Қазақстан Республикасы Үкіметінің 2008 жылғы 11 маусымдағы № 573 қаулысымен бекітілген «Болашақ» халықаралық стипендиясын тағайындау үшін үміткерлерді іріктеу ережесін іске асыру мақсатында БҰЙЫРАМЫН: 

1. «Болашақ» халықаралық стипендиясын тағайындау конкурсына қатысу үшін үміткерлердің құжаттарын қабылдаудың және 2012 жылы осы конкурсты өткізудің мына мерзімдері белгіленсін:

1) құжаттарды қабылдау - 2012 жылғы 14 мамыр мен 1 қазан аралығында;

2) өз бетімен түскендер санаты үшін құжаттар қабылдау – 2012 жылғы 14 мамыр мен 25 шілде аралығында;

3) конкурсты өткізу – 2012 жылғы 4 маусым мен 2013 жылғы 31 қаңтар аралығында.

1-тармақ жаңа редакцияда ҚР Білім және ғылым министрінің 20.06.2012 № 287 (06.04.2012 жылғы редакцияны қараңыз) Бұйрығымен.(алғашқы ресми жарияланған күнінен бастап қолданысқа енгізіледі)

2. Мыналар:

1) осы бұйрыққа 1-қосымшаға сәйкес, «Болашақ» халықаралық стипендиясын тағайындау үшін бағалар баламалығы кестесі;

2) осы бұйрыққа 2-қосымшаға сәйкес, «Болашақ» халықаралық стипендиясын тағайындауға үміткерлер үшін мемлекеттік және шет тілдерін білуінің, сондай-ақ пәндік емтихандарының қажетті ең төменгі деңгейі;

3) осы бұйрыққа 3-қосымшаға сәйкес, «Болашақ» халықаралық стипендиясын тағайындауға үміткерлердің Тәуелсіз сараптама комиссиясының мүшелерімен дербес әңгімелесуінің бағалау парағының типтік нысаны;

4) осы бұйрыққа 4-қосымшаға сәйкес, «Болашақ» халықаралық стипендиясын тағайындау конкурсына қатысу үшін үміткерлер сауалнамасының типтік нысаны;

5) осы бұйрыққа 5-қосымшаға сәйкес, «Болашақ» халықаралық стипендиясын тағайындауға үміткерлер үшін тағылымдамадан өту бағдарламасына талаптар;

6) осы бұйрыққа 6-қосымшаға сәйкес, тілдік курстардың ұзақтылық кестесі;

7) осы бұйрыққа 7-қосымшаға сәйкес, маман даярлауға жұмыс берушінің тапсырыс нысаны;

8) осы бұйрыққа 8-қосымшаға сәйкес, Қазақстан Республикасы жоғары оқу орнының маман даярлауға тапсырыс нысаны;

9) осы бұйрыққа 9-қосымшаға сәйкес, 2012 жылға арналған «Болашақ» халықаралық стипендиясын тағайындау конкурсы үміткерлерінің оқуы, тілдік курстардан өтуі үшін ұсынылатын шетелдің жетекші жоғары оқу орындарының, шетелдік ұйымдардың тізімі;

10) осы бұйрыққа 10-қосымшаға сәйкес, 2012 жылға арналған «Болашақ» халықаралық стипендиясы шеңберінде оқу үшін мәндес мамандықтар тізбесі бекітілсін.

3. Осы бұйрыққа 11-қосымшаға сәйкес, Қазақстан Республикасы Білім және ғылым министрінің кейбір бұйрықтары күшін жойды деп есептелсін.

4. Стратегиялық жоспарлау және ақпараттық технологиялар департаменті: