Қазақстан Республикасының Үкiметi қаулы етеді:

1. "Аграрлық секторға несие беру мәселелерi туралы" Қазақстан Республикасы Үкiметiнiң 2001 жылғы 25 қаңтардағы N 137  қаулысына  (Қазақстан Республикасының ПYКЖ-ы, 2001 ж., N 3, 39-құжат) мынадай өзгерiстер мен толықтыру енгізiлсiн: 

1) 7-тармақ мынадай редакцияда жазылсын: 

"7. Осы қаулының орындалуын бақылау Қазақстан Республикасы Премьер-Министрiнiң орынбасары - Қазақстан Республикасының Ауыл шаруашылығы министрi А.С. Есiмовке жүктелсiн"; 

2) көрсетiлген қаулымен мақұлданған Мемлекеттік қаржы ресурстарын тарта отырып ауыл шаруашылығы өндiрiсiне несие берудiң пилоттық жобасында: 

мынадай мазмұндағы 5-1-тармақпен толықтырылсын: 

"5-1. Корпорация республикалық бюджет қаражатын Жобаны және Қазақстан Республикасы Президентiнiң 2002 жылғы 5 маусымдағы N 889 Жарлығымен бекiтiлген Қазақстан Республикасының 2003-2005 жылдарға арналған мемлекеттік аграрлық азық-түлiк бағдарламасын iске асыру шеңберiнде пайдаланады."; 

9-тармақ мынадай редакцияда жазылсын: 

"9. Ауылдық несие серiктестiктерiн құру ауыл шаруашылығы өнiмдерiн өндiрудi тиiмдi және/немесе қайта өңдеудi жүргiзетiн өңiрлерде пайдалы, экономикалық тұрғыдан өзiн ақтайтын аграрлық өнеркәсiп кешенi секторларында жүргiзiледі."; 

11-тармақтың 1) тармақшасында: 

үшiншi абзацта: 

"немесе ауыл шаруашылығы өндірісінің" сөздер алынып тасталсын; 

"ауыл шаруашылығы" деген сөздер "ауыл шаруашылығы өнiмдерiн өндiру және/немесе қайта өңдеу саласындағы" сөздермен ауыстырылсын; 

жетiншi абзацтағы "өздері өндірген" деген сөздер алынып тасталсын.

2. Осы қаулы қол қойылған күнiнен бастап күшіне енедi.

Қазақстан Республикасының 

Премьер-Министрі