1. Қазақстан Республикасының Үкіметі 2001 жылғы 1 шілдеге дейінгі мерзімде " Қазақстанның Даму банкі " (бұдан әрі - Банк) жабық акционерлік қоғамын құрсын.
Қазақстанның Даму банкі туралы Қазақстан Республикасы Президентінің Жарлығы 2000 жылғы 28 желтоқсан N 531
Мемлекеттік инвестициялық қызметті одан әрі жетілдіру және оның тиімділігін арттыру, өндірістік инфрақұрылым мен өңдеуші өндірістерді дамыту, экономиканың нақты секторына сыртқы және ішкі инвестицияларды тартуға жәрдемдесу мақсатында қаулы етемін:
2. Банк қызметінің негізгі міндеттері:
1) орта және ұзақ мерзімді негізде жұмыс істеп тұрған кәсіпорындарды кеңейтуге және жаңғыртуға, сондай-ақ жаңа өндірістер құруға несие беру және/немесе кепілдік беру;
2) республикалық және жергілікті бюджеттердің есебінен қайтарымды немесе қайтарымсыз негізде іске асырылатын инвестициялық жобалар жөніндегі қаржы агентінің функцияларын орындау болып белгіленсін.
3. Қазақстан Республикасының Үкіметі заңнамада белгіленген тәртіппен: ,
1) Банк қызметінің тұжырымдамасының жобасын бір ай мерзімде әзірлесін және Қазақстан Республикасы Президентінің қарауына енгізсін;
2) екі ай мерзімде Банкті құрумен байланысты қажетті заң актілерінің жобаларын әзірлесін;
3) осы Жарлықтан туындайтын өзге де шараларды қолдансын.
4. Облыстардың, Астана және Алматы қалаларының әкімдері 2001 жылға арналған жергілікті бюджеттерді әзірлеу және нақтылау кезінде құрылатын Банктің жарғылық капиталына қатысуды қамтамасыз ететін бюджеттік бағдарламаларды көздесін.
5. Осы Жарлық қол қойылған күнінен бастап күшіне енеді.
Қазақстан Республикасының
Президенті
Мамандар:
Қасымбеков Б.А.
Багарова Ж.А.
Полная версия