Қазақстан Республикасы ішкі істер органдарының лауазымдар номенклатурасын бекіту туралы Қазақстан Республикасы Ішкі істер министрінің 2013 жылғы 30 қарашадағы № 690 бұйрығы

«Құқық қорғау қызметі туралы» Қазақстан Республикасының Заңына сәйкес және қызметкерлерді тағайындау, босату және шығару тәртібін нақтылау, кадрларды іріктеу және орналастыру үшін басшылардың жауапкершілігін арттыру мақсатында БҰЙЫРАМЫН :

1. Мыналар:

1) осы бұйрыққа 1-қосымшаға сәйкес Қазақстан Республикасы Ішкі істер министрлігі номенклатурасының лауазымдар тізбесі;

2) осы бұйрыққа 2-қосымшаға сәйкес Қазақстан Республикасы Ішкі істер министрлігінің күші жойылған кейбір бұйрықтарының тізбесі бекітілсін.

2. ІІМ Ішкі әскерлері, Әкімшілік полиция, Қылмыстық-атқару жүйесі комитеттерінің төрағалары, Жетінші департаменттің, «Р» департаменттің, ішкі істер департаменттерінің, ІІМ оқу орындарының, ІІМ «Автокөліктік қызмет көрсету мекемесі» мемлекеттік мекемесінің, ІІМ-нің Байқоңыр қаласындағы Өкілдігінің, облыстардың, Астана, Алматы және Жезқазған қалаларының «Мамандандырылған күзет қызметі басқармасы» мемлекеттік мекемелерінің бастықтары:

1) осы бұйрыққа сәйкес тиісті лауазымдар номенклатурасының тізбелерін бекітсін;