Қазақстан Республикасының Үкiметi ҚАУЛЫ ЕТЕДІ:

1. "Қазселденқорғау" құрылыс-монтаждау басқармасы (ҚМБ)" мемлекеттiк қазыналық кәсiпорны, "Қазақстан Республикасының Төтенше жағдайлар жөнiндегi комитетi "Қазселденқорғау" республикалық мемлекеттiк қазыналық кәсiпорнының (ТЖК "Қазселденқорғау" РМҚК ӨТЖБ) өндiрiстiк-технологиялық жинақтау басқармасы (ӨТЖБ)" еншiлес мемлекеттiк қазыналық кәсiпорны, "Қазақстан Республикасының ТЖМК "Қазселденқорғау" республикалық мемлекеттiк қазыналық кәсiпорнының механикаландыру және көлiк басқармасы (МжКБ)" және "Қазақстан Республикасының ТЖМК "Қазселденқорғау" республикалық мемлекеттiк кәсiпорнының Қапшағай қосалқы ауыл шаруашылығы" Қазақстан Республикасы Төтенше жағдайлар жөнiндегi агенттiгінiң "Селденқорғау құрылыс" республикалық мемлекеттiк қазыналық кәсiпорнына (бұдан әрi - Кәсiпорын) бiрiктiру жолымен қайта ұйымдастырылсын. 

2. Кәсiпорын қызметiнiң негiзгi мәнi селден, су тасқындарынан, қар көшкiндерiнен, жер сiлкiнiсiнен және басқа да табиғи апаттардан туындаған төтенше жағдайларда арнайы жұмыстарды орындау болып белгiленсiн. 

3. Кәсiпорынды мемлекеттiк басқару органы, сондай-ақ оған қатысты мемлекеттiк меншiк құқығы субъектiсiнiң функцияларын жүзеге асырушы орган болып Қазақстан Республикасының Төтенше жағдайлар жөнiндегi агенттiгi белгiленсiн. 

4. Қазақстан Республикасының Төтенше жағдайлар жөнiндегi агенттiгi заңнамада белгiленген тәртiппен: 

1) Кәсiпорынның жарғысын бекiтсiн; 

2) оның әдiлет органдарында тiркелуiн қамтамасыз етсiн; 

3) осы қаулыдан туындайтын өзге де шараларды қабылдасын. 

5. Тармақ күшін жойды (ескертуді қараңыз)

5-тармақ күшін жойды ҚР Үкіметінің 05.08.2013 жылғы № 796 Қаулысымен (28.11.2001 ж. редакцияны қараңыз)