Документ на казахском языке

Салық салынатын кiрiстi анықтау кезiнде шегерiмге жататын өкiлдiк шығыстардың және Қазақстан Республикасынан тыс жерлерде iссапарда болған уақыты үшiн төленетiн тәулiкақы нормаларын бекiту туралы Қазақстан Республикасы Үкіметінің қаулысы 2001 жылғы 24 желтоқсан N 1677

Редакция 14.03.2005 жылы берілген өзгерістер мен толықтырулармен

"Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы Кодексiнiң (Салық кодексi) 93-бабына сәйкес Қазақстан Республикасының Yкiметi қаулы етеді:

1. Мыналар:

1-қосымшаға сәйкес салық салынатын кiрiстi анықтау кезiнде шегерiмге жататын өкiлдiк шығыстардың нормалары;

2-қосымшаға сәйкес салық салынатын кiрiстi анықтау кезiнде шегерiмге жататын, Қазақстан Республикасынан тыс жерлерде iссапарда болған уақыты үшiн төленетiн тәулiкақы нормалары бекiтiлсiн.

2. Осы қаулы 2002 жылғы 1 қаңтардан бастап күшiне енедi.

Қазақстан Республикасының

Премьер-Министрі

Қазақстан Республикасы Үкiметiнiң 2001 жылғы 24 желтоқсандағы N 1677 қаулысына 1-қосымша

Салық салынатын кiрiстi анықтау кезiнде шегерiмге жататын өкiлдiк шығыстардың нормалары

____________________________________________________________________

Шығыстардың атауы Құны (айлық есептiк

көрсеткiш)

____________________________________________________________________

1. Адамдарды ресми қабылдауды 8,0-ге дейiн

жүргiзу жөнiндегi шығыстар (күнiне

бiр адамға есептегенде)

2. Келiссөздер кезiндегi 1,5-ке дейiн

тамақтануға арналған шығыстар

(аудармашы мен iлесiп жүретiн

адамдарды қоса алғанда, күнiне бiр

адамға есептегенде)

3. Делегацияны қабылдайтын 1,0-ге дейiн

ұйымның штатында есепте жоқ

аудармашының еңбегiне ақы төлеу

(сағатына)

4. Автокөлiк қызметiн көрсету 1,0-ге дейiн

(сағатына)

____________________________________________________________________

1. Адамдарды ресми қабылдауды жүргiзу кезiнде қабылдаушы тараптан қатысушылардың саны қабылданатын делегация тарапынан қатысушылардың санынан аспауы тиiс.

2. Делегацияның құрамы бес адамнан жоғары болған кезде делегацияға қызмет көрсететiн iлесiп жүретiн адамдар мен аудармашылардың саны делегацияның кемiнде бес мүшесiне бiр аудармашы немесе iлесiп жүрушi есебiмен анықталуы тиiс.

Қазақстан Республикасы Үкiметiнiң 2001 жылғы 24 желтоқсандағы N 1677 қаулысына 2-қосымша

Салық салынатын кiрiстi анықтау кезiнде шегерiмге жататын Қазақстан Республикасынан тыс жерлерде iссапарда болған уақыты үшiн төленетiн тәулiкақы нормалары

__________________________________________________________________

Елдер | Тәулiкақы (АҚШ долларымен)

__________________________________________________________________

1. Америка Құрама Штаттары, Канада,

Жапония, Қытай Халық Республикасы,

Батыс және Шығыс Еуропа 80

2. Сингапур, Оңтүстiк Корея,

Малайзия, Израиль, Сауд Арабиясы,

Кувейт, Катар, Бахрейн, Бруней, Оман,

Кипр, Австралия, Египет, Таиланд,

Бiрiккен Apaб Әмiрлiктерi, Оңтүстiк

Африка Республикасы, Филиппин 70

3. Тәуелсiз Мемлекеттер Достастығы

елдерi 50

4. Басқа елдер 60

__________________________________________________________________