Қазақстан Республикасының Үкіметі ҚАУЛЫ ЕТЕДІ: 

1. "Білім туралы мемлекеттік үлгідегі құжаттардың түрлері мен нысандарын және оларды беру ережесін бекіту туралы" Қазақстан Республикасы Үкіметінің 2007 жылғы 28 желтоқсандағы N 1310 қаулысына (Қазақстан Республикасының ПҮАЖ-ы, 2007 ж., N 50, 607-құжат) мынадай өзгеріс пен толықтыру енгізілсін: 

көрсетілген қаулымен бекітілген білім туралы мемлекеттік үлгідегі құжаттардың түрлері мен нысандары осы қаулыға қосымшаға сәйкес жаңа редакцияда жазылсын; 

көрсетілген қаулымен бекітілген Білім туралы мемлекеттік үлгідегі құжаттарды беру ережесінде: 

6-тармақтың екінші абзацы мынадай редакцияда жазылсын: 

"Азамат құжаты жоғалғандығы туралы ақпаратты мерзімді баспасөз басылымында орналастырғаннан кейін құжаттың телнұсқасын беру туралы шешімді білім беру ұйымының басшысы немесе оны алмастыратын тұлға қабылдайды.". 

2. Осы қаулы алғаш рет ресми жарияланған күнінен бастап қолданысқа енгізіледі.

1. Куәлік, аттестат, диплом қорытынды аттестаттаудан өткендігі туралы куәландыратын және академиялық дәрежені тағайындап және (немесе) біліктілікті бере отырып, білім алушының тиісті білім беру деңгейінің мемлекеттік жалпыға міндетті стандартын меңгергенін растайтын білім туралы мемлекеттік үлгідегі құжаттардың түрлері (бұдан әрі - құжаттар) болып табылады. 

2. Құжаттардың барлық түрлері: 

1) көлемі 224x160 мм қатты мұқабадан (ғылым кандидаты және ғылым докторы дипломдары үшін - 320x125 мм); 

2) көлемі 210x150 мм қосымша беттен (ғылым кандидаты және ғылым докторы дипломдары үшін - 310x110 мм); 

3) қосымшадан тұрады. 

3. Құжат мұқабасы: 

1) үздік құжат үшін - қызыл түстен; 

2) "Алтын белгі" белгісімен марапатталған тұлғаларға берілетін құжат үшін - көгілдір түстен;