«Халық денсаулығы және денсаулық сақтау жүйесі туралы» Қазақстан Республикасының Кодексі 125-бабының 6-тармағына сәйкес БҰЙЫРАМЫН:

Кіріспе жаңа редакцияда жазылды ҚР Денсаулық сақтау министрінің 25.08.2022 жылғы № ҚР ДСМ-91  Бұйрығына сәйкес (07.10.2020 ж. редакцияны қараңыз)(өзгерту 13.09.2022 жылдан бастап қолданысқа енгізіледі)

1. Осы бұйрыққа 1-қосымшаға сәйкес Медициналық оңалту көрсету қағидалары бекітілсін.

2. Осы бұйрыққа 2-қосымшаға сәйкес Қазақстан Республикасы Денсаулық сақтау министрлігінің кейбір бұйрықтардың күші жойылды деп танылсын.

3. Қазақстан Республикасы Денсаулық сақтау министрлігінің Медициналық-әлеуметтік көмек департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрықты Қазақстан Республикасы Әділет минстрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

4. Осы бұйрықтың орындалуын бақылау Қазақстан Республикасының Денсаулық сақтау вице-министрі А. Ғиниятқа жүктелсін.

5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2020 жылғы 1 қазаннан бастап туындаған құқықтық қатынастарға қолданылады.

Қазақстан Республикасы Денсаулық сақтау министрі А. Цой

1. Медициналық оңалтуды көрсету қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасының 2020 жылғы 7 шілдедегі Кодексі 125-бабының 6-тармағына сәйкес (бұдан әрі – Кодекс) әзірленді және меншік нысанына қарамастан амбулаториялық, стационарды алмастыратын және стационарлық көмек көрсететін бастапқы, қайталама және үшінші деңгейдегі медициналық ұйымдарда, сондай-ақ үйде және санаторийлік-курорттық ұйымдарда оңалту көрсету тәртібін айқындайды.

2. Қағидалар туа біткен аурулармен ауыратын адамдарға, жіті жағдайлардан, хирургиялық араласулардан және жарақаттардан кейін, сондай-ақ негізгі ауруды емдеу кезінде олардың салдарын медициналық оңалту бойынша медициналық көмек көрсету тәртібін айқындайды.

3. Медициналық оңалту:

3-тармақ жаңа редакцияда жазылды ҚР Денсаулық сақтау министрінің 25.08.2022 жылғы № ҚР ДСМ-91  Бұйрығына сәйкес (07.10.2020 ж. редакцияны қараңыз)(өзгерту 13.09.2022 жылдан бастап қолданысқа енгізіледі)

1) тегін медициналық көмектің кепілдік берілген көлемі (бұдан әрі – ТМККК) шеңберінде негізгі ауруларды емдеу кезінде (медициналық оңалтудың бірінші кезеңі), сондай-ақ туберкулезбен ауыратын науқастарға;

2) 10-қайта қараудың денсаулыққа байланысты аурулар және проблемалардың халықаралық статистикалық жіктемесінің кодтары бойынша аурулардың тізбесі бойынша міндетті әлеуметтік медициналық сақтандыру жүйесінде (бұдан әрі – МӘМС) (медициналық оңалтудың екінші және үшінші кезеңдері);