Құқықтық статистика және арнайы есепке алу саласындағы заңдылығын қадағалау бойынша уәкілетті прокурордың жұмысы туралы есептілікті автоматтандыру мақсатында, «Прокуратура туралы» 1995 жылғы 21 желтоқсандағы Қазақстан Республикасы Заңы 11-бабының 1-тармағының 4-1) тармақшасын басшылыққа ала отырып, БҰЙЫРАМЫН:

1. Бекітілсін:

1) осы бұйрықтың 1-қосымшасына сәйкес «Уәкілетті прокурордың құқықтық статистика және арнайы есепке алу саласындағы заңдылықты қадағалау бойынша жұмысы туралы» № 9 нысанды есеп;

2) осы бұйрықтың 2-қосымшасына сәйкес «Уәкілетті прокурордың құқықтық статистика және арнайы есепке алу саласындағы заңдылықты қадағалау бойынша жұмысы туралы» № 9 нысанды ақпараттық есепке алу құжат (әрі қарай - АЕҚ) және оған қосымша;

3) осы бұйрықтың 3-қосымшасына сәйкес «Бірыңғай біріздендірілген статистикалық жүйе» автоматтандырылған ақпараттық жүйесінде (бұдан әрі - ББСЖ ААЖ) № 9 нысанды ақпараттық есепке алу құжатын толтыру жөніндегі және «Уәкілетті прокурордың құқықтық статистика және арнайы есепке алу саласындағы заңдылықты қадағалау бойынша жұмысы туралы» № 9 нысанды есепті қалыптастыру жөніндегі нұсқаулық.

2. Қазақстан Республикасы Бас прокуратурасының Құқықтық статистика және арнайы есепке алу жөніндегі комитет (бұдан әрі - Комитет):

1) ББСЖ ААЖ ақпараттық есепке алу құжаттарды енгізуді қамтамасыз етілсін;

2) Комитеттің ББСЖ ААЖ АЕҚ енгізу үшін жедел қызметкерлердің ішінен жауапты тұлға айқындалсын;

3) енгізілетін деректердің толықтығы мен нақтылығын қамтамасыз етілсін;

4) аумақтық басқармаларының жедел қызметкерлеріне (тізім бойынша) логин мен парольдер ұсынсын.

2. Комитеттің аумақтық басқармаларының бастықтары:

1) осы бұйрыққа қол қойылған күнінен Комитетке онкүндік мерзімде логин мен парольдерді алу үшін жедел қызметкерлердің тізімін ұсынсын;

2) рұқсат берілмеген логиндер мен парольдерді пайдалануға жол бермеу бойынша шаралар қабылдасын;

3) техникалық себептерге байланысты ББСЖ ААЖ АЕҚ енгізу мүмкіндігі болмаған жағдайда Комитетке хабарласын;

4. Осы бұйрықтың орындалуын бақылау Комитет Төрағасына жүктелсін.

5. Осы бұйрық қол қойылған күнінен бастап қолданысқа енгізіледі.

Қазақстан Республикасының Бас Прокуроры А. Дауылбаев