«Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы Кодексінің 143, 150, 151-баптарына сәйкес Қазақстан Республикасының Үкіметі ҚАУЛЫ ЕТЕДІ: 

1. Қоса беріліп отырған:

1) Кеден органдарында кедендік баждардың, салықтардың төленуін қамтамасыз етуді есепке алу, кедендік баждардың, салықтардың төленуін қамтамасыз ету сомасын айқындау қағидасы;

2) Кедендік баждардың, салықтардың төленуін бас қамтамасыз етуді қолдану қағидасы бекітілсін.

2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

Қазақстан Республикасының 

1. Осы Қағида «Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы Кодексіне (бұдан әрі - Кодекс) сәйкес әзірленген және кеден органдарында кедендік баждардың, салықтардың төленуін қамтамасыз етуді есепке алу, кедендік баждардың, салықтардың төленуін қамтамасыз ету сомасын айқындау тәртібін айқындайды.

2. Осы Қағидада мынадай ұғымдар пайдаланылады:

1) лауазымды адам - кеден органы бірінші басшысының не оны алмастырушы тұлғаның бұйрығына сәйкес Қамтамасыз ету сомасы бойынша жеке карточканы жүргізу үшін жауапкершілік жүктелген кеден ісі саласындағы уәкілетті органның аумақтық бөлімшесінің (облыстар, республикалық маңызы бар қалалар, астана бойынша), кеденнің, кеден бекеттерінің, кеден одағының кедендік шекарасындағы бақылау-өткізу пункттерінің лауазымды адамы;

2) қаржы жылы - оның ішінде бюджеттің орындалуы жүзеге асырылатын күнтізбелік жылдың 1 қаңтарынан басталатын және 31 желтоқсанында аяқталатын уақыт кезеңі.

Осы Қағидада пайдаланылатын өзге де ұғымдар кеден одағының және (немесе) Қазақстан Республикасының кеден заңнамасында белгіленген мәндерде қолданылады.

3. Кедендік баждарды, салықтарды төлеу мынадай тәсілдермен қамтамасыз етіледі:

1) ақшамен;

2) банк кепілдігімен;