Қазақстан Республикасы Кәсіпкерлік кодексінің 143-бабының 1-тармағына сәйкес, БҰЙЫРАМЫН:

1. Мына:

1) осы бұйрыққа 1-қосымшаға сәйкес сәулет, қала құрылысы және құрылыс саласындағы құрылыс субъектілері бойынша тапсырыс берушіге (құрылыс салушыға) қатысты тексеру парағы;

2) осы бұйрыққа 2-қосымшаға сәйкес сәулет, қала құрылысы және құрылыс саласындағы құрылыс субъектілері бойынша мердігерге (қосалқы мердігерге) қатысты тексеру парағы;

3) осы бұйрыққа 3-қосымшаға сәйкес сәулет, қала құрылысы және құрылыс саласындағы құрылыс субъектілері бойынша авторлық қадағалауды жүзеге асыратын тұлғаларға қатысты тексеру парағы;

4) осы бұйрыққа 4-қосымшаға сәйкес сәулет, қала құрылысы және құрылыс саласындағы құрылыс субъектілері бойынша техникалық қадағалауды жүзеге асыратын заңды және жеке тұлғаларға қатысты тексеру парағы;

5) осы бұйрыққа 5-қосымшаға сәйкес сәулет, қала құрылысы және құрылыс саласындағы құрылыс субъектілері бойынша бірінші және екінші жауапкершілік деңгейіндегі техникалық және технологиялық күрделі объектілердегі ғимараттар мен құрылыстардың сенімділігін және орнықтылығын техникалық зерттеп-қарау бойынша сараптама жұмыстарын жүзеге асыратын ұйымдарға қатысты тексеру парағы;

6) осы бұйрыққа 6-қосымшаға сәйкес сәулет, қала құрылысы және құрылыс саласындағы объектілер салу жобаларын басқару бойынша инжинирингтік қызметтер көрсететін ұйымдарға қатысты тексеру парағы;

7) осы бұйрыққа 7-қосымшаға сәйкес сәулет, қала құрылысы және құрылыс саласындағы лицензиаттар бойынша тексеру парағы;

8) осы бұйрыққа 8-қосымшаға сәйкес сәулет, қала құрылысы және құрылыс саласындағы жобалау және құрылыс салу процесіне қатысушы инженер-техник жұмыскерлерді аттестаттау бойынша мемлекеттік емес аттестаттау орталықтарына қатысты тексеру парағы бекітілсін;

9) осы бұйрыққа 9-қосымшаға сәйкес сәулет, қала құрылысы және құрылыс саласындағы объектілер құрылысының жобаларына ведомстводан тыс кешенді сараптама жүргізуге үміткер заңды тұлғаларына қатысты тексеру парағы бекітілсін.

2. Осы бұйрыққа 10-қосымшаға сәйкес Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының және Қазақстан Республикасы Экономикалық даму және сауда министрінің кейбір бірлескен бұйрықтарының күші жойылды деп танылсын.

3. Қазақстан Республикасы Ұлттық экономика министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмелерін баспа және электрондық түрде ресми жариялауға мерзімді баспа басылымдарына және «Әділет» ақпараттық-құқықтық жүйесіне, сондай-ақ тіркелген бұйрықты алған күннен бастап бес жұмыс күні ішінде Қазақстан Республикасы нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына жіберуді;

3) осы бұйрықты Қазақстан Республикасы Ұлттық экономика министрлігінің интернет-ресурсында орналастыруды;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Ұлттық экономика министрлігінің Заң департаментіне ұсынуды қамтамасыз етсін.

4. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.

5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.