1. Қоса беріліп отырған: 

1) Қазақстан Республикасы Әдiлет министрлiгi туралы epeжe; 

2) Қазақстан Республикасы Әдiлет министрлiгінiң аумақтың органдары - мемлекеттiк мекемелерінің тiзбесi; 

3) Қазақстан Республикасы Әдiлет министрлігінiң қарамағындағы ұйымдардың тiзбесi; 

4) Қазақстан Республикасы Үкiметінiң кейбiр шешiмдерiне енгiзiлетiн өзгерiстер мен толықтырулар бекiтiлсiн.

2. Қазақстан Республикасының Әдiлет министрiне екi вице-министрi болуына рұқсат етілсiн. 

2-тармақ өзгертілді ҚР Үкіметінің 27.02.2006. № 134 қаулысымен. (30.12.2005 жылғы редакцияны қараңыз)

3. Қазақстан Республикасы Әдiлет министрлiгiнiң Халыққа құқықтық көмек және заңгерлiк қызмет көрсетудi ұйымдастыру комитетi құрылсын.

4. Қоса беріліп отырған: 

1) Қазақстан Республикасы Әдiлет министрлiгiнiң Халыққа құқықтық көмек және заңгерлiк қызмет көрсетудi ұйымдастыру комитетi туралы ереже және оның құрылымы; 

2) Қазақстан Республикасы Әдiлет министрлiгінің Қылмыстық-атқару жүйесi комитетi туралы ереже және оның құрылымы; 

3) Қазақстан Республикасы Әдiлет министрлiгі Қылмыстық-атқару жүйесi комитетінiң аумақтық бөлiмшелерi - мемлекеттік мекемелерiнiң және оның қарамағындағы ұйымдардың тiзбесi; 

4) Қазақстан Республикасы Әдiлет министрлiгiнiң Тiркеу қызметi комитетi туралы ереже және оның құрылымы; 

5) Қазақстан Республикасы Әдiлет министрлiгi Тiркеу қызметі комитетiнiң қарамағындағы ұйымдардың тiзбесi; 

6) Қазақстан Республикасы Әдiлет министрлігінiң Зияткерлiк меншiк құқығы комитетi туралы ереже және оның құрылымы; 

7) Қазақстан Республикасы Әдiлет министрлігінiң Зияткерлiк меншiк құқығы комитетінiң қарамағындағы ұйымдардың тiзбесi бекiтiлсiн.

5. Мыналарға: 

Қазақстан Республикасы Әдiлет министрлiгi Халыққа құқықтық көмек және заңгерлік қызмет көрсетудi ұйымдастыру комитетiнiң төрағасына екi орынбасары болуына;