫН:

1. «Дәрілік заттарды, медициналық мақсаттағы бұйымдарды мемлекеттік тіркеу және олардың қауіпсіздігі мен сапасын бағалау кезінде сараптаманы жүзеге асыру үшін тауарлар мен көрсетілетін қызметтерді сатып алу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 26 маусымдағы № 525 бұйрығына (нормативтік құқықтық актілерді мемлекеттік тіркеу тізілімі нде № 11783 болып тіркелген, «Әділет» ақпараттық-құқықтық жүйесінде 2015 жылғы 25 тамызда жарияланған) өзгерістер мен толықтырулар енгізілсін.

көрсетілген бұйрықпен бекітілген Дәрілік заттарды, медициналық мақсаттағы бұйымдарды мемлекеттік тіркеу және олардың қауіпсіздігі мен сапасын бағалау кезінде сараптаманы жүзеге асыру үшін тауарлар мен көрсетілетін қызметтерді сатып алу қағидаларында:

1-тараудың тақырыбы мынадай редакцияда жазылсын:

«1-бөлім. Жалпы ережелер»;

2-тармақ мынадай редакцияда жазылсын:  

«2. Осы Қағидаларда қолданылатын негізгі ұғымдар:

1) дәрілік заттарға, медициналық мақсаттағы бұйымдар мен медициналық техникаға сараптама – дәрілік заттарға, медициналық мақсаттағы бұйымдар мен медициналық техникаға физикалық-химиялық, биологиялық, клиникаға дейінгі (клиникалық емес) сынақтар, клиникалық зерттеулер жүргізу, олардың биоэквиваленттігін айқындау, сондай-ақ уәкілетті орган белгілеген тәртіппен дәрілік затты, медициналық мақсаттағы бұйымдар мен медициналық техниканы тіркеуге табыс етілген тіркеу дерекнамасының құжаттарын, стандарттау жөніндегі нормативтік құжаттарды зерделеу арқылы олардың қауіпсіздігі, тиімділігі мен сапасы тұрғысынан зерттеу немесе сынау;

2) әлеуетті өнім беруші – кәсіпкерлік қызметті іске асыратын жеке тұлға, құқыққа қабілеттілікке (заңды тұлғалар үшін), азаматтық әрекетке қабілеттілікке ие (жеке тұлғалар үшін) сатып алу туралы шартты жасауға үміттенетін заңды тұлға (егер өзгесі олар үшін Қазақстан Республикасының Заңымен белгіленбесе, мемлекеттік мекемелерден басқа), консорциум;

3) әлеуетті өнім берушінің аффилирленген тұлғасы – шешімдерді және (немесе) осы әлеуетті өнім беруші қабылдайтын шешімдерге әсер ете алатын кез-келген жеке немесе заңды тұлға, соның ішінде жазбаша түрде жасалған келісім күшінде, сондай-ақ осы әлеуетті өнім берушінің осындай құқығы бар кез-келген жеке немесе заңды тұлға;  

4) біртекті тауарлар, қызметтер – бірдей болып табылмайтын, ұқсас сипаттамасы бар және ұқсас компоненттерден тұратын тауарлар, қызметтер, бұл оларға бір функцияларды орындауға және бірін-бірі ауыстыруға мүмкіндік береді;

5) конкурстық комиссия – осы Қағидалармен көзделген конкурс тәсілімен сатып алуды орындауға сатып алуды ұйымдастырушы құратын коллегиалдық орган;

6) конкурстық құжаттама – конкурс тәсiлiмен сатып алуды өткізудiң шарттары мен тәртiбi қамтылатын, конкурсқа қатысуға арналған өтiнiмді әзiрлеу үшiн әлеуетті өнім берушіге табыс етiлетiн құжаттама;

7) қызмет – ұйымдастырушының (тапсырыс берушінің) қажеттерiн қанағаттандыруға бағытталған заттық нәтижесi жоқ қызмет;

8) Қазақстан Республикасында тіркелген дәрілік заттар мен медициналық мақсаттағы бұйымдардың қауіпсіздігі мен сапасын бағалау дәрілік заттардың, медициналық мақсаттағы бұйымдардың қауіпсіздігі мен сапасының оларды Қазақстан Республикасында тіркеуге негіз болған тіркеу дерекнамасының, стандарттау жөніндегі нормативтік құжаттардың деректеріне сәйкестігін айқындау арқылы жүргізіледі;

9) өнім беруші – сатып алу туралы жасасқан шартта тапсырыс берушінің контрагенті ретіндегі жеке немесе заңды тұлға, консорциум;  

10) сатып алу – дәрілік заттарды, медициналық мақсаттағы бұйымдарды және медициналық техниканы мемлекеттік тіркеу кезінде және