1. «І санаттағы объектілер үшін экологиялық рұқсаттар беру» мемлекеттік көрсетілетін қызметін (бұдан әрі – мемлекеттік көрсетілетін қызмет) Қазақстан Республикасы Энергетика министрлігінің Экологиялық реттеу және бақылау комитеті және оның аумақтық бөлімшелері (бұдан әрі – көрсетілетін қызметті беруші) Қазақстан Республикасы Энергетика министрінің 2015 жылғы 23 сәуірдегі № 301 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11229 болып тіркелген) «І санаттағы объектілер үшін экологиялық рұқсаттар беру» мемлекеттік көрсетілетін қызмет стандартының (бұдан әрі - Стандарт) негізінде көрсетеді.

Өтініштерді қабылдау және мемлекеттік қызмет көрсету нәтижелерін беру www.egov.kz «электрондық үкімет» веб-порталы (бұдан әрі – портал) арқылы жүзеге асырылады.

2. Мемлекеттік қызметті көрсету нысаны - электрондық түрде.

3. Мемлекеттік қызметті көрсету нәтижесі – І санаттағы объектілер үшін қоршаған ортаға эмиссияларға рұқсат беру, рұқсатты қайта ресімдеу немесе мемлекеттік қызметті көрсетуден бас тарту туралы дәлелді жауап.

4. Стандарттың 9-тармағында бекітілген құжаттарды қосымша ұсына отырып, көрсетілетін қызметті алушының өтініші мемлекеттік қызметті көрсету бойынша рәсімді (іс-қимылды) бастау үшін негіздеме болып табылады.

5. Мемлекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, оның орындалу ұзақтығы:

қоршаған ортаға эмиссияларға рұқсат алу үшін (бұдан әрі- рұқсат):

көрсетілетін қызметті беруші кеңсесі қызметкерінің оның келіп түскен күні өтінішті тіркеуі және оны көрсетілетін қызметті берушінің басшылығына 1 (бір) сағат ішінде беруі (егер өтініш жұмыс күні 18-30 кейін, демалыс және мереке күндері келіп түссе, Қазақстан Республикасының еңбек заңнамасына сәйкес өтінішті қабылдау және мемлекеттік қызмет көрсету нәтижелерін беру келесі жұмыс күні жүзеге асырылады);

көрсетілетін қызметті беруші басшылығының 5 (бес) сағат ішінде құжаттың мазмұнымен танысуы және бұрыштама жазуы. Көрсетілетін қызметті берушінің тиісті құрылымдық бөлімшесінің басшысына (бұдан әрі – көрсетілетін қызметті берушінің басшысы) құжатты беруі;

көрсетілетін қызметті беруші басшысының 2 (екі) сағат ішінде құрылымдық бөлімшенің жауапты орындаушысын таңдауы (бұдан әрі – орындаушы);

орындаушы 2 (екі) жұмыс күні ішінде ұсынылған құжаттарды толықтығына тексереді;

ұсынылған құжаттардың толық еместігі анықталған жағдайда орындаушы 1 (бір) жұмыс күні ішінде өтінішті одан әрі қараудан бас тарту туралы дәлелді жауап дайындайды;

көрсетілетін қызметті беруші басшысының 4 (төрт) сағат ішінде өтінішті одан әрі қараудан бас тарту туралы дәлелді жауапты келісуі;

көрсетілетін қызметті беруші басшылығының 4 (төрт) сағатішінде өтінішті одан әрі қараудан бас тарту туралы дәлелді жауапқа қол қоюы;

қызметті берушінің басшылығы өтінішті одан әрі қараудан бас тарту туралы дәлелді жауапқа қол қойған соң қызметті алушы автоматты түрде берілген нөмірмен порталда, жеке кабинетінде жауапты алады;

ұсынылған құжаттар толық болған жағдайда орындаушы олардың Қазақстан Республикасының қоршаған ортаны қорғау саласындағы нормативтік құқықтық актілерінде белгіленген талаптарға сәйкестігін 7 (жеті) жұмыс күні қарастырады;

қарастырудың нәтижесі бойынша орындаушы 1 (бір) жұмыс күні ішінде рұқсатты беруді немесе мемлекеттік қызметті көрсетуден бас тарту туралы дәлелді жауапты дайындайды;

көрсетілетін қызметті беруші басшысының 1 (бір) жұмыс күні ішінде рұқсатты немесе мемлекеттік қызметті көрсетуден бас тарту туралы дәлелді жауапты келісуі;

көрсетілетін қызметті беруші басшылығының 1 (бір) жұмыс күні ішінде рұқсатқа немесе мемлекеттік қызметті көрсетуден бас тарту туралы дәлелді жауапқа қол қоюы;

рұқсатты немесе мемлекеттік қызметті көрсетуден бас тарту туралы дәлелді жауапты көрсетілетін қызметті берушінің басшылығы қол қойған күні қызметті алушы оны автоматты түрде берілген нөмірмен порталда, жеке кабинетінде алады;

рұқсатты қайта рәсімдеу үшін:

көрсетілетін қызметті беруші кеңсесі қызметкерінің өтінішті келіп түскен күні тіркеуі және оны көрсетілетін қызметті берушінің басшылығына 1 (бір) сағат ішінде (егер өтініш жұмыс күні 18-30 кейін, демалыс және мереке күндері келіп түссе, Қазақстан Республикасының еңбек заңнамасына сәйкес өтінішті қабылдау және мемлекеттік қызмет көрсету нәтижелерін беру келесі жұмыс күні жүзеге асырылады) беруі;

көрсетілетін қызметті беруші басшылығының 5 (бес) сағат ішінде құжаттың мазмұнымен танысуы және бұрыштама жазуы. Көрсетілетін қызметті берушінің басшысына құжатты беруі;

көрсетілетін қызметті беруші басшысының 2 (екі) сағат ішінде құрылымдық бөлімшенің орындаушысын таңдауы;

орындаушы 2 (екі) жұмыс күні ішінде ұсынылған құжаттарды толықтығына және сәйкестігіне тексереді;

ұсынылған құжаттардың толық еместігі және сәйкес еместігі анықталған жағдайда орындаушы 1 (бір) жұмыс күні ішінде өтінішті одан әрі қараудан бас тарту туралы дәлелді жауап дайындайды;

көрсетілетін қызметті беруші басшысының 4 (төрт) сағат ішінде өтінішті одан әрі қараудан бас тарту туралы дәлелді жауапты келісуі;

көрсетілетін қызметті беруші басшылығының 4 (төрт) сағат ішінде өтінішті одан әрі қараудан бас тарту туралы дәлелді жауапқа қол қоюы;

қызметті берушінің басшылығы өтінішті одан әрі қараудан бас тарту туралы дәлелді жауапқа қол қойған соң қызметті алушы автоматты түрде берілген нөмірмен порталда, жеке кабинетінде жауапты алады;

ұсынылған құжаттар толық болған жағдайда орындаушы 8 (сегіз) күнтізбелік күн ішінде рұқсатты қайта рәсімдеуді дайындайды;

көрсетілетін қызметті беруші басшысының 1 (бір) күнтізбелік күн ішінде қайта рәсімделген рұқсатты келісуі;

көрсетілетін қызметті беруші басшылығының 1 (бір) күнтізбелік күн ішінде қайта рәсімделген рұқсатқа қол қоюы;

қайта рәсімделген рұқсатты көрсетілетін қызметті берушінің басшылығы қол қойған күні қызметті алушы оны автоматты түрде берілген нөмірмен порталда, жеке кабинетінде алады.

6. Мына рәсімдерді (іс-қимылдарды) орындауды бастау үшін негіз болатын мемлекеттік қызметті көрсету жөніндегі рәсімдер (іс-қимылдар) нәтижелері:

кіріс нөмірі бар тіркелген өтінім;

танысқан және салынған бұрыштама;

толықтығына және сәйкестігіне қарастырылған құжаттар топтамасы;

дайындалған мемлекеттік қызметті көрсету нәтижесі;

қол қойылған мемлекеттік қызметті көрсету нәтижесі.

7. Мемлекеттік қызмет көрсету рәсіміне қатысатын көрсетілетін қызмет берушілердің құрылымдық бөлімшелерінің (қызметкерлерінің) тізбесі:

1) көрсетілетін қызметті берушінің басшылығы;

2) көрсетілетін қызметті берушінің басшысы;

3) орындаушы;

4) кеңсе қызметкері.

8. Әрбір рәсімнің (іс-қимылдың) ұзақтығын көрсете отырып, көрсетілетін қызметті берушінің құрылымдық бөлiмшелерінің арасындағы рәсiмдердің (iс-қимылдардың) бірізділігі сипаттамасы:

көрсетілетін қызметті беруші кеңсесінің қызметкері 1 (бір) сағат ішінде (егер өтініш жұмыс күні 18-30 кейін, демалыс және мереке күндері келіп түссе, Қазақстан Республикасының еңбек заңнамасына сәйкес өтінішті қабылдау және мемлекеттік қызмет көрсету нәтижелерін беру келесі жұмыс күні жүзеге асырылады) өтінішті қабылдайды және тіркейді;

көрсетілетін қызметті беруші басшылығы 5 (бес) сағат ішінде бұрыштама қояды және көрсетілетін қызметті берушінің басшысына құжаттарды береді;

көрсетілетін қызметті беруші басшысының 2 (екі) сағат ішінде орындаушыны таңдауы;

орындаушы 2 (екі) жұмыс күні ішінде құжаттарды толықтығына және сәйкестігіне тексереді;

ұсынылған құжаттарды сәйкестікке тексеру және қарастырудың нәтижесі бойынша рұқсатты немесе мемлекеттік қызметті көрсетуден бас тарту туралы дәлелді жауапты беруді жүргізу 2 (екі) жұмыс күні ішінде;

рұқсатты немесе мемлекеттік қызметті көрсетуден бас тарту туралы дәлелді жауапты 10 (он) жұмыс күні ішінде ресімдеу және беру;

рұқсатты қайта ресімдеу және оны беру 15 (он бес) күнтізбелік күн ішінде.

9. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) өзара іс-қимыл тәртібінің сипаттамасы осы «І санаттағы объектілер үшін экологиялық рұқсаттар беру» мемлекеттік көрсетілетін қызмет регламентіне қосымшаға сәйкес мемлекеттік қызмет көрсетудің бизнес-процестерінің анықтамалығында келтірілген.