1. «Азаматтық әуе кемесі данасының ұшуға жарамдылық нормаларына сәйкестігіне куәлік беру» мемлекеттік қызметі (бұдан әрі – мемлекеттік қызмет) «Қазақстан Республикасының әуе кеңістігін пайдалану және авиация қызметі туралы» «Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңының 44-бабының 1-тармағының және «Қазақстан Республикасы Көлік және коммуникация министрлігінің ұшуға пайдалану және ұшуға жарамдылықта ұстау саласында мемлекеттік қызметтер көрсетуі мәселелері туралы» Қазақстан Республикасы Үкіметінің 2014 жылғы 25 сәуірдегі № 400 қаулысымен бекітілген «Азаматтық әуе кемесі данасының ұшуға жарамдылық нормаларына сәйкестігіне куәлік беру» мемлекеттік қызмет стандартының негізінде Қазақстан Республикасы Көлік және коммуникация министрлігінің Азаматтық авиация комитеті (бұдан әрі - көрсетілетін қызметті беруші) көрсетеді.

2. Өтініштерді қабылдау және мемлекеттік көрсетілетін қызметтің нәтижелерін беру қызмет берушінің кеңсесі немесе www.e.gov.kz «электрондық үкімет» веб-порталы (бұдан әрі – Портал) арқылы жүзеге асырылады.

3. Мемлекеттік көрсетілетін үлгісі: қағаз және (немесе) электронды (жартылай автоматтандырылған) түрде.

4. Мемлекеттік көрсетілетін қызметтің нәтижесі азаматтық әуе кемесі данасының ұшуға жарамдылық нормаларына сәйкестігіне куәлік (бұдан әрі – куәлік, куәліктің телнұсқасы) беру болып есептеледі.

5. Қызмет берушінің мемлекеттік көрсетілетін қызметке қажетті қызметті алушының ұсынылған құжаттарын алуы мемлекеттік көрсетілетін қызмет ресімді (әрекетті) бастауға негіздеме болып есептеледі. Қызметті алушы өтініш білдірген кезде мемлекеттік көрсетілетін қызмет үшін қажетті құжаттардың тізбесі Стандарттың 9-тармағына сәйкес ұсынылады:

6. Мемлекеттік көрсетілетін қызмет процесінің ресімдері (әрекеттері):

1) қызмет берушінің кеңсесіндегі қызметкер 30 минут ішінде мемлекеттік көрсетілетін қызметке қажетті қызметті алушының ұсынылған құжаттарын кіріс хат-хабарларды тіркеу журналына тіркейді және оларды қызмет берушінің басшысына жібереді;

2) қызмет берушінің басшысы күнтізбелік бір күн ішінде мемлекеттік қызметті көрсетуге қажетті қызметті алушының ұсынылған құжаттарын қарайды және оларды қызмет берушінің Ұшу жарамдылығы басқармасының (бұдан әрі – Басқарма) басшысына жібереді;

3) Басқарма басшысы күнтізбелік бір күн ішінде мемлекеттік көрсетілетін қызметке қажетті қызметті алушының ұсынылған құжаттарын қарайды және оларды Басқарманың бас сарапшысына (сарапшыға) жібереді;

4) Басқарманың бас сарапшысы (сарапшы) мемлекеттік көрсетілетін қызметке қажетті қызметті алушының ұсынылған құжаттарын алған күнінен бастап бес жұмыс күннен аспайтын мерзімде сертификаттық тексеру бойынша жұмыстар жүргізу үшін сараптама ұйымын тартады, ол аяқталған соң азаматтық әуе кемесі данасының техникалық жағдайын бағалау және ұшуға жарамдылығын анықтау актісін (бұдан әрі – Акт) рәсімдейді;

5) Басқарманың бас сарапшысы (сарапшы) актіні қарап шығу үшін қызметті алушыға жібереді және актіге қол қойылған күннен бастап 17 жұмыс күнінен аспайтын мерзімде куәлікті ресімдейді және қол қою үшін қызмет берушінің басшысына жібереді;

6) қызмет берушінің басшысы бір жұмыс күні ішінде куәлікке қол қояды;

7) қызметті алушы өзі келген жағдайда Басқарманың бас сарапшысы (сарапшы) берілген куәліктерді есепке алу және тіркеу журналына қызметті алушының қолын қойғызып, 15 минут ішінде куәліктерді (куәліктердің телнұсқаларын) береді.

Куәліктің телнұсқасы мемлекеттік көрсетілетін қызметке қажетті қызметті алушының ұсынылған құжаттарын тіркеген күнінен бастап 5 жұмыс күні ішінде беріледі.

7. Келесі ресімді (әрекетті) орындауды бастауға негіздеме болатын мемлекеттік көрсетілетін қызмет жөніндегі ресімнің (әрекеттің) нәтижесі:

1) мемлекеттік көрсетілетін қызметке қажетті қызметті алушының ұсынылған құжаттарын қызмет берушінің кеңсесінде тіркеу және оларды қызмет берушінің басшысына беру;