Қазақстан Республикасының Үкіметі ҚАУЛЫ ЕТЕДІ:
Внимание! Документ утратил силу с 18.06.2015
Қазақстан Республикасы Үкіметінің 2007 жылғы 19 қазандағы N 972 қаулысына толықтырулар мен өзгерістер енгізу және Қазақстан Республикасы Үкіметінің 1996 жылғы 15 қарашадағы N 1392 қаулысының күші жойылды деп тану туралы Қазақстан Республикасы Үкіметінің 2008 жылғы 12 мамырдағы N 439 Қаулысы
Осы Қаулы күшін жойды ҚР Үкіметінің 18.06.2015 жылғы № 458 Қаулысына сәйкес
1. "Шет елдермен ынтымақтастық жөніндегі бірлескен үкіметаралық комиссиялардың (комитеттердің, кеңестердің) және олардың кіші комиссияларының (кіші комитеттердің, жұмыс топтарының) қазақстандық бөлігін жүргізуге жауапты Қазақстан Республикасы мемлекеттік органдарының тізбесін бекіту туралы" Қазақстан Республикасы Үкіметінің 2007 жылғы 19 қазандағы N 972 қаулысына мынадай толықтырулар мен өзгерістер енгізілсін:
көрсетілген қаулымен бекітілген шет елдермен ынтымақтастық жөніндегі бірлескен үкіметаралық комиссиялардың (комитеттердің, кеңестердің) және олардың кіші комиссияларының (кіші комитеттердің, жұмыс топтарының) қазақстандық бөлігін жүргізуге жауапты Қазақстан Республикасы мемлекеттік органдарының тізбесінде:
"Қазақстан Республикасы Индустрия және сауда министрлігі" деген 5-бөлім мынадай мазмұндағы 19-1 және 19-2-тармақтармен толықтырылсын:
"19-1. Қазақстан-катар жоғары деңгейдегі бірлескен комиссиясы.
19-2. "Қазақстан Республикасы - Еуропалық Одақ" ынтымақтастық кеңесі.";
"Қазақстан Республикасы Ауыл шаруашылығы министрлігі" деген 10-бөлімде 39-тармақ алынып тасталсын;
"Қазақстан Республикасы Туризм және спорт министрлігі" деген 13-бөлімде 55-тармақ алынып тасталсын;
"Қазақстан Республикасы Экономика және бюджеттік жоспарлау министрлігі" деген 16-бөлімде:
66-тармақ алынып тасталсын;
мынадай мазмұндағы 66-1-тармақпен толықтырылсын:
"66-1. Қазақстан-италия өнеркәсіптік және экономикалық ынтымақтастық пен алмасу жөніндегі үкіметаралық жұмыс тобы.";
"Қазақстан Республикасы Энергетика және минералдық ресурстар министрлігі" деген 17-бөлімде:
70-тармақ алынып тасталсын;
мынадай мазмұндағы 79-1-тармақпен толықтырылсын:
"79-1. Қазақстан-жапон экономикалық ынтымақтастығы жөніндегі комитет.".
2. "Қазақстан Республикасы мен Жапония арасындағы экономикалық ынтымақтастықты тереңдету туралы" Қазақстан Республикасы Үкіметінің 1996 жылғы 15 қарашадағы N 1392 қаулысының күші жойылды деп танылсын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К.Мәсімов
Полная версия