Документ на казахском языке

«Балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу қағидасын бекіту туралы» бұйрық жобасына құжаттама

Жоба

Балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу қағидасын бекіту туралы

2004 жылғы 9 шілдедегі Қазақстан Республикасының «Жануарлар дүниесін қорғау, өсімін молайту және пайдалану туралы» Заңының 8 бабының 24-13) тармақшасына сәйкес БҰЙЫРАМЫН:

1. Осы бұйрықтың қосымшасына сәйкес қоса беріліп отырған Балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу қағидасы бекітілсін.

2. Қазақстан Республикасының Ауыл шаруашылығы министрлігі Орман шаруашылығы және жануарлар дүниесі комитеті заңнамада белгіленген тәртіпте:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықтың мемлекеттік тіркелгеннен кейін он күнтізбелік күн ішінде оны ресми жариялауға мерзімдік баспа басылымдарына және «Әділет» ақпараттық-құқықтық жүйесіне жіберілуін;

3) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

3. Осы бұйрықтың орындалуын бақылау Қазақстан Республикасы Ауыл шаруашылығы министрлігінің жетекшілік ететін вице-министріне жүктелсін.

4. Осы бұйрық алғашқы ресми жарияланған күннен бастап он күнтізбелік күн өткен соң қолданысқа енгізіледі.

Министр А. Мамытбеков

Қазақстан Республикасы

Аул шаруашылығы министрінің

2014 жылғы «__» __________

№ ________ бұйрығымен

бекітілген

Балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу қағидалары

Жалпы ережелер

1. Осы Балық шаруашылығы су айдындарын және (немесе) учаскелерін ерекше құндыларға жатқызу қағидалары (бұдан әрі - Қағидалар) «Жануарлар дүниесiн қорғау, өсiмiн молайту және пайдалану туралы» Қазақстан Республикасының 2004 жылғы 9 шілдедегі Заңына сәйкес әзірленген және балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу тәртібін белгілейді.

2. Осы Қағидаларда мынадай ұғымдар пайдаланылады:

1) жануарлар дүниесiн қорғау, өсiмiн молайту және пайдалану саласындағы уәкiлеттi мемлекеттiк орган (бұдан әрi - уәкiлеттi орган) – жануарлар дүниесiн қорғау, өсiмiн молайту және пайдалану саласындағы басшылықты және мемлекеттiк саясатты iске асыруды, сондай-ақ өз өкiлеттiктерi шегiнде салааралық үйлестiрудi жүзеге асыратын орталық атқарушы орган;

2) аумақтық бөлімшелер – уәкілетті орган ведомствосының аумақтық бөлімшелері.

Су объектілері немесе олардың бөліктері, іргелес жатқан жағалау аумақтарымен бірге акваториялар балық шаруашылығы үшін ерекше құнды су айдындары және (немесе) учаскелері болып табылады.

3. Ерекше құнды балық шаруашылығы су айдындары және (немесе) учаскелері мынадай мақсаттарды іске асыру үшін белгіленеді:

1) балықтардың кәсіпшілік түрлерінің және басқа да су жануарларының табиғи молаюын қолдау;

2) балықтардың және басқа да су жануарларының биологиялық әралуандығын сақтау;

3) сирек кездесетін және құрып кету қаупі төнген балық түрлерін және басқа да су жануарларын сақтау;

4) серуендеу, уылдырық шашу орындарын, өріс аудару жолдарын, қыстау шұңқырларын сақтау.

4. Ерекше құнды балық шаруашылығы су айдындарында және (немесе) учаскелерінде шаруашылықтың және басқа қызметтің реттелетін режимі белгіленеді.

Ерекше құнды балық шаруашылығы су айдындарында және (немесе) учаскелерінде балық аулау жануарлар дүниесiн қорғау, өсiмiн молайту және пайдалану саласындағы заңнамамен реттеледі.

Балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу тәртібі

5. Балық шаруашылығы су айдындарын және (немесе) учаскелерін ерекше құндыларға жатқызу және олардың шекараларын белгілеу, сондай-ақ учаскелердің белгіленген шекараларын түзету, өзгерту тиісті ғылыми ұйымдар берген биологиялық негіздеменің негізінде жүзеге асырылады.

6. Балық шаруашылығы су айдындарын және (немесе) учаскелерін ерекше құндыларға жатқызу және олардың шекараларын белгілеу, сондай-ақ учаскелердің бекітілген шекараларын түзету, өзгерту жөнінде ұсыныстар әзірлеу үшін аумақтық бөлімше комиссия (бұдан әрі – Комиссия) құрады.

Көрсетілген Комиссияның құрамын және оның қызмет тәртібін аумақтық бөлімше айқындайды.

Комиссия құрамына аумақтық бөлімшелердің, жергілікті атқарушы органдардың, қоғамдық бірлестіктердің, ғылыми және табиғат қорғау ұйымдарының өкілдері қосылады.

Бекітілген балық шаруашылығы су айдындарын және (немесе) учаскелерін ерекше құндыларға жатқызған жағдайда Комиссия құрамына балық ресурстарын пайданушылардың өкілдері қосылады.

7. Комиссия отырысының нәтижелері хаттамамен ресімделеді, оған қатысып отырған мүшелердің барлығы қол қояды.

8. Комиссия ұсынымдарына және биологиялық негіздемеге сүйене отырып, уәкілетті орган мынадай шешімдерді қабылдайды:

1) балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу;

2) белгіленген шекараларда шаруашылық және өзге де қызметтің реттелетін режимін белгілеу.

9. Қабылданатын шешімдер қоршаған ортаны қорғау саласындағы уәкілетті органмен, сондай-ақ аумағында осы су айдыны орналасқан жергілікті атқарушы органдармен келісіледі.

10. Ерекше құнды балық шаруашылығы су айдындарының және (немесе) учаскелерінің белгіленген шекаралары белгілі бір орындардың атаулары, географиялық координаталары көрсетілген карта-схемада белгіленеді.

11. Ерекше құнды балық шаруашылығы су айдындарының және (немесе) учаскелерінің шекаралары белгілі бір серуендеу, уылдырық шашу, өсіру орындарын, қыстау шұңқырлары шегінде балық шаруашылығын жүргізуге бөлінген бір немесе бірнеше балық шаруашылығы учаскелерін қамтуы мүмкін.

«Балық шаруашылығы су айдындарын және (немесе) учаскелерін ерекше құндыларға жатқызу, олардың шекараларын белгілеу қағидасын бекіту туралы» Қазақстан Республикасының Ауыл шаруашылығы министрінің бұйрығына анықтама-негіздеме

Қазақстан Республикасы Ауыл шаруашылығы министрлігі Құқықтық қамтамасыз ету департаментінің директоры А. Жеңісов