Қазақстан Республикасының Үкіметі ҚАУЛЫ ЕТЕДІ :

1. «Экспорттық бақылауға жататын өнімнің номенклатурасын (тізімін) бекіту туралы» Қазақстан Республикасы Үкіметінің 2008 жылғы 5 ақпандағы № 104 қаулысына (Қазақстан Республикасының ПҮАЖ-ы, 2008 ж., № 5, 57-құжат) мынадай өзгерістер мен толықтырулар енгізілсін:

көрсетілген қаулымен бекітілген экспорттық бақылауға жататын өнімнің номенклатурасында (тізімінде):

«Екi ұдай қолданылатын (мақсаттағы) тауарлар мен технологиялар» деген бөлімде:

«Тiзiмде пайдаланылатын терминдердiң анықтамалары» деген кіші бөлімде:

«Ұшу аппараты» (1, 7, 9) деген термин мынадай редакцияда жазылсын:

«Ұшу аппараттары» (1, 7, 9) – жылжымайтын қанаты, бұрылмалы қанаты (тікұшақ), айналмалы қанаты, бұрылмалы тірек бұрандасы немесе қанатының оқтай қалпы өзгермелі ұшу аппараттары.»;

«Композициялық материал» (1, 2, 6, 8, 9) деген термин мынадай редакцияда жазылсын:

«Композициялық материал» (1, 2, 6, 8, 9) – бөлшектерден, жіптәріздес кристалдардан, талшықтардан немесе олардың кез келген комбинациясынан тұратын, белгілі бір мақсат немесе мақсаттар үшін әзірленген «матрица» және қосымша фаза немесе қосымша фазалар.»;

«Оқшаулау» (9) деген термин мынадай редакцияда жазылсын:

«Оқшаулау» (9) зымыран қозғалтқыштарының құрамдауыштары, яғни корпус, сопло, ауа сақтағыштары, корпустың бітеуіштері үшін қолданылады және құрамында оқшаулау және отқа төзімді материал бар вулканизацияланған немесе жартылай вулканизацияланған резеңке қоспаның пластинасын қамтиды. Сондай-ақ қорғаныш оқшаулағышты немесе кернеуді төмендетуге арналған төсемді қамтуы мүмкін.»;

«Ішкі қаптау» (9) деген термин мынадай редакцияда жазылсын:

«Ішкі қаптау» (9) – қатты зымыран отыны мен корпус немесе оқшаулау төсемі арасындағы қабатша үшін қолданылады. Әдетте, бұл сұйық полимер негізіндегі оқшаулау немесе отқа төзімді материал, мысалы, түпкi гидроксилдi топтармен көмiртегi толтырылған полибутадиен (КТКП) немесе тозаңданатын немесе вулканизациялық қоспалармен корпустың iшiне орналастырылған басқа полимер.»;

«Лазер» (0, 2, 3, 5, 6, 7, 8, 9) деген термин мынадай редакцияда жазылсын:

«Лазер» (0, 2, 3, 5, 6, 7, 8, 9) – құрауыштардың жиынтығы, олар кеңістікте де, сондай-ақ уақыт бойынша да сәулеленудiң ынталандырылған эмиссиясы арқылы күшейтілетін когерентті жарықтық сәулеленуді жасайды.»;

«Лазер» деген терминге айрықша ескертпе мынадай редакцияда жазылсын:

«Айрықша ескертпе: «Химиялық лазерді»; «Аса жоғары қуатты лазерді»; «Қайта құрылатын лазерді» де қараңыз.»;

«Зымыран» (1, 3, 6, 7, 9) деген термин мынадай редакцияда жазылсын:

«Реактивті снарядтар» (1, 3, 6, 7, 9) – кемінде 300 км қашықтыққа салмағы кемінде 500 кг жүкті жеткізуге қабілетті толық зымыран жүйелері және пилотсыз ұшу аппараты.»;