1. Осы импорттаушылардың Қазақстан Республикасына алкоголь өнімін импорттау кезінде есепке алу-бақылау маркаларын нысаналы пайдалану туралы міндеттемесін есепке алу қағидалары (бұдан әрі – Қағида) импорттаушылардың мемлекеттік кірістер органдарында есепке алу-бақылау маркаларын нысаналы пайдалану туралы міндеттемесін қамтамасыз ету тәсілдері мен есепке алу тәртібін айқындайды.

2. Қазақстан Республикасына алкоголь өнімдерін импорттау кезінде есепке алу-бақылау маркаларын нысаналы пайдалану туралы міндеттемесін (бұдан әрі – Міндеттеме) төлеуді қамтамасыз етуді тіркеуді облыстар, Астана және Алматы қалалары бойынша мемлекеттік кірістер департаменттері (бұдан әрі - Департамент) жүзеге асырады.

3. Міндеттемені төлеу импорттаушының мынадай тәсілдерді:

ақшалай;

банктік кепілдік;

кепілгерлік;

мүлік кепілін таңдауы бойынша қамтамасыз етіледі.

Міндеттемені төлеуді қамтамасыз ету бір мезгілде бірнеше тәсілдермен жүзеге асырылады.

4. Міндеттемені қамтамасыз етуді тіркеу, осы Қағидаға 1-қосымшаға сәйкес нысан бойынша Карточкаларды (бұдан әрі - Карточка) ресімдеу арқылы жүзеге асырылады.

5. Есепке алу мақсатында Департаментпен Карточка ресімделеді және Міндеттемені қамтамасыз етуді қабылдағанын растайтын құжат болып табылады.

6. Департаментте Міндеттемені қамтамасыз етуді тіркеген күннен кейінгі 2 (екі) жұмыс күнінен кешіктірмей, импорттаушыға Карточканы тіркегені немесе бас тартқаны туралы, бас тарту себебін көрсетіп, хабарлама жіберіледі.

7. Карточканы тіркеу нөмірі мынадай құрылымнан тұрады:

00000/ККААЖЖ/ННННН, мұнда:

00000 - Карточканы тіркеген мемлекеттік кірістер органының коды;

КК - тіркеу күні;

MM - тіркеу айы;