«Білім туралы» 2007 жылғы 27 шілдедегі Қазақстан Республикасы Заңының 4-бабының 4) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) республикалық бюджеттен қаржыландырылатын білім беру ұйымдарында жоғары білімі бар мамандар даярлауға 2018 – 2019 оқу жылына арналған мемлекеттік білім беру тапсырысы;

2) республикалық бюджеттен қаржыландырылатын білім беру ұйымдарында жоғары оқу орнынан кейінгі білімі бар мамандар даярлауға 2018 – 2019 оқу жылына арналған мемлекеттік білім беру тапсырысы;

3) республикалық бюджеттен қаржыландырылатын білім беру ұйымдарында техникалық және кәсіптік білімі бар мамандар даярлауға 2018 – 2019 оқу жылына арналған мемлекеттік білім беру тапсырысы;

4) республикалық бюджеттен қаржыландырылатын білім беру ұйымдарында орта білімнен кейінгі білімі бар мамандар даярлауға 2018 – 2019 оқу жылына арналған мемлекеттік білім беру тапсырысы;

5) республикалық бюджеттен қаржыландырылатын білім беру ұйымдарында жоғары білімі бар мамандар даярлауға 2019 – 2020 оқу жылына арналған мемлекеттік білім беру тапсырысы;

6) республикалық бюджеттен қаржыландырылатын білім беру ұйымдарында жоғары оқу орнынан кейінгі білімі бар мамандар даярлауға 2019 – 2020 оқу жылына арналған мемлекеттік білім беру тапсырысы;

7) республикалық бюджеттен қаржыландырылатын білім беру ұйымдарында техникалық және кәсіптік білімі бар мамандар даярлауға 2019 – 2020 оқу жылына арналған мемлекеттік білім беру тапсырысы;

8) республикалық бюджеттен қаржыландырылатын білім беру ұйымдарында орта білімнен кейінгі білімі бар мамандар даярлауға 2019 – 2020 оқу жылына арналған мемлекеттік білім беру тапсырысы;

9) республикалық бюджеттен қаржыландырылатын білім беру ұйымдарында жоғары білімі бар мамандар даярлауға 2020 – 2021 оқу жылына арналған мемлекеттік білім беру тапсырысы;

10) республикалық бюджеттен қаржыландырылатын білім беру ұйымдарында жоғары оқу орнынан кейінгі білімі бар мамандар даярлауға 2020 – 2021 оқу жылына арналған мемлекеттік білім беру тапсырысы;

11) республикалық бюджеттен қаржыландырылатын білім беру ұйымдарында техникалық және кәсіптік білімі бар мамандар даярлауға 2020 – 2021 оқу жылына арналған мемлекеттік білім беру тапсырысы;

12) республикалық бюджеттен қаржыландырылатын білім беру ұйымдарында орта білімнен кейінгі білімі бар мамандар даярлауға 2020 – 2021 оқу жылына арналған мемлекеттік білім беру тапсырысы бекітілсін.

2. Қазақстан Республикасының Білім және ғылым министрлігі мүдделі мемлекеттік органдармен бірлесіп республикалық бюджеттен қаржыландырылатын білім беру ұйымдарында жоғары және жоғары оқу орнынан кейінгі білімі бар, сондай-ақ техникалық және кәсіптік, орта білімнен кейінгі білімі бар мамандар даярлауға бекітілген мемлекеттік білім беру тапсырысын орналастыру жөнінде шаралар қабылдасын.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Премьер-Министрі Б. Сағынтаев