1. 2003 жылғы 20 маусымдағы Қазақстан Республикасының Жер кодексіне:

бүкіл мәтін бойынша «ақпараттық жүйесі», «ақпараттық жүйе», «ақпараттық жүйесін», «ақпараттық ресурстарда», «электрондық үкімет», «Электрондық үкімет», «ақпараттық жүйелер», «ақпараттық жүйелері», «ақпараттандыру объектілері», «электрондық жүйелерiн», «ақпараттық жүйелерден», «электрондық ақпараттық ресурстардан», «ақпараттық жүйенің» деген сөздер тиісінше «цифрлық жүйесі», «цифрлық жүйе», «цифрлық жүйесін», «цифрлық ресурстарда», «цифрлық үкімет», «Цифрлық үкімет», «цифрлық жүйелер», «цифрлық жүйелері», «цифрлық объектілері», «цифрлық жүйелерiн», «цифрлық жүйелерден», «цифрлық ресурстардан», «цифрлық жүйенің» деген сөздермен ауыстырылсын.

2. 2011 жылғы 26 желтоқсандағы «Неке (ерлі-зайыптылық) және отбасы туралы» Қазақстан Республикасының кодексіне:

1) бүкіл мәтін бойынша «ақпараттық жүйесі», «ақпараттық жүйе», «ақпараттық жүйесіндегі», «ақпараттық жүйесіне», «ақпараттық жүйесімен», «ақпараттық жүйелер», «ақпараттық жүйесінде» деген сөздер тиісінше «цифрлық жүйесі», «цифрлық жүйе», «цифрлық жүйесіндегі», «цифрлық жүйесіне», «цифрлық жүйесімен», «цифрлық жүйелер», «цифрлық жүйесінде» деген сөздермен ауыстырылсын.

2) 1-баптың 1-тармағының 29-1) тармақшасындағы «ақпараттандыру» деген сөз «цифрландыру» деген сөзбен ауыстырылсын;

3) 67-1-баптың 2-тармағының бірінші абзацындағы «Ақпараттандыру» деген сөз «Цифрландыру» деген сөзбен ауыстырылсын;

4) 85-баптың 3-тармағы мынадай мазмұндағы екінші бөлікпен толықтырылсын:

«Қазақстан Республикасының балалар құқықтарын қорғау саласындағы уәкілетті органы мемлекеттік органдардың цифрлық объектілерінің өзара іс-қимыл жасауы арқылы Қазақстан Республикасының аумағында тұрақты тұратын Қазақстан Республикасының азаматтарынан адамның қылмыстық құқық бұзушылық жасағаны туралы мәліметтерді тексеруді жүзеге асырады.»;

5) 118-1-баптың 2-тармағындағы «электрондық ақпараттық ресурстар», «электрондық ақпараттық ресурстарды» деген сөздер тиісінше «цифрлық ресурстар», «цифрлық ресурстарды» деген сөздермен ауыстырылсын;

6) 181-бапта:

1-тармақта:

бірінші бөліктегі «екі данада» деген сөздер «бір данада» деген сөздермен ауыстырылсын;

екінші бөлік мынадай редакцияда жазылсын:

«Акт кітаптары азаматтық хал актісі бастапқы мемлекеттік тіркелген жердегі тіркеуші органның архивінде сақталады.»;

3 және 6-тармақтар алып тасталсын;

7) 184-баптың 4-тармағы мынадай редакцияда жазылсын:

«4. Азаматтық хал актілері жазбаларының жоғалғанын жоғалған жазба жасалған жердегі азаматтық хал актілері жазбасының архиві растауға тиіс.»;

8) 190-баптың 2-тармағындағы «электрондық үкіметтің» деген сөздер «цифрлық үкімет» деген сөздермен ауыстырылсын;