Қазақстан Республикасының Үкiметi ҚАУЛЫ ЕТЕДІ: 

1. "Автомобиль көлiгiмен қауіпті жүктердi тасымалдау жөнiндегі кейбiр мәселелер туралы" Қазақстан Республикасы Үкiметiнiң 2004 жылғы 12 наурыздағы N 316  қаулысына  (Қазақстан Республикасының ПҮКЖ-ы, 2004 ж., N 14, 176-құжат) мынадай толықтырулар мен өзгерiстер енгiзiлсiн: 

көрсетiлген қаулымен бекiтiлген Автокөлiк құралдарымен қауiптi жүктердi тасымалдау, олардың Қазақстан Республикасының аумағы арқылы жүрiп өту ережесi және қауiптi жүктердi тасымалдайтын жүргізушілер мен автокөлiк құралдарына қойылатын білiктiлiк талаптарында: 

2-тармақ: 

"әрекеті" деген сөзден кейiн "Қазақстан Республикасының аумағы бойынша" деген сөздермен толықтырылсын; 

мынадай мазмұндағы абзацпен толықтырылсын: 

"Қауiптi жүктердi автокөлiк құралдарымен халықаралық тасымалдау Қазақстан Республикасының халықаралық шарттарының талаптарына сәйкес жүзеге асырылады."; 

5-тармақ "уәкілеттi орган" деген сөздерден кейiн "(бұдан әрi - уәкiлетті орган)" деген сөздермен толықтырылсын; 

8-тармақта: 

"(рұқсаттың)" деген сөз алынып тасталсын; 

мынадай мазмұндағы абзацпен толықтырылсын: 

"Қазақстан Республикасының Үкiметi бекiтетiн тiзбе бойынша жарылғыш немесе күшті әсер ететiн улы заттарды; азаматтық және қызметтік қаруды және оларға патрондарды, азаматтық пиротехникалық заттарды және олар қолданылған бұйымдарды тасымалдау кезiнде ішкі iстер органдары берген рұқсаттың бар болуы талап етіледi."; 

9-тармақ алынып тасталсын; 

10-тармақта: 

бiрiнші абзац мынадай редакцияда жазылсын: 

"Жүк жөнелтушi (жүк алушы) мен тасымалдаушы арасында Қазақстан Республикасының заңнамасына сәйкес қауiптi жүк тасымалын жүзеге асыруға шарт жасалады."; 

4) тармақша "қауіп" деген сөзден кейiн "және қауіптi жүктi бейтараптандыру" деген сөздермен толықтырылсын; 

11 және 12-тармақтар мынадай редакцияда жазылсын: 

"11. Қауіптi жүктi тасымалдау шартын жасасу тауар-көлік жүкқұжатын жасаумен расталады.