Қазақстан Республикасының Үкіметі ҚАУЛЫ ЕТЕДІ:

1. «Салық тіркелімдерінің нысандарын және оларды жасау қағидаларын бекіту туралы» Қазақстан Республикасы Үкіметінің 2011 жылғы 9 қарашадағы № 1311 қаулысына (Қазақстан Республикасының ПҮАЖ-ы, 2012 ж., № 2, 25-құжат) мынадай өзгерістер мен толықтырулар енгізілсін:

1) 1-тармақта:

5) тармақша алынып тасталсын;

мынадай мазмұндағы 5-1), 5-2), 5-3) және 5-4) тармақшалармен толықтырылсын:

«5-1) табыстарды есепке алу бойынша салық тіркелімінің нысаны;

5-2) сатып алынған тауарларды, жұмыстар мен қызметтерді есепке алу бойынша салық тіркелімінің нысаны;

5-3) жеке тұлғалардың төлем көзінен салық салынатын табыстарын, осындай табыстар жөніндегі салық міндеттемелерін, барлық салықтар мен аударымдарды қоса алғанда міндетті зейнетақы жарналары мен әлеуметтік аударымдарды есепке алу жөніндегі міндеттемелерді есепке алу бойынша салық тіркелімінің нысаны;

5-4) қоршаған ортаға эмиссия үшін төлемақы мен жер үсті көздерінің су ресурстарын пайдаланғаны үшін төлемақы бойынша салық міндеттемелерін есепке алу бойынша салық тіркелімінің нысаны;»;

2) көрсетілген қаулымен бекітілген инвестициялық салық преференцияларын қолдану бойынша салық тіркелімінің нысанындағы 1-тармақ алынып тасталсын;

3) көрсетілген қаулымен бекітілген тіркелген активтер топтарының (кіші топтарының) құндық теңгерімдерін айқындау және тіркелген активтер бойынша кейінгі шығыстар бойынша салық тіркелімінің нысанындағы 1-тармақ алынып тасталсын;

4) көрсетілген қаулымен бекітілген резидент емес заңды тұлғаның Қазақстан Республикасындағы тұрақты мекемесі шегерімге жатқызған басқарушылық және жалпы әкімшілік шығыстарының сомалары бойынша салық тіркелімініңнысанындағы 1-тармақ алынып тасталсын;

5) көрсетілген қаулымен бекітілген туынды қаржы құралдары бойынша салық тіркелімінің нысаны осы қаулыға 1-қосымшаға сәйкес редакцияда жазылсын;

6) осы қаулыға 2, 3 , 4 , 5-қосымшаларға сәйкес салық тіркелімдерінің нысандарымен толықтырылсын;

7) көрсетілген қаулымен бекітілген Салық тіркелімдерінің нысандарын жасау қағидалары осы қаулыға 6-қосымшаға сәйкес жаңа редакцияда жазылсын.

2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының

Премьер-Министрі С. Ахметов