Баспасөз-релиз

«Нормативтік құқықтық актілер туралы» Қазақстан Республикасының 1998 жылғы 24 наурыздағы Заңының 21-1-бабына, «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабының 4-тармағына, «Автоматизациялау туралы» Қазақстан Республикасының 2007 жылғы 11 қаңтардағы Заңының 29-бабының 2-тармағына сәйкес және «Электрондық мемлекеттiк қызметтiң үлгi регламентiн бекiту туралы» Қазақстан Республикасы Үкiметiнiң 2010 жылғы 26 қазандағы № 1116 қаулысын жүзеге асыру мақсатында, БҰЙЫРАМЫН:

1. Қоса беріліп отырған:

1) осы бұйрыққа 1-қосымшаға сәйкес «Қазақстан Республикасының мемлекеттік мұрағаттарынан шығатын және шетелге жіберілетін мұрағаттық анықтамалар мен мұрағаттық құжаттардың көшірмелерін апостильдеу»;

2) осы бұйрыққа 2-қосымшаға сәйкес «Мұрағаттық анықтамалар беру»;

3) осы бұйрыққа 3-қосымшаға сәйкес «Бұқаралық ақпарат құралдарын есепке қою» электрондық мемлекеттік қызметтерінің регламенттері бекітілсін.

2. Мыналардың күші жойылды деп танылсын:

1) «Мемлекеттік қызметтерді көрсетудің регламенттерін бекіту туралы» Қазақстан Республикасы Байланыс және ақпарат министрінің 2011 жылғы 20 қазандағы № 317 бұйрығы (Қазақстан Республикасының нормативтік құқықтық актілерінің мемлекеттік тізілімінде № 7296 болып тіркелген);

2) «Бұқаралық ақпарат құралдарын есепке қою» электрондық мемлекеттік қызметінің регламентін бекіту туралы» Қазақстан Республикасы Байланыс және ақпарат министрінің 2011 жылғы 26 желтоқсандағы № 418 бұйрығы (Қазақстан Республикасының нормативтік құқықтық актілерінің мемлекеттік тізілімінде № 7362 болып тіркелген).

3. Қазақстан Республикасының Мәдениет және ақпарат министрлігі Ақпарат және мұрағат комитеті:

1) осы бұйрықтың Қазақстан Республикасы Әділет министрлігінен мемлекеттік тіркеуді және оны ресми жария етуді қамтамасыз етсін;

2) осы бұйрықты Қазақстан Республикасы Мәдениет және ақпарат министрлігінің интернет-ресурсына орналастыруды қамтамасыз етсін;

3) осы бұйрықтан туындайтын өзге шараларды қабылдасын.

4. Осы бұйрықтың орындалуына бақылау жетекшілік ететін Қазақстан Республикасы Мәдениет және ақпарат министрлігінің вице-министріне жүктелсін.

5. Осы бұйрық алғаш рет ресми жарияланған күнінен бастап он күнтізбелік күн өткеннен кейін қолданысқа енгізіледі.

«КЕЛІСІЛДІ»

Қазақстан Республикасы

Көлік және коммуникация министрі