1. Осы Құбыр өндірісіндегі өнеркәсіптік қауіпсіздік талаптар (бұдан әрі - Талап) Қазақстан Республикасы «Қауіпті өндірістік объектілердегі өнеркәсіптік қауіпсіздік туралы» заңының 7-бабы 17-1) тармағына сәйкес өңделді және белгіленген тәртіпте өңделетін және бекітілетін құбыр өндірісін жобалауға, құрылысына, пайдалануға, қайта салуға, кеңейтуге, техникалық қайта жабдықталуға, консервациялауға, таратуға пайдаланылады.

2. Құбыр мен дайын өнімді дайындау қоймаларындағы тиеу және түсіру жұмыстары механикаландырылған және технологиялық регламентке сәйкес жүргізіледі.

Технологиялық регламент - өндіріс тәсілдерін, технологиялық нормативтерді, техикалық құралдарды, шарттарды және технологиялық процессті жүргізу тәртібін орнататын, стандарттардың талаптарына жауап беретін сапа көрсеткіштерімен дайын өнімді алуды қамтамасыз ететін, сондай-ақ жұмысты жүргізу қауіпсіздігін және өндірістің оңтайлы техникалық-экономикалық көрсеткіштеріне қол жеткізуін орнататын кәсіпорынның ішкі нормативтік құжаты.

3. Құбыр дайындамасын тиеу технологиясы қысқа дайындамаларды ұзын дайындамалармен бір пакетке салуды болдырмайды.

4. Темір жол тұйықтары бойындағы дайындама мен дайын өнім қоймаларында ені кемінде 0,8 м эстакадалар орнатылады.

5. Дайындама қоймалары сөрелермен және дайындамаларды салатын қалталармен жабдықталады. Дайындама қатарлары арасындағы өтетін жолдар кемінде 1,0 м болады.

6. Мұзбен және қармен жабылған дайындамаларды сындыруға және кесуге рұқсат берілмейді. Мұз бен қардың еруі сумен толтырылған металл ванналарда жылытумен немесе термиялық өңдеумен, жергілікті сору құрылғыларымен жүргізіледі.

7. Сыққыш жұмыс сөрелері дайындаманы беру үшін рольгангы алдында рольгангіге бір уақытта екі дайындаманың қатар түсуін болдырмайтын ұстағыш құрылғымен жабдықталады.

8. Дайындаманы сындыруға арналған сыққыштар қысқышпен немесе сындыру кезінде дайындаманы ұстауға арналған тіреумен жабдықталады.

9. Дайындаманы өлшеу ұзындықтарына сындыру кезінде дайындама ұзындығын талап етілетін ұзындыққа реттеу үшін тіреу орнатылады, тіреу қозғалысы механикаландырылған.

10. Дайындама мен сыққыштың шығу рольгангын сұрыптауға арналған сөрелер бағыттаушы барьермен жабдықталады.

Сөрелерде қабылдау қалталары алдында дайындаманы ұстауға арналған механикаландырылған тіреулер орнатылады.

11. Дайындаманы қабылдау қалтасында дайындаманы ұзындығы бойынша сындыру мен сұрыптаудан кейін тегістеу механикаландырылған.

12. Дайындаманы қалталарға салады. Қалта ені пакеттердің қауіпсіз строповкасын қамтамасыз етеді. Пакеттерді орналастырудың шекті биіктігі қалта тіреулерінде габаритті сызықтармен белгіленеді.

13. Дайындама пакеттері қалталарға төсемдермен салынады. Төсем ұштары қала аралығындағы өтетін жерлерге шығып тұрмайды.

14. Қызмет көрсетуші персоналдың қалта тіреулері арасындағы жарыққа өту үлкендігі кемінде - 0,7 м, ал салынған дайындама бүйірлері және тіреулер арасында кемінде - 1,0 м.