Қазақстан Республикасының Үкiметi ҚАУЛЫ ЕТЕДI:

1. «Жүргізушілердің еңбегі мен тынығуын ұйымдастыру, сондай-ақ тахографтарды қолдану қағидасын бекіту туралы» Қазақстан Республикасы Үкiметiнiң 2011 жылғы 11 мамырдағы № 493 қаулысына (Қазақстан Республикасының ПҮАЖ-ы, 2011 ж., № 37, 452-құжат) мынадай өзгерістер мен толықтырулар енгізілсін:

көрсетілген қаулымен бекітілген Жүргізушілердің еңбегі мен тынығуын ұйымдастыру, сондай-ақ тахографтарды қолдану қағидасында:

2-тармақта:

23) тармақша мынадай редакцияда жазылсын:

«23) өтініш беруші – электрондық (цифрлық) тахографқа электрондық карточка беру үшін өңіраралық көліктік бақылау инспекциясына өтініш білдірген жеке немесе заңды тұлға;»;

24) тармақша мынадай редакцияда жазылсын:

«24) сервис орталығы (шеберхана) (бұдан әрі – сервис орталығы) – тахографтарды орнату және қызмет көрсету жөніндегі қызметті жүзеге асыратын жеке немесе заңды тұлға;»;

мынадай мазмұндағы 27-1) тармақшамен толықтырылсын:

«27-1) тахографқа қызмет көрсету - тахографты дәлдеу және жөндеу бойынша жұмыстар жүргізу;»;

34) тармақша мынадай редакцияда жазылсын:

«34) электрондық (цифрлық) тахографтың электрондық карточкасы (бұдан әрі – карточка) – жүргізушінің еңбек және демалыс режимі туралы деректерді, электрондық (цифрлық) тахографпен жұмыс істеу үшін қажетті өзге де ақпаратты сақтауға мүмкіндік беретін интегралды микросхемасы бар карточка.»;

3-тармақта:

3) тармақша мынадай редакцияда жазылсын:

«3) жолаушылардың және багаждың автомобильмен облысаралық қалааралық тұрақты тасымалдары;»;

мынадай мазмұндағы 4) тармақшамен толықтырылсын:

«4) жолаушыларды және багажды автомобильмен облысаралық қалааралық, ауданаралық (облысішілік қалааралық) тұрақты емес тасымалдау.»;

34-тармақтың 4) тармақшасы мынадай редакцияда жазылсын:

«4) тахограф істен шыққан кезде, еңбек және демалыс режимінің жазбасын диаграммалық дискінің сыртқы жағында оған түсірілген тиісті графикалық белгілерді пайдалана отырып қолмен жүргізеді және ақауларды жою үшін қозғалыс бағыты бойынша ең жақын сервис орталығына өтініш жасаумен шаралар қабылдайды. Жүргізушілер автокөлік құралынан тысқары болып, бақылау құрылғысын пайдалана алмаған жағдайда, олар өздерінің диаграммалық дискілеріне іс-әрекеттері мен демалысы туралы мәліметтерді қолмен енгізеді;»;