1. «Авиация персоналына куәлiктер беру» мемлекеттік қызметті (бұдан әрі - мемлекеттік көрсетілетін қызмет) «Қазақстан Республикасының әуе кеңістігін пайдалану және әуе қызметі туралы» Қазақстан Республикасының 2010 жылғы 15 шілдедегі Заңының 54-бабының 5-тармағының негізінде, сондай-ақ Қазақстан Республикасы Үкіметінің 2014 жылғы 14 наурыздағы № 240 қаулысымен бекітілген «Авиация персоналына куәлiктер беру» мемлекеттік көрсетілетін қызмет стандартына сәйкес Қазақстан Республикасы Көлік және коммуникация министрлігінің Азаматтық авиация комитеті (бұдан әрі – қызметті беруші) көрсетеді.

2. Мемлекеттік көрсетілетін қызмет үшін құжаттарды қабылдау және мемлекеттік көрсетілетін қызмет нәтижелерін беру қызметті берушінің кеңсесі арқылы жүзеге асырылады.

3. Мемлекеттік көрсетілетін қызмет нысаны: қағаз түрінде.

4. Мемлекеттік көрсетілетін қызмет нәтижесі авиация персоналына куәлiктер (бұдан әрі - куәлік) беру болып табылады.

Мемлекеттік көрсетілетін қызмет нәтижесін беру нысаны: қағаз түрінде.

5. Мемлекеттік көрсетілетін қызмет бойынша рәсімді (іс-қимылды) бастауға негіздеме Қазақстан Республикасы Үкіметінің 2014 жылғы 14 наурыздағы № 240 қаулысымен бекітілген «Авиация персоналына куәлiктер беру» мемлекеттік көрсетілетін қызмет стандартынның 9-тармағында көрсетілген қызметті алушының мемлекеттік көрсетілетін қызметке қажетті өтініш пен өзге де құжаттарды беру болып табылады.

6. Мемлекеттік көрсетілетін қызмет процесінің рәсімдері (іс-қимылдары):

1) қызметті беруші кеңсесінің қызметкері 30 минут ішінде кіріс хат-хабарын тіркеу журналында мемлекеттік қызметті алу үшін қажет қызметті алушының өтініші мен өзге де құжаттарын тіркеп, оларды қызметті берушінің басшысына қарастыруға жібереді;

2) қызметті берушінің басшысы 2 сағат ішінде мемлекеттік қызметті алу үшін қажет қызметті алушының өтініші мен өзге де құжаттарын қарап, оларды көрсетілетін қызметті берушінің Авиация персоналына куәлiктер беруді ұйымдастыру және медицина жөніндегі басқармасының (бұдан әрі - Басқарма) басшысына жібереді;

3) Басқарма басшысы 2 сағат ішінде мемлекеттік қызметті алу үшін қажет қызметті алушының өтініші мен өзге де құжаттарын қарап, оларды Басқарманың бас сарапшысына (сарапшы) жібереді;

4) Басқарманың бас сарапшысы (сарапшы) мемлекеттік қызметті алу үшін қажетті қызметті алушының өтініші мен өзге де құжаттарын тіркеу күнінен бастап күнтізбелік 30 күн ішінде куәліктерді ресімдеуді немесе куәліктің мерзімінің ұзартылуын және көрсетілетін қызметті алушы басшысының қол қоюын қамтамасыз етеді.

Бас сарапшы (сарапшы) 15 минут ішінде қызметті алушының жеке келуі кезінде куәлікті береді.

7. Мынадай рәсімді (іс-қимылды) орындауды бастауға негіздеме болатын мемлекеттік көрсетілетін қызмет рәсімінің (іс-қимылдың) нәтижесі:

1) мемлекеттік көрсетілетін қызмет үшін қажетті қызметті алушының өтініші мен өзге де құжаттарын қызметті берушінің кеңсесінде тіркеу және оларды қызметті берушінің басшысына беру;

2) Басқарма басшысына қарастыру үшін қызметті беруші басшысының қарары;

3) Басқарманың бас сарапшысына (сарапшының) қарастыру үшін Басқарма басшысының қарары;