«Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабының 4-тармағына сәйкес БҰЙЫРАМЫН: 

1. Қоса беріліп отырған мемлекеттік қызметтер регламенттері бекітілсін:

1) осы бұйрыққа 1-қосымшаға сәйкес «Теңіз кемелерін бербоут-чартер тізілімінде мемлекеттік тіркеу»;

2) осы бұйрыққа 2-қосымшаға сәйкес «Салынып жатқан кемеге меншік құқықтарына салынып жатқан кемелер тізілімінде мемлекеттік тіркеу»;

3) осы бұйрыққа 3-қосымшаға сәйкес «Шет мемлекеттің туын көтерiп жүзетiн кемелердiң каботажды жүзеге асыруына рұқсат беру».

2. Қазақстан Республикасы Көлік және коммуникация министрлігінің Су көлігі департаменті (Б.Ж. Жансүгіров):

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) белгіленген тәртіппен осы бұйрықтың ресми жариялануын;

3) осы бұйрықтың Қазақстан Республикасы Көлік және коммуникация министрлігінің интернет-ресурстарында орналастырылуын қамтамасыз етсін.

3. Осы бұйрықтың орындалуын бақылау Қазақстан Республикасы Көлік және коммуникация вице-министрі Қ.Б. Әбсаттаровқа жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

1. Осы «Теңіз кемелерін бербоут-чартер тізілімінде мемлекеттік тіркеу» Регламентінде (бұдан әрі - Регламент) келесі терминдер мен аббревиатуралар пайдаланылады:

1) куәлік – бербоут-чартер шартымен жалға алынған шетелдік кемеге Қазақстан Республикасының Мемлекеттік туын көтеріп жүзу құқығын уақытша беру туралы куәлік;

2) мемлекеттік қызмет – теңіз кемелерін бербоут-чартер тізіліміне мемлекеттік тіркеу;

3) Порттың теңіз әкімшілігі – Қазақстан Республикасы Көлік және коммуникация министрлігінің аумақтық бөлімшесі;