ИС BestProfi

Близость слов:	Окончание:
как словосочетание в пределах абзаца	с любым окончанием точно, как в запросе По части слова
Искать, включая суд. практику
вернуть по умолчанию

Осы редакция 14.12.2001 жылы енгізілген өзгерістерге дейін қолданылды.

Жекешелендіру объектілерін сатудың ережесін бекіту туралы
Қазақстан Республикасы Үкіметінің қаулысы 2000 жылғы 26 маусым N 942

Қазақстан Республикасы Президентінің "Жекешелендіру туралы" 1995 жылғы 23 желтоқсандағы N 2721 заң күші бар Жарлығына сәйкес Қазақстан Республикасының Үкіметі қаулы етеді:

1. Қоса беріліп отырған Жекешелендіру объектілерін сатудың ережесі бекітілсін.

2. Мыналардың күші жойылды деп танылсын:

1) "Жекешелендіру объектілерін сату жөнінде жабық тендерлер өткізудің тәртібі туралы" Қазақстан Республикасы Үкіметінің 1996 жылғы 31 қаңтардағы N 126  қаулысы (Қазақстан Республикасының ПҮКЖ-ы, 1996 ж., N 6, 35-құжат);

2) "Қазақстан Республикасы Президентінің 1996 жылғы 15 шілдедегі N

3050 Жарлығын іске асыру туралы" Қазақстан Республикасы Үкіметінің 1996 
жылғы 13 тамыздағы N 1001  

 
  қаулысының 2-тармағының үшінші абзацы.
     3. Қазақстан Республикасы Қаржы министрлігінің Мемлекеттік мүлік және 
жекешелендіру комитеті екі айлық мерзімде бұрынырақта қабылданған 
ведомстволық шешімдерін осы қаулыға сәйкес келтіру жөнінде шаралар 
қабылдасын.
     4. Осы қаулы қол қойылған күнінен бастап күшіне енеді.
     
     Қазақстан Республикасының
         Премьер-Министрі
     
     
                                              Қазақстан Республикасы
                                              Yкiметiнiң
                                              2000 жылғы 26 маусымдағы
                                              N 942 қаулысымен
                                              бекiтiлген
     
         Жекешелендiру объектiлерiн сатудың ережесi

Жекешелендiру объектiлерiн сатудың ережесi (бұдан әрi - Ереже) Қазақстан Республикасы Президентiнiң "Жекешелендiру туралы" 1995 жылғы 23 желтоқсандағы N 2721 заң күшi бар Жарлығына сәйкес әзiрлендi және жекешелендiру объектiлерiн сатудың тәртiбiн реттейдi.

1. Жалпы ережелер

1. Осы Ережеде мынадай негізгі ұғымдар пайдаланылады:

1) "Сатушы" - Қазақстан Республикасының Үкiметi республикалық меншiк пен коммуналдық меншiкке иелiк етуге, пайдалануға және билiк етуге уәкiлеттiк берген мемлекеттiк органдар;

2) "Ұйымдастырушы" - жекешелендiру объектiлерiн дайындауды және сатуды ұйымдастырушы заңды немесе жеке тұлға; Сатушы Ұйымдастырушы бола алады.

3) "Жекешелендiру объектiсi" - мүлiктiк кешен ретiндегi мемлекеттiк кәсiпорын мен мекеме; тұйықталған технологиялық циклдi бұзбай, одан бөлiнген өндiрiстiк бөлiмшелер мен құрылымдық бiрлiктер; заңды тұлғалардың жарғылық капиталдарындағы акциялар мен үлестер;

4) "Қатысушы" - аукционға немесе тендерге қатысу үшiн белгiленген тәртiппен тiркелген заңды немесе жеке тұлға;

5) "Сауда-саттықтар" - жекешелендiру объектiлерiн сату нысаны;

6) "Аукцион" - қатысушылар өздерiнiң ұсыныстарын жария түрде мәлiмдейтiн сауда-саттықтың түрi;

7) "Аукционшы" - аукцион жүргізушi және тиiстi аукциондық сауда-саттық жүргізу техникасын меңгерген жеке тұлға;

8) "Сауда-саттықтардың ағылшын әдiсi" - сауда-саттықтардың бастапқы бағасы алдын-ала жарияланған қадаммен арттырылатын әдiсi;

9) "Сауда-саттықтардың голланд әдiсі" - сауда-саттықтардың бастапқы бағасы алдын-ала жарияланған қадаммен төмендетiлетiн әдiсi;