Қазақстан Республикасы Стратегиялық жоспарлау және реформалар агенттігінің кейбір мәселелері туралы Қазақстан Республикасы Президентінің 2020 жылғы 5 қазандағы № 427 жарлығы

«Қазақстан Республикасының Президенті туралы» Қазақстан Республикасы Конституциялық заңының 17-1-бабы 2-тармағының 1) тармақшасына сәйкес ҚАУЛЫ ЕТЕМІН:

Кіріспе жаңа редакцияда жазылды ҚР Президентінің 29.07.2024 жылғы № 605 Жарлығына сәйкес (03.01.2024 ж. редакцияны қараңыз)

1. Қоса беріліп отырған:

1) Қазақстан Республикасының Стратегиялық жоспарлау және реформалар агенттігі (бұдан әрі – Агенттік) туралы ереже;

2) Агенттіктің құрылымы;

3) Қазақстан Республикасы Президентінің кейбір актілеріне енгізілетін өзгерістер мен толықтырулар бекітілсін.

2. Қазақстан Республикасы Ұлттық экономика министрлігінің Статистика комитеті Агенттіктің Ұлттық статистика бюросы болып қайта құрылсын.

3. Қазақстан Республикасының Үкіметі осы Жарлықты іске асыру бойынша өзге де шараларды қабылдасын.

4. Осы Жарлық қол қойылған күнінен бастап қолданысқа енгізіледі.

Қазақстан Республикасының Президенті Қ.Тоқаев

1. Қазақстан Республикасының Стратегиялық жоспарлау және реформалар агенттiгi (бұдан әрi – Агенттiк) Қазақстан Республикасының Президентiне тiкелей бағынатын және есеп беретiн, стратегиялық жоспарлау, реформалар жүргізу салаларында және мемлекеттік статистика саласында басшылықты жүзеге асыратын мемлекеттiк орган болып табылады.

1-тармақ жаңа редакцияда жазылды ҚР Президентінің 29.07.2024 жылғы № 605 Жарлығына сәйкес (03.01.2024 ж. редакцияны қараңыз)

2. Агенттіктің ведомствосы бар: Ұлттық статистика бюросы және оның облыстардағы, республикалық маңызы бар қалалардағы, астанадағы аумақтық бөлімшелері.

3. Агенттік өз қызметін Қазақстан Республикасының Конституциясына және заңдарына, Президент пен Үкіметтің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.

4. Агенттік мемлекеттік мекеменің ұйымдық-құқықтық нысанындағы заңды тұлға болып табылады, оның Қазақстан Республикасының Мемлекеттік Елтаңбасы бейнеленген мөрі және қазақ және орыс тілдерінде өз атауы бар мөртаңбалары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.

5. Агенттік азаматтық-құқықтық қатынастарға өз атынан түседі.

6. Агенттіктің, егер оған Қазақстан Республикасының заңнамасына сәйкес уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.

7. Агенттік өз құзыретіндегі мәселелер бойынша Қазақстан Республикасының заңнамасында белгіленген тәртіппен Агенттік төрағасының

бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.

8. Агенттіктің құрылымы мен жалпы штат саны Қазақстан Республикасының заңнамасына сәйкес бекітіледі.

9. Агенттіктің орналасқан жері: Қазақстан Республикасы, 010000, Астана қаласы, «Есіл» ауданы, Мәңгілік Ел даңғылы, 55/6.

9-тармақ жаңа редакцияда жазылды ҚР Президентінің 29.07.2024 жылғы № 605 Жарлығына сәйкес (03.01.2024 ж. редакцияны қараңыз)

10. Осы Ереже Агенттіктің құрылтай құжаты болып табылады.

11. Агенттіктің қызметін қаржыландыру Қазақстан Республикасының заңнамасына сәйкес республикалық бюджеттен жүзеге асырылады.

12. Агенттікке кәсіпкерлік субъектілерімен Агенттіктің өкілеттіктері болып табылатын міндеттерді орындау тұрғысынан шарттық қарым-қатынас жасауға тыйым салынады.

Егер Агенттікке Қазақстан Республикасының заңнамалық актілерімен кіріс әкелетін қызметті жүзеге асыру құқығы берілсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.

13. Мақсаттары:

1) стратегиялық жоспарлау саласындағы мемлекеттік саясатты қалыптастыру;

2) мемлекеттік басқару жүйесін жетілдіруге қатысу;

3) елдің әлеуметтік-экономикалық дамуын жетілдіруге бағытталған жүйелі (құрылымдық және институционалдық) реформаларды әзірлеу;

3-тармақша жаңа редакцияда жазылды ҚР Президентінің 15.10.2024 жылғы № 674 Жарлығына сәйкес (29.07.2024 ж. редакцияны қараңыз)

4) мемлекеттік статистика саласында мемлекеттік саясатты қалыптастыру және жетілдіру;

4-тармақша жаңа редакцияда жазылды ҚР Президентінің 29.07.2024 жылғы № 605 Жарлығына сәйкес (03.01.2024 ж. редакцияны қараңыз)

5) жүйелі (құрылымдық және институционалдық) реформалардың, оның ішінде мемлекеттік жоспарлау жүйесі құжаттарының шеңберінде іске асырылу барысын мониторингтеу және бағалау;

5-тармақша жаңа редакцияда жазылды ҚР Президентінің 15.10.2024 жылғы № 674 Жарлығына сәйкес (29.07.2024 ж. редакцияны қараңыз)

6) статистикалық әдіснаманы қалыптастыру;

13-тармақ 6-тармақшамен толықтырылды ҚР Президентінің 15.10.2024 жылғы № 674 Жарлығына сәйкес

7) мемлекеттік статистика қағидаттарын сақтай отырып, статистикалық қызметті жүзеге асыру;

13-тармақ 7-тармақшамен толықтырылды ҚР Президентінің 15.10.2024 жылғы № 674 Жарлығына сәйкес

8) қоғамның, мемлекеттің және халықаралық қоғамдастықтың ресми статистикалық ақпаратқа қажеттілігін қанағаттандыру;

13-тармақ 8-тармақшамен толықтырылды ҚР Президентінің 15.10.2024 жылғы № 674 Жарлығына сәйкес

9) әкімшілік деректердің сапасын айқындау.

13-тармақ 9-тармақшамен толықтырылды ҚР Президентінің 15.10.2024 жылғы № 674 Жарлығына сәйкес

14. Өкілеттіктері:

1) құқықтары:

1-тармақша жаңа редакцияда жазылды ҚР Президентінің 15.08.2022 жылғы № 979 Жарлығына сәйкес (17.03.2022 ж. редакцияны қараңыз)(өзгерту 18.08.2022 жылдан бастап қолданысқа енгізіледі)
1-тармақша өзгертілді ҚР Президентінің 19.06.2023 жылғы № 266 Жарлығымен (26.04.2023 ж. редакцияны қараңыз)
1-тармақша өзгертілді ҚР Президентінің 29.07.2024 жылғы № 605 Жарлығымен (03.01.2024 ж. редакцияны қараңыз)
1-тармақша өзгертілді ҚР Президентінің 15.10.2024 жылғы № 674 Жарлығымен (29.07.2024 ж. редакцияны қараңыз)

стратегиялық жоспарлау, мемлекеттік статистикалық қызмет, институционалдық және әлеуметтік-экономикалық реформалар жүргізу салаларындағы мемлекеттік саясатты жетілдіру мәселелері бойынша Қазақстан Республикасының Президентіне ұсыныстар енгізу;

өзінің құзыретіне жатқызылған мәселелер бойынша қажетті ақпаратты белгіленген тәртіппен Қазақстан Республикасының Үкіметінен, Ұлттық Банкінен, орталық мемлекеттік органдарынан, жергілікті атқарушы органдардан, ұйымдардан, квазимемлекеттік сектор субъектілерінен, сондай-ақ лауазымды адамдардан сұрату және алу;

Қазақстан Республикасының заңнамасын қолдану практикасын талдау және қорыту, оны жетілдіру жөнінде ұсыныстар әзірлеу, заңнамалық және өзге де нормативтік құқықтық актілердің жобаларын дайындауға қатысу, оларды Қазақстан Республикасы Президентінің қарауына енгізу;

халықаралық шарттар жасасу, келіссөздер жүргізу және өз құзыреті шегінде және Қазақстан Республикасының заңнамасында белгіленген тәртіппен шет елдердің тиісті ведомстволарымен, халықаралық ұйымдармен және шетелдік заңды тұлғалармен келісімдерге қол қою;

шетелдік сарапшылар мен консультанттарды Қазақстан Республикасының заңнамасында белгіленген тәртіппен жұмысқа тарту;

өз құзыреті шегінде консультативтік-кеңесші органдарды, оның ішінде кәсіптік біліктілікті дамыту жөніндегі мәселелерді үйлестіру мақсатында кәсіптік біліктілікті тану саласындағы уәкілетті орган айқындаған тәртіппен кәсіптік біліктілік жөніндегі салалық кеңестерді, сондай-ақ ведомствоаралық жұмыс топтарын, сараптама комиссияларын құру;

респонденттерден бастапқы статистикалық деректерді өтеусіз негізде алу;

Қазақстан Республикасының заңнамалық актілерінде белгіленген, коммерциялық және заңмен қорғалатын өзге де құпияны құрайтын мәліметтерді жариялауға қойылатын талаптарды сақтай отырып, бастапқы, әкімшілік және дербес деректерді қоса алғанда, мемлекеттік органдар мен ұйымдардың дерекқорларына қолжетімділік алу;

Агенттіктің, оның ведомствосының, ведомствоның аумақтық бөлімшелерінің және ведомстволық бағынысты ұйымның қызметіне қатысты мәселелер бойынша құқықтық актілерді әзірлеу, келісу және бекіту;