"Күзет қызметi туралы" Қазақстан Республикасының 2000 жылғы 19 қазандағы  Заңын  орындау үшiн Қазақстан Республикасының Yкiметi қаулы етеді:  

1. Қоса беріліп отырған:  

1) Мемлекеттiк органдардың күзет бөлiмшелерi және ведомстволық күзет бөлiмшелерi пайдаланатын арнаулы қорғау құралдары мен арнаулы техникалық құралдардың тiзбесi;  

2) Күзетшi мен жеке күзетшi құжаттарының нысандары мен үлгiлерi бекiтiлсiн.  

2. Жеке күзетшiлердi, жеке кәсiпкерлер мен заңды тұлғалардың күзет бөлімшелерiндегi, мемлекеттік органдардың күзет бөлiмшелерiндегi күзетшi лауазымындағы қызметкерлердi даярлауды және қайта даярлауды (арнайы оқу курсы) жүзеге асыратын мамандандырылған оқу орталықтарының бiрi ретiнде Қазақстан Республикасы Iшкi iстер министрлiгiнiң оқу орталықтары белгiленсiн.  

3. Жеке күзет ұйымының, жеке кәсiпкер мен заңды тұлға күзет бөлiмшесiнiң, мемлекеттiк органның ведомстволық күзет бөлiмшесiнiң қызметкерлерi санының нормативi: 

бiр тәулiктiк бiр күзет постына 4,5 штат күзет бiрлiгі; 

он екi сағаттық бiр күзет постына 2,25 штат күзет бiрлiгi; 

сегiз сағаттық бiр күзет постына 1,5 штат күзет бiрлiгi болып  

бекiтiлсiн. 

4. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін. 

Қазақстан Республикасының 

Премьер-Министрі

1. Арнаулы қорғау құралдары: 

1) резина таяқшалары;