Қазақстан Республикасының ұлттық қауіпсіздік органдары туралы» Қазақстан Республикасы Заңының 18-бабына сәйкес Қазақстан Республикасының Үкіметi ҚАУЛЫ ЕТЕДІ:

Кіріспе өзгертілді ҚР Үкіметінің 16.10.2014 жылғы № 1098 Қаулысымен (18.09.2012 ж. редакцияны қараңыз) (алғашқы ресми жарияланғаннан кейін күнтізбелік 10 (он) күн өткен соң қолданысқа енгізілуі тиіс) 30.10.2014 жылы „Егемен Қазақстан„ Республикалық газетінде жарияланды
Кіріспе жаңа редакцияда жазылды ҚР Премьер-Министрінің 24.10.2019 жылғы № 799 Қаулысына сәйкес (16.10.2014 ж. редакцияны қараңыз)(өзгерту 17.11.2019 жылдан бастап қолданысқа енгізіледі)
Кіріспе жаңа редакцияда жазылды ҚР Үкіметінің 10.08.2023 жылғы № 666 Қаулысына сәйкес (24.10.2019 ж. редакцияны қараңыз)(өзгерту 25.08.2023 жылдан бастап қолданысқа енгізіледі)

1. Қоса беріліп отырған Ұлттық қауіпсіздік органдары қызметкерінің немесе әскери қызметшісінің денсаулығына және мүлкіне келтірілген залалды, сондай-ақ ұлттық қауіпсіздік органдары қызметкерінің немесе әскери қызметшісінің қызметтік міндеттерін орындауына байланысты олардың отбасы мүшелерінің және жақын туыстарының денсаулығына және мүлкіне келтірілген залалды өтеу қағидалары бекітілсін.

1-тармақ жаңа редакцияда жазылды ҚР Үкіметінің 10.08.2023 жылғы № 666 Қаулысына сәйкес (24.10.2019 ж. редакцияны қараңыз)(өзгерту 25.08.2023 жылдан бастап қолданысқа енгізіледі)

2. Осы қаулы алғашқы ресми жарияланған күнiнен бастап күнтiзбелiк он күн өткен соң қолданысқа енгiзiледi.

1. Осы Ұлттық қауіпсіздік органдары қызметкерінің немесе әскери қызметшісінің денсаулығына және мүлкіне келтірілген залалды, сондай-ақ ұлттық қауіпсіздік органдары қызметкерінің немесе әскери қызметшісінің қызметтік міндеттерін орындауына байланысты олардың отбасы мүшелерінің және жақын туыстарының денсаулығына және мүлкіне келтірілген залалды өтеу қағидалары (бұдан әрі – Қағидалар) «Қазақстан Республикасының ұлттық қауіпсіздік органдары туралы» Қазақстан Республикасы Заңының 18-бабына сәйкес әзірленді және ұлттық қауіпсіздік органдары қызметкерінің немесе әскери қызметшісінің (бұдан әрі – қызметкер) денсаулығына және мүлкіне келтірілген залалды, сондай-ақ қызметкердің қызметтік міндеттерін орындауына байланысты олардың отбасы мүшелерінің және жақын туыстарының денсаулығына және мүлкіне келтірілген залалды өтеу тәртібі мен шарттарын айқындайды.

2. Қызметкердің денсаулығына және мүлкіне келтірілген залалды, сондай-ақ қызметкердің қызметтік міндеттерін орындауына байланысты олардың отбасы мүшелерінің және жақын туыстарының денсаулығына және мүлкіне келтірілген залалды өтеу қызметкер қызметін өткеріп жүрген ұлттық қауіпсіздік органын ұстауға көзделген қаражат есебінен жүргізіледі.

3. Осы Қағидаларға сәйкес залалды өтеу түрінде төленген сома кейіннен залал келтірген адамнан өндіріп алынып, Қазақстан Республикасының заңнамасына сәйкес бюджет қаражатынан толық көлемде өтелуге тиіс.

4. Қызметкердің баянаты, қызметкердің отбасы мүшесінің немесе жақын туысының өтініші қызметкердің денсаулығына және мүлкіне келтірілген залалды, сондай-ақ қызметкердің қызметтік міндеттерін орындауына байланысты оның отбасы мүшелерінің және жақын туыстарының денсаулығы мен мүлкіне келтірілген залалды өтеу үшін негіз болады.

4-тармақ жаңа редакцияда жазылды ҚР Үкіметінің 20.12.2023 жылғы № 1154 Қаулысына сәйкес (10.08.2023 ж. редакцияны қараңыз)(өзгерту 02.01.2024 жылдан бастап қолданысқа енгізіледі)

5. Залалды өтеу үшін қызметкер тікелей бастығына ұлттық қауіпсіздік органының бірінші басшысының қаржы және (немесе) экономикалық қызметке жетекшілік ететін орынбасарының атына жазылған залалды өтеу туралы баянат ұсынады.

5-тармақ жаңа редакцияда жазылды ҚР Үкіметінің 20.12.2023 жылғы № 1154 Қаулысына сәйкес (10.08.2023 ж. редакцияны қараңыз)(өзгерту 02.01.2024 жылдан бастап қолданысқа енгізіледі)

Бұл ретте қызметкердің отбасы мүшесінің немесе жақын туысының залалды өтеу туралы өтініші ұлттық қауіпсіздік органына жіберіледі.

Баянатқа (өтінішке) қызметкердің денсаулығына және мүлкіне келтірілген залалды, сондай-ақ қызметкердің қызметтік міндеттерін орындауына байланысты оның отбасы мүшесі мен жақын туысының денсаулығына және мүлкіне келтірілген залалды өтеу туралы сот шешімінің көшірмесі не одан соттың мөрімен куәландырылған үзінді (судьяның электрондық цифрлық қолтаңбасымен куәландырылған электрондық құжат нысанындағы сот актісінің көшірмесі не одан үзiндi) және (немесе) келтірілген залал туралы маманның (сарапшының) қорытындысы қоса беріледі.

6. Өтелетін залалдың мөлшері сот арқылы белгіленеді.

7. Қызметкер, қызметкердің отбасы мүшесі немесе жақын туысы осы Қағидалардың 4 және 5-тармақтарында көрсетілген құжаттарды ұсынған күннен бастап 10 (он) жұмыс күні ішінде ұлттық қауіпсіздік органының уәкілетті басшысы өтелетін залал сомасын көрсетіп, залалды өтеу туралы бұйрықты (бұдан әрі – бұйрық) бекітеді, оны қызметкер қызмет өткеріп жатқан жердегі кадр бөлімшесі дайындайды.

7-тармақ жаңа редакцияда жазылды ҚР Үкіметінің 20.12.2023 жылғы № 1154 Қаулысына сәйкес (10.08.2023 ж. редакцияны қараңыз)(өзгерту 02.01.2024 жылдан бастап қолданысқа енгізіледі)

8. Кадр бөлімшесі залалды өтеу туралы бұйрық шыққан күннен бастап 5 (бес) жұмыс күні ішінде одан үзіндіні төлемдерді қамтамасыз ету үшін ұлттық қауіпсіздік органының қаржы бөлімшесіне жібереді.

8-тармақ жаңа редакцияда жазылды ҚР Үкіметінің 20.12.2023 жылғы № 1154 Қаулысына сәйкес (10.08.2023 ж. редакцияны қараңыз)(өзгерту 02.01.2024 жылдан бастап қолданысқа енгізіледі)

9. Залалды өтеу бұйрық негізінде алушының ағымдағы шотына:

9-тармақ жаңа редакцияда жазылды ҚР Үкіметінің 20.12.2023 жылғы № 1154 Қаулысына сәйкес (10.08.2023 ж. редакцияны қараңыз)(өзгерту 02.01.2024 жылдан бастап қолданысқа енгізіледі)

1) міндеттемелер мен төлемдер бойынша жеке қаржыландыру жоспарларында қаражат болған кезде – ұлттық қауіпсіздік органының қаржы бөлімшесіне бұйрық түскен күннен бастап 10 (он) жұмыс күні ішінде;

2) міндеттемелер мен төлемдер бойынша жеке қаржыландыру жоспарларында қаражат болмаған кезде – міндеттемелер мен төлемдер бойынша жеке қаржыландыру жоспарларына тиісті өзгерістер енгізілгеннен кейін аудару арқылы жүзеге асырылады.

Залалды екі рет (мемлекеттің және кінәлі тұлғаның есебінен) өтеуге жол бермеу мақсатында кадр бөлімшесі қызметкерге, қызметкердің отбасы мүшесіне немесе жақын туысына ақшалай қаражат аударылғаннан кейін 10 (он) жұмыс күні ішінде шешім шығарған судьяға залалдың мемлекет есебінен өтелгені туралы ақпарат жібереді, ал заң бөлімшесі аударылған соманы заңсыз іс-әрекетінің нәтижесінде қызметкерге, қызметкердің отбасы мүшесіне немесе жақын туысына залал келтірген тұлғадан өндіріп алу бойынша шаралар қабылдайды.

10. Залал келтірген кінәлі тұлғаның есебінен залал өтелген жағдайларда қызметкер қызмет өткеріп жүрген ұлттық қауіпсіздік органы аталған төлемді жүзеге асырмайды.

11. Төлемдерді заңсыз алуға бағытталған әрекеттер Қазақстан Республикасының заңнамасына сәйкес жауапкершілікке әкеп соқтырады.