1. Мемлекеттік көрсетілетін қызметті «Мәдениет саласындағы мемлекеттік көрсетілетін қызмет стандарттарын бекіту туралы» Қазақстан Республикасы Үкіметінің 2014 жылғы 24 ақпандағы № 140 қаулысына (бұдан әрі – Стандарт) сәйкес Қазақстан Республикасы Мәдениет министрлігінің Мәдениет комитеті (бұдан әрі – көрсетілетін қызметті беруші) және Қазақстан Республикасы Байланыс және ақпарат агенттігінің Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны (әрі қарай - ХҚО), сондай-ақ «электрондық үкімет» веб-порталы: www.e.gov.kz немесе «Е-лицензиялау» веб-порталы: www.elicense.kz (әрі қарай – портал) арқылы көрсетеді.

2. Мемлекеттік қызмет көрсету нысаны: электрондық нысан (ішінара автоматтандырылған). 

3. Мемлекеттік қызмет көрсетудің нәтижесі – тарих және мәдениет ескерткiштерiнде археологиялық және (немесе) ғылыми-реставрациялау жұмыстарын жүзеге асыру жөнiндегi қызметке лицензия беру, лицензияны қайта рәсімдеу (бұдан әрі – лицензия) немесе Стандарттың 10-тармағында көзделген жағдайларда және негіздер бойынша мемлекеттік қызметті көрсетуден бас тарту туралы дәлелді жауап.

Мемлекеттік қызмет көрсету нәтижесін ұсыну нысаны: электрондық нысан. 

Көрсетілетін қызметті алушы лицензияны қағаз жеткізгіште алуға өтiнiш бiлдiрген жағдайда, лицензия басып шығарылады және көрсетілетін қызметті беруші басшысының мөрімен және қолымен куәландырылады.

4. Көрсетiлетiн қызмет алушы өтiнiшiнiң немесе көрсетiлетiн қызметті алушының электрондық сұрау салуының болуы мемлекеттiк қызмет көрсету бойынша рәсiмдi (iс-қимылды) бастауға негiз болып табылады. 

5. Мемлекеттiк қызмет көрсету процесiнiң құрамына кiретiн әрбiр рәсiмнiң (iс-қимылдың) мазмұны, оның орындалу ұзақтығы:

1) көрсетілетін қызметті берушінің құрылымдық бөлімшесінің жауапты қызметкерінің көрсетілетін қызметті алушыдан тікелей портал арқылы немесе орталықтар арқылы келіп түскен мемлекеттік қызмет алуға сұрау салуды (одан әрі – сұрау салу) «Е-лицензиялау» мемлекеттік дерекқор» ақпараттық жүйесінде (ақпараттық жүйе) ол келіп түскен күні тіркеуі;

өтініш қағаз жеткізгіште келіп түскен жағдайда, көрсетілетін қызметті берушінің құрылымдық бөлімшесінің жауапты қызметкері қағаз жеткізгіште ұсынылған материалдардың сканерленген көшірмелерін қоса тіркей отырып, өтінішті ақпараттық жүйеде тіркеуді жүргізеді;

2) көрсетілетін қызметті берушінің құрылымдық бөлімшесі жауапты қызметкерінің (қызметкерлерінің) ұсынылған құжаттардың толықтығын екі жұмыс күні ішінде тексеруі;

3) құжаттар толық ұсынылмаған жағдайда, сұрау салу тіркелген кезден бастап екі жұмыс күні ішінде сұрау салуды одан әрі қараудан бас тарту;

4) ұсынылған құжаттар толық және анық болған жағдайда, сұрау салуды тіркеген күннен бастап екі жұмыс күні ішінде келісуші мемлекеттік органдарға жіберу; 

5) сұрау салу келіп түскен күннен бастап он жұмыс күні ішінде келісуші мемлекеттік орган басшысы қол қойған келісу туралы жобаны дайындау не келісуден дәлелді бас тарту;

6) келісуші мемлекеттік органдарға келісуге жіберілген кезден бастап үш жұмыс күні ішінде сұрау салуды және лицензия беру туралы шешімнің жобасын әзірлеу және көрсетілетін қызметті берушінің құрылымдық бөлімшесіне жіберу; 

7) көрсетілетін қызметті берушінің құрылымдық бөлімшесі басшысының сұрау салуды бес жұмыс күні ішінде қарауы және келісуі;

8) келісуші мемлекеттік органның және құрылымдық бөлімше басшысының жауабын алғаннан кейін көрсетілетін қызметті берушінің жауапты қызметкерінің оң қорытындысы бар жобаны не дәлелді бас тарту бар жауапты бір жұмыс күні ішінде көрсетілетін қызметті берушінің басшысына қол қоюға жіберуі;