Қазақстан Республикасының «Қазақстан Республикасының кейбір заңнамалық актілеріне азық-түлiктiк қауiпсiздiгi мәселелері бойынша өзгертулер мен толықтырулар енгізу туралы» 2009 жылғы 11 желтоқсандағы Заңын іске асыру мақсатында БҰЙЫРАМЫН: 

1. Қоса берілген агент пен астықты қайта өңдеу ұйымы арасындағы ішкі нарықты реттеу мақсатында мемлекеттік сатылатын және мемлекеттік тұрақтандыру астық ресурстарынан астық жеткізу шартының үлгі нысаны бекітілсін.

2. Қазақстан Республикасы Ауыл шаруашылығы министрлігінің Егіншілікті дамыту және фитосанитариялық қауіпсіздік департаменті осы бұйрықтың Қазақстан Республикасы Әділет министрлігінде заңнамада белгiленген тәртiппен мемлекеттік тіркелуін қамтамасыз етсін.

3. Осы бұйрық алғашқы рет ресми жарияланған күннен бастап он күнтізбелік күн өткеннен кейін қолданысқа енгізіледі.

___________________________________, бұдан әрi «Сатушы» деп аталатын, __________________ негiзiнде әрекет ететiн, __________________ тұлғасында, бір жағынан, және _________________ бұдан әрі «Сатып алушы» деп аталатын, __________________ негiзiнде әрекет ететiн, _______________ тұлғасында, екінші жағынан, бұдан әрі бiрлесiп «Тараптар» деп аталатындар, мына төмендегі туралы осы шартты (бұдан әрі – Шарт) жасасты:

1.1. Мемлекеттiк сатылатын және/немесе мемлекеттік тұрақтандыру ресурстарының астығын (бұдан әрі – жеткізілетін астық) астықты қайта өңдеу мекемелеріне мақсатты пайдалану үшін жеткізу осы шарттың мәнi болып табылады.

2.5. Шарт бойынша астықты сату астық қолхатында Сатып алушы пайдасына беру жазбаларын жасау арқылы жүзеге асырылады.

Астыққа меншік құқығын Сатып алушы Сатып алушыға астық қолхаты және оның куәліктері бойынша құқығын беруді куәлік ететін астық қолхатында беру жазбаларын жасау мезгілінен бастап ие болады.

3.1. Сатушы міндеттенеді:

1) астықты Шарттың 2-бөлімінде көрсетілген көлемде және сапалық көрсеткіштерімен жеткізуге;

2) Шарттың 2.4-тармағында көзделген тәртіппен Сатып алушымен алдын-ала төлем жүзеге асырылғаннан кейін бес жұмыс күннің ішінде астық қолхатында беру жазбаларын жасауға және жеткізілетін астыққа есеп шот фактурасын беруге;

3) астық қабылдау кәсіпорнына қабылдаған күнінен бастап астық қолхаты бойынша құқықты Сатып алушыға берген сәтке дейінгі жеткізілетін астықты сақтау жөніндегі шығындарды төлеуге.

3.2. Шарт бойынша Сатушының міндеттемелері астық қолхатында беру жазбалары жасалған сәттен бастап толық орындалған болып есептеледі.

3.3. Сатып алушы міндеттенеді:

1) Шарттың 2.4-тармағына сәйкес жеткізілетін астықтың жалпы құнын төлеуге;

2) астық қолхатында Сатушы индоссамент жасаған күні индоссамент жасауға;

4) облыстың (республикалық маңызды қаланың, астананың) жергілікті атқарушы органына астықты мақсатты пайдалану туралы мәліметтерді, растайтын құжаттарды қосып, тапсыруға;

5) Сатушымен астық қолхатында беру жазбасы жасалған кейін жеткізілетін астықты сақтау, тиеу, тасымалдаумен байланысты барлық шығындарды өтеуге.

4.1. Шарт бойынша барлық даулар мен келіспеушіліктер серіктестік келіссөздер арқылы шешіледі.

4.2. Туындаған даулар мен келіспеушіліктер бойынша келiсiмге қол жетпесе даулар мен келіспеушіліктер Қазақстан Республикасының заңнамасында белгіленген тәртiппен сотта қаралуға жатады.

5.1. Шарт Тараптармен қол қойылған күнінен бастап күшіне енеді және Тараптармен өздерінің міндеттерін толық орындағанша қолданылады.

5.2. Барлық өзгертулермен толықтырулар тек қана жазбаша түрде рәсімденіп және Тараптардың уәкілетті өкілдерімен қол қойылған жағдайда жарамды болып есептеледі.

5.3. Тараптардың әрқайсысы азаматтық заңнамамен қарастырылған жағдайларда бір бағыттық тәртіппен Шартты орындаудан бас тартуға құқылы.

5.4. Шартпен реттелмеген бөлiгiнде Қазақстан Республикасы заңнамасының нормалары қолданылады.

5.5. Осы Шарт мемлекеттік және орыс тілінде бірдей заң күші бар екі данада, әр Тарап үшін бір данадан құрылған.