Құрметті Министр! Сізге сауалым: Төрт кезеңнен тұратын, әр кезеңі бірнеше турларды қамтитын жүйелі-сатылы Республикалық пән олимпиадасының(РПО) жүлдегерлері мен оларды дайындаған ұстаздарына неге министрлік тарапынан жеткілікті көңіл бөлінбейді. РПО-ны басқа байқаулар немесе қашықтықтағы олимпиадалармен теңестіру - білімді тереңдетіп беру мен дарындыларды дәл анықтауға тек кедергі келтіретінін неге түсінбейміз!? Өйткені шын дарын тек РПО-да анықталады. Сізге ұсыныс: а) РПО жүлдегерлеріне Назарбаев Университетіне грант тағайындалса; ә) РПО жүлдегерін дайындаған пән мұғаліміне "Алтынсарин белгісі" берілсе; Бұл тағайындаулар ауыл мектептерінен шыққан РПО жүлдегерлері мен олардың пәндік ұстазына берілгені дұрыс, өйткені қаладағы дарындыларға арналған мектептер онсыз да соған мамандандырылған. Жаңашыл министр есебінде сізге сенім артамыз.